2024 च्या सुरूवातीला Xiaomi ने सब-ब्रँड Redmi अंतर्गत ‘नोट 13’ सीरीज सादर केली होती. ज्यामध्ये Redmi Note 13, Note 13 Pro आणि Note 13 Pro+ लाँच करण्यात आले होते. तिन्ही मोबाईल त्यांच्या बजेटमध्ये हिट ठरले होते. यापैकी एक Redmi Note 13 Pro हा आता 3,000 रुपयांनी कमी दरात खरेदी करण्याची संधी मिळणार आहे. हा रेडमी फोन स्वस्त किमतीत कसा खरेदी करता येईल, त्याची माहिती पुढे दिली आहे.
Redmi Note 13 Pro वर डिस्काऊंट
Redmi Note 13 Pro वर बँक ऑफर अंतर्गत 3,000 रुपयांची सूट मिळत आहे. कंपनीने काही बँकांची निवड केली आहे, ज्यांचे ग्राहक हा स्मार्टफोन कमी किंमतीत खरेदी करू शकतात. या बँकांची नावे पुढीलप्रमाणे आहेत.
- SBI Bank
- HDFC Bank
- Axis Bank
- Kotak Bank
- ICICI Bank
रेडमी फोनवर ऑफर
- स्टेट बँक ऑफ इंडियाच्या क्रेडिट कार्डवर 3,000 रुपयांची सूट मिळेल.
- एचडीएफसी बँकेच्या डेबिट कार्ड आणि क्रेडिट कार्डवर 3,000 रुपयांची सूट दिली जात आहे.
- सर्व आयसीआयसीआय बँकेच्या ग्राहकांना त्यांचे डेबिट किंवा क्रेडिट कार्ड वापरण्यावर 3,000 रुपयांची सूट देखील मिळेल.
- ॲक्सिस बँक क्रेडिट कार्डद्वारे खरेदी केल्यास कंपनी तीन हजार रुपयांची सूट देत आहे.
- कोटक क्रेडिट कार्ड वापरणारे लोक देखील Redmi Note 13 Pro ला 3,000 रुपयांनी स्वस्त दरात खरेदी करू शकतील.
टीप – ॲक्सिस आणि कोटक बँकेचे फायदे फक्त कंपनीच्या वेबसाईटवर मिळू शकतात. त्याचवेळी इतर बँक ऑफर एमआय डॉट कॉम तसेच शॉपिंग साईट ॲमेझॉन इंडियावर देखील वैध आहेत. लक्षात ठेवा, कंपनी कधीही ही योजना बंद करू शकते आणि डिस्काउंट ऑफरमध्ये बदल करू शकते.
Redmi Note 13 Pro ची किंमत
Redmi Note 13 Pro 5G फोन तीन मेमरी व्हेरियंट्समध्ये खरेदी केला जाऊ शकतो. त्याच्या बेस मॉडेलमध्ये 8GB रॅम सोबतच 128GB स्टोरेज मिळत आहे. तसेच त्याचा दुसरा व्हेरियंट 8GB रॅमसह 256 GB स्टोरेजला सपोर्ट करतो. 3,000 रुपयांच्या सवलतीनंतर ते अनुक्रमे 21,999 आणि 23,999 रुपयांना खरेदी केले जाऊ शकतात. त्याचवेळी सर्वात मोठे 12GB रॅम + 256GB स्टोरेज हे मॉडेल 25,000 रुपयांत खरेदी केले जाऊ शकते. हा रेडमी फोन आर्क्टिक व्हाईट, कोरल पर्पल, मिडनाईट ब्लॅक आणि स्कार्लेट रेड कलरमध्ये विकला जात आहे.
Redmi Note 13 Pro चे स्पेसिफिकेशन
- 6.67″ 120 हर्ट्झ ॲमोलेड डिस्प्ले
- स्नॅपड्रॅगन 7 एस जेन 2 प्रोसेसर
- 12 जीबी रॅम + 512जीबी स्टोरेज
- 200 मेगापिक्सेल बॅक कॅमेरा
- 16 मेगापिक्सेल फ्रंट कॅमेरा
- 67 वॉट फास्ट चार्जिंग
- 5,100 एमएएच
स्क्रीन: Redmi Note 13 Pro 5G हा फोन 2712 x 1220 पिक्सेल रिझोल्यूशन असलेल्या 6.67 इंच फुलएचडी + पंच-होल डिस्प्लेला सपोर्ट करतो. ही ॲमोलेड पॅनलवर बनवलेली स्क्रीन आहे, जी 120Hz रिफ्रेश रेट आणि 1800nits ब्राईटनेसला सपोर्ट करते.
प्रोसेसर: Redmi Note 13 Pro 5G फोन अँड्रॉइड 13 आधारित एमआययूआय 14 वर काम करतो. प्रोसेसिंगसाठी यात 4 नॅनोमीटर फॅब्रिकेशनवर बनवलेला क्वालकॉम स्नॅपड्रॅगन 7एस जेन 2 ऑक्टाकोर प्रोसेसर दिला गेला आहे, जो 2.4 गीगाहर्ट्झ क्लॉक स्पीडने रन करतो.
बॅक कॅमेरा: फोटोग्राफीसाठी यात ट्रिपल रिअर कॅमेरा मिळत आहे. Redmi Note 13 Pro 5G फोन F/1.65 अपर्चर असलेल्या 200 मेगापिक्सेल मुख्य कॅमेराला सपोर्ट करतो, त्यासोबत 8 मेगापिक्सेल अल्ट्रा वाईड अँगल लेन्स आणि 2 मेगापिक्सेल मॅक्रो लेन्स देखील उपलब्ध आहेत.
फ्रंट कॅमेरा: सेल्फी, व्हिडिओ कॉलिंग आणि रील बनवण्यासाठी Redmi Note 13 Pro 5G हा 16 मेगापिक्सेल फ्रंट कॅमेऱ्याला सपोर्ट करतो, जो F/2.5 अपर्चरवर काम करतो.
बॅटरी: पॉवर बॅकअपसाठी Redmi Note 13 Pro 5G फोन 5,100mAh च्या बॅटरीला सपोर्ट करतो. तर ही मोठी बॅटरी जलद चार्ज करण्यासाठी फोनमध्ये 67 वॉट फास्ट चार्जिंग तंत्रज्ञान मिळत आहे.