Huawei Mate Xs फोल्डेबल फोन अधिकृतपणे यावर्षी फेब्रुवारी मध्ये लॉन्च केला गेला होता. हा डिवाइस कंपनीने साल 2019 मध्ये लॉन्च केलेल्या Mate X चा रिफ्रेश वर्जन होता. आता अधिकृतपणे हुआवईने आपल्या अधिकृत इंडियन ट्विटर हँडल वरून ट्विट करून Huawei Mate Xs टीज केला आहे.
या ट्विट नंतर बोलले जात आहे कि कंपनी भारतात हा फोल्डेबल फोन लवकरच इंडियन मार्केट मध्ये सादर करू शकते. पण ट्विट मध्ये लॉन्च बाबत कोणतीही माहिती देण्यात आलेली नाही. कंपनीने आपल्या ट्विट मध्ये फोनच्या क्वाड कॅमेऱ्याची माहिती आणि 5G क्षमतेचा उल्लेख केला आहे. हे ट्विट कंपनीने सध्या काढून टाकले आहे. पण आम्ही या ट्विटचा स्क्रीन शॉट घेतला होता. कदाचित कंपनीने चुकून हे ट्विट केले होते. भारतात या स्मार्टफोनला Samsung Galaxy Z Flip आणि Motorola Razr (2019) कडून टक्कर मिळेल. डिवाइस लॉन्च होण्यास वेळ लागेल कारण सध्या देश कोरोना वायरसशी लढा देत आहे.
माहितीनुसार Huawei Mate Xs च्या क्वाड कॅमेरा सेटअप मध्ये 40-मेगापिक्सलचा प्रमुख सेंसर असेल, जो एफ/1.8 अपर्चर सह येईल. तसेच यात एक एफ/2.4 अपर्चर आणि OIS सपोर्ट असलेला 8-मेगापिक्सलचा टेलीफोटो कॅमेरा, एफ/2.2 अपर्चर असलेला 16-मेगापिक्सलची अल्ट्रा-वाइड-अँगल लेंस आणि एक टाइम ऑफ फ्लाइट सेंसर असेल. सध्या कंपनीने हुआवे मेट एक्सएस च्या इतर कोणत्याही स्पेसिफिकेशनची माहिती शेयर केली नाही. पण या फोनच्या ग्लोबल वेरिएंटची किंमत आणि स्पेसिफिकेशन उपलब्ध आहेत.
Huawei Mate Xs चे स्पेसिफिकेशन्स
हुवावे मेट XS मध्ये 8.0 इंचाचा डिस्प्ले देण्यात आला आहे ज्याचे रिजॉलूशन 2480 x 2200p आहे. फोल्ड झाल्यानंतर फोनचा डिस्प्ले 6.6 इंचाचा होतो. फोन मध्ये 4,500mAh बॅटरी देण्यात आली आहे जी 55W फास्ट चार्जिंग सपॉर्ट सह येते. हा फोन एंडरॉयड 10 वर आधारित आहे. फोन मध्ये गूगल सर्विसेजच्या ऐवजी हुवावे मोबाइल सर्विस (HMS) देण्यात आली आहेत.
Huawei Mate Xs फोल्डेबल स्मार्टफोन ग्लोबल मार्केट मध्ये 2,499 यूरो (जवळपास 1,93,000 रुपये) किंमतीत लॉन्च केला गेला आहे. भारतात पण हा त्याच किंमतीच्या आसपास लॉन्च होऊ शकतो.