Google पुढील महिन्यात 10 मेला I/O 2023 डेव्हलपर कॉन्फरन्सचं आयोजन करणार आहे. या कार्यक्रमातून Android 14 OS सादर केला जाईल. तसेच ब्रँड आपला किफायतशीर स्मार्टफोन Pixel 7a आणि Pixel Fold सादर करू शकते. परंतु कंपनीनं याबाबत कोणतीही अधिकृत माहिती मिळाली नाही. परंतु, FrontPageTech च्या जॉन प्रॉसेर यांनी Pixel 7a आणि Pixel Fold प्री-ऑर्डर आणि खरेदीसाठी कधी उपलब्ध होतील याची माहिती दिली आहे. तसेच दुसऱ्या एका रिपोर्टमध्ये Pixel 7a च्या किंमतीची खुलासा झाला आहे.
गुगल पिक्सल 7ए आणि पिक्सल फोल्डची लीक लाँच डेट
Google Pixel Fold ची घोषणा 10 मेला केली जाऊ शकते आणि हा Google Store वर प्री-ऑर्डरसाठी 10 मेला उपलब्ध होऊ शकतो. तसेच, 30 मेला पार्टनर्स आणि कॅरियर आउटलेट्सच्या माध्यमातून विक्री सुरु होऊ शकते. फोल्डेबल फोनची विक्री 27 जूनपासून सुरु होऊ शकते. जॉन यांनी दावा केला आहे की Pixel 7a 10 मेला घोषणेनंतर त्वरित उपलब्ध होईल आणि चारकोल, स्नो, सी आणि कोरल (फक्त Google स्टोर) मध्ये उपलब्ध होईल. रिपोर्टमध्ये सांगण्यात आलं आहे की Google Pixel 6a स्मार्टफोन Pixel 7a च्या लाँचनंतर बंद केला जाणार नाही.
गुगल पिक्सल 7ए ची संभाव्य किंमत
Pixel 7a ची किंमत पाहता 9to5Google च्या रिपोर्टमध्ये दावा करण्यात आला आहे की फोनची किंमत 499 डॉलर्स (जवळपास 41,000 रुपये) असू शकते जी Pixel 6a पेक्षा 50 डॉलर्स जास्त आहे.
पिक्सल 7ए चे संभाव्य स्पेसिफिकेशन्स
Google Pixel 7a मध्ये 6.1-इंचाच्या FHD+ OLED डिस्प्लेसह 90Hz रिफ्रेश रेट, सिमेट्रिकल बेजल्स आणि सेंटर-पोजीशन पंच-होल कटआउट मिळू शकते. फोनला पावर देण्यासाठी Tensor G2 चिपसेट 8GB LPDDR5 रॅम आणि 128GB UFS 3.1 स्टोरेज दिली जाऊ शकते. फोन अँड्रॉइड 13 ओएस आउट ऑफ द बॉक्सवर चालू शकतो. Pixel 7a 64MP Sony IMX787 सेन्सर आणि 13MP सेकंडरी सेन्सरसह बाजारात येऊ शकतो. सेल्फीसाठी फोनमध्ये फ्रंटला 10.8MP चा स्नॅपर असू शकतो.
पिक्सल फोल्डचे संभाव्य स्पेसिफिकेशन्स
Pixel Fold मध्ये 7.57-इंचाची फोल्डेबल मेन स्क्रीन आणि बाहेरील स्क्रीन 5.78-इंचाची असू शकते. फोल्डेबल स्मार्टफोन Tensor G2 चिपसेट, 8GB रॅम आणि 256GB स्टोरेजसह येऊ शकतो. आशा आहे की यात 4,700mAh ची बॅटरी असेल, परंतु फास्ट चार्जिंग बद्दल कोणतीही माहिती मिळाली नाही.