Infinix ने भारतीय बाजारात आपला Hot 50 5G स्मार्टफोन आधीच लाँच केला आहे. तर, आता आणखी स्वस्त Infinix Hot 50 4G व्हर्जन येऊ शकतो. नवीनतम लीक मधून डिव्हाईसचे रेंडर आणि मुख्य स्पेसिफिकेशन यांची माहिती समोर आली आहे. तुम्हाला सांगतो की लूकच्या बाबतीत हा 5G मॉडेलसारखा दिसत आहे परंतु त्याचे स्पेसिफिकेशन थोडे वेगळे आहेत. चला, पुढे आगामी फोनबद्दलची सविस्तर माहिती जाणून घेऊया.
Infinix Hot 50 4G चे डिझाईन (लीक)
- डिझाईनबद्दल बोलायचे झाल्यास तुम्ही खाली दिलेल्या फोटोंमध्ये पाहू शकता की Infinix Hot 50 4G मागील 5G व्हर्जन सारखाच दिसत आहे.
- फोनमध्ये सेल्फी घेण्यासाठी मध्यभागी स्थित पंच-होल कटआऊट दिसून येत आहे. तर या सपाट कडा आणि नॅरो बेझल दिसत आहेत.
- फोनच्या मागील बाजूस एक आयताकृती मॉड्यूल आहे. ज्यामध्ये एलईडी फ्लॅशसह ट्रिपल कॅमेरा सेंसर देण्यात आला आहे.
- मागील पॅनलमध्ये खालीलप्रमाणे इन्फिनिक्स ब्रँडिंग देखील आहे. उजव्या बाजूला व्हॉल्यूम रॉकर आणि पॉवर बटण दिले आहे. यांसह फोनमध्ये गोलाकार कडा सोबत बॉक्सी चेसिस आहे.
- रंगांच्या पर्यायांबद्दल बोलायचे झाल्यास Infinix Hot 50 4G फोनला ब्लॅक, ग्रीन आणि गोल्ड/बेज या रंगांमध्ये दाखविण्यात आले आहे.
Infinix Hot 50 4G चे स्पेसिफिकेशन (लीक)
- डिस्प्ले: नवीनतम लीकनुसार Infinix Hot 50 4G मध्ये 6.78 इंचाचा IPS डिस्प्ले मिळू शकतो. यावर 120Hz रिफ्रेश रेट दिला जाऊ शकतो.
- प्रोसेसर: फोनमध्ये MediaTek Helio G100 प्रोसेसर असू शकतो. तर 5G च्या मॉडेलमध्ये Dimensity 6300 आहे.
- कॅमेरा: Infinix Hot 50 4G मध्ये मागील पॅनलवर एलईडी फ्लॅशसह ट्रिपल कॅमेरा असल्याचे दिसून येत आहे. ज्यामध्ये 50 मेगापिक्सेलचा प्रायमरी कॅमेरा सेन्सर मिळू शकतो, परंतु इतर सेन्सर्सबद्दल माहिती मिळालेली नाही.
- बॅटरी: Infinix Hot 50 4G मॉडेलमध्ये 18W फास्ट चार्जिंग सपोर्टसह 5000mAh ची मोठी बॅटरी दिली जाऊ शकते.
- ओएस: फोन अँड्राईड 14 आधारित एक्सओएस 14 वर बेस्ड ठेवला जाऊ शकतो.
तुम्हाला सांगतो की Infinix Hot 50 4G भारतात कधी लाँच होईल याची माहिती अजून आलेली नाही. आपण लवकरच त्याची घोषणा होण्याची अपेक्षा करू शकतो. त्याचवेळी, याची आठवण करून देतो की Infinix Hot 50 5G चे बेस मॉडेल फक्त 9,999 रुपयांमध्ये लाँच करण्यात आले होते. त्यामुळे, 4G व्हेरिएंट आणखी कमी किमतीत म्हणजेच सुमारे 7 ते 8 हजार रुपयांच्या श्रेणीत येऊ शकतो.