आईएफए 2018 ने दरवर्षी प्रमाणे यावेळी पण धमाल सुरवात केली आहे. टेक बाजारातील अनेक मोठया ब्रँडसनी आपले नवीन स्मार्टफोन व नवीन टेक्नोलॉजी इथे सादर केली आहे. यात आता आॅनर पण सामील झाला आहे. संपूर्ण टेक जगाला धक्का देत आॅनर ने असा स्मार्टफोन सादर केला आहे ज्याचा फ्रंट कॅमेरा फोन बॉडी च्या आत राहतो. आॅनर ने आपल्या या फोनला आॅनर मॅजिक 2 नाव दिले आहे. अशी टेक्नोलॉजी ओपो आपल्या फाइंड एक्स स्मार्टफोन मध्ये आणली होती.
आॅनर चे प्रसिडेंट जॉर्ज झाओ ने आईएफए 2018 च्या मंचावरून आॅनर मॅजिक 2 टेक विश्वा समोर सादर केला आहे. टीजर च्या माध्यमातून समोर आलेल्या आॅनर मॅजिक 2 चा फ्रंट पॅनल पूर्णपणे बेजल लेस आहे. डिस्प्ले वर नॉच किंवा इतर कोणताही सेंसर देण्यात आला नाही. ओपो फाइंड एक्स प्रमाणे आॅनर चा हा फोन पण स्लाईड आउट सह सादर करण्यात आला आहे. फ्रंट कॅमेरा कंपनी ने या स्लाईडर वर दिला आहे जो फोन बॉडी च्या आत राहतो व बाहेरून दिसत नाही.
सेल्फी ची कमांड मिळताच आॅनर मॅजिक 2 चा फ्रंट कॅमेरा सेटअप स्लाईड होऊन बाहेर येईल आणि सेल्फी क्लिक करेल. आॅनर ने या फोनचा फ्रंट फक्त पॅनल दाखवला आहे. त्यामुळे फोनच्या बॅक पॅनल वर फिंगरप्रिंट सेंसर आहे की नाही हे सांगता येत नाही. रियर पॅनल वर फिंगरप्रिंट सेंसर नसल्यास आॅनर मॅजिक 2 मध्ये अंडर डिस्प्ले फिंगरप्रिंट सेंसर असण्याची शक्यता वाढेल.
आॅनर मॅजिक 2 सादर करण्यासोबत कंपनी ने आज हुआवई च्या लेटेस्ट चिपसेट हाईसिलिकॉन किरीन 980 चा खुलासा पण केला आहे. कंपनी ने सांगितले की आॅनर मॅजिक 2 याच चिपसेट सह बाजारात येईल. हा फोन ग्लोबल मंचावर कधी येईल याची माहिती अजून समोर आली नाही तसेच फोनची किंमत आणि याच्या ठोस स्पेसिफिकेशन्स साठी पण कंपनी च्या पुढील घोषणेची वाट बघावी लागेल.