ओपो ने या आठवड्यात आपल्या इंडियन ट्वीटर हँडल वरून सांगितले आहे कि कंपनी भारतात आपली स्मार्टफोनच्या सिरीज वाढवणार आहे. ओपो ने ट्वीट केले आहे कि कंपनी नुकताच अंर्तराष्ट्रीय मंचावर लॉन्च झालेला ओपो ए7 स्मार्टफोन भारतात आणणार आहे. ओपो ने अजूनतरी फोनची लॉन्च डेट सांगितली नाही, पण कंपनीच्या आॅफिशियल घोषणेच्या आधीच 91मोबाईल्सला ओपो ए7 ची लॉन्च डेट तसेच फोनची किंमत समजली आहे.
91मोबाईल्सला माहिती मिळाली आहे कि ओपो कंपनी येत्या 27 नोव्हेंबरला आपला नवीन स्मार्टफोन ओपो ए7 भारतात लॉन्च करणार आहे. हा फोन आॅनलाईन प्लॅटफॉर्म सोबतच आॅफलाईन रिटेल स्टोर्स वर पण सेल साठी उपलब्ध होईल. सूत्रांकडून मिळालेल्या माहितीनुसार या फोनची किंमत 17,999 रुपये असेल. ओपो ए7 किती वेरिएंट्स मध्ये भारतात लॉन्च हे अजून सांगता येत नाही पण अशा आहे कि फोनची न्यूनतम किंमत 16,999 रुपये असेल.
ओपो ए7 चे स्पेसिफिकेशन्स पाहता हा फोन 19.5:9 आस्पेक्ट रेशियो वाल्या डिस्प्ले सह सादर करण्यात आला आहे ज्यात वरच्या बाजूला ‘वी’ शेप वाली वॉटर ड्रॉप नॉच आहे. हा फोन 1,520 x 720 पिक्सल रेज्ल्यूशन 6.2-इंचाच्या एचडी+ डिस्प्लेला सपोर्ट करतो. ओपो ए7 हा फोन एंडरॉयड ओरियो आधारित कलरओएस 5.2 वर सादर करण्यात आला आहे तसेच हा क्वालकॉम स्नॅपड्रॅगॉन 450 चिपसेट वर चालतो. तर ग्राफिक्स साठी या फोन मध्ये ऐड्रेनो 506 जीपीयू आहे.
ओपो ए7 4जीबी रॅम सह सादर करण्यात आला आहे. या फोन मध्ये 64जीबी इंटरनल स्टोरेज देण्यात आली आहे जी माइक्रोएसडी कार्ड ने 256जीबी पर्यंत वाढवता येते. फोटोग्राफी सेग्मेंट पाहता हा फोन डुअल रियर कॅमेऱ्याला सपोर्ट करतो. ओपो ए7 च्या बॅक पॅनल वर फ्लॅश लाईट सह 13-मेगापिक्सलचा प्राइमरी आणि 2-मेगापिक्सलचा सेकेंडरी कॅमेरा सेंसर देण्यात आला आहे. तसेच फोनच्या फ्रंट पॅनल वर 16-मेगापिक्सलचा सेल्फी कॅमेरा आहे.
ओपो ए7 डुअल सिम फोन आहे जो 4जी वोएलटीई ला सपोर्ट करतो. बेसिक कनेक्टिविटी फीचर्स सोबत सिक्योरिटी साठी फोनच्या बॅक पॅनल वर फिंगरप्रिंट सेंसर देण्यात आला आहे तसेच हा फोन फेस अनलॉक टेक्नॉलॉजीला सपोर्ट करतो. त्याचप्रमाणे पावर बॅकअप साठी ओपो ने आपला नवीन फोन 4,230एमएएच च्या मोठ्या दमदार बॅटरी सह लॉन्च केला आहे. ओपो ए7 अंर्तराष्ट्रीय मंचावर फ्रेश पाउडर, लेक लाइट ग्रीन, गोल्ड आणि ग्लेज ब्लू कलर वेरिएंट सादर करण्यात आले आहेत.
इनपुट : केशव खेडा