आॅनर ने काही दिवसांपूर्वी घोषणा केली होती की कंपनी ऑक्टोबरच्या 11 तारखेला आपला नवीन स्मार्टफोन आॅनर 8सी लॉन्च करेल. आॅनर 8सी चीन मध्ये लॉन्च होऊन भारता सह इतर बाजारांत येत्या काही दिवसांत सेल साठी उपलब्ध होईल. पण आज लॉन्चच्या आधी आॅनर 8सी हुआवई च्या शॉपिंग साइट वर लिस्ट करण्यात आला आहे, ज्यातून फोनचे सर्व स्पेसिफिकेशन्स समोर समोर आले आहेत.
आॅनर 8सी चीनी वेबसाइट वीमॉल वर लिस्ट करण्यात आला आहे. या लिस्टिंग मध्ये फोनच्या किंमतीची कोणतीही माहिती देण्यात आलेली नाही पण आॅनर 8सी फुल स्पेसिफिकेशन्स आणि कलर वेरिएंट सह आॅफिशियल करण्यात आला आहे. लिस्टिंग वरून समजले आहे की आॅनर 8सी क्वालकॉम स्नॅपड्रॅगन 632 चिपसेट सह लॉन्च होईल. विशेष म्हणजे क्वालकॉमचा हा चिपसेट अजूनतरी कोणत्याही फोन मध्ये दिसला नाही. त्यामुळे आॅनर 8सी स्नॅपड्रॅगन 632 चिपसेट सह येणारा जगातील पहिला स्मार्टफोन असेल.
आॅनर 8सी चे स्पेसिफिकेशन्स पाहता हा फोन 19:9 आस्पेक्ट रेशियो वाल्या नॉच डिस्प्ले सह सादर केला जाऊ शकतो. वेबसाइट नुसार या फोन मध्ये 720×1520 पिक्सल रेज्ल्यूशन वाला 6.26-इंचाचा एचडी+ डिस्प्ले देण्यात येईल. हा फोन ईएमयूआई 8.2 आधारित एंडरॉयड 8.1 ओरियो सह सादर केला जाईल सोबतच हा आॅक्टा-कोर प्रोसेसर वर चालेल. तसेच ग्राफिक्स साठी या फोन मध्ये एड्रेनो 506 जीपीयू मिळेल.
लिस्टिंग नुसार आॅनर हा फोन 4जीबी रॅम सह येईल. आॅनर 8सी 32जीबी मेमरी तसेच 64जीबी स्टोरेज च्या दोन वेरिएंट मध्ये लॉन्च केला जाऊ शकतो. फोटोग्राफी सेग्मेंट पाहता फोन मध्ये डुअल रियर कॅमेरा मिळेल. फोनच्या बॅक पॅनल वर 13-मेगापिक्सल आणि 2-मेगापिक्सल चे दोन रियर कॅमेरा सेंसर मिळतील तसेच सेल्फी साठी या फोन मध्ये 8-मेगापिक्सलचा फ्रंट कॅमेरा मिळेल.
आॅनर 8सी डुअल सिम सपोर्ट सह लॉन्च केला जाईल जो 4जी वोएलटीई ला सपोर्ट करेल. वेबसाइट नुसार फोनच्या बॅक पॅनल वर फिंगरप्रिंट सेंसर देण्यात येईल सोबतच हा फोन फेस अनलॉक फीचर ला पण सपोर्ट करेल. तसेच पावर बॅकअप साठी या फोन मध्ये 4,000एमएएच ची बॅटरी मिळेल. वेबसाइट ने सांगितले आहे की आॅनर 8सी मॅजिक नाइट ब्लॅक, ब्लॅक आणि प्लॅटिनम गोल्ड कलर मध्ये लॉन्च केला जाईल. पण फोनच्या किंमतीसाठी 11 ऑक्टोबरची वाट बघावी लागेल.