इन्फिनिक्स सध्या आपल्या Hot 50 5G स्मार्टफोनमुळे चर्चेत आहे. याचे कारण असे की ब्रँडने फक्त 8,999 रुपयांच्या सुरुवातीच्या किमतीत 16GB पर्यंत रॅम, 48 मेगापिक्सेल कॅमेरा, 5000mAh ची बॅटरी यासारख्या अनेक फिचर्ससह याला लाँच केले आहे. फोनची विक्री आजपासून फ्लिपकार्ट प्लॅटफॉर्मवर सुरू झाली आहे. जिथे Infinix Hot 50 5G वर बँक ऑफर, एक्सचेंज, ईएमआयचा लाभ मिळेल. चला, पुढे ऑफर, किंमत आणि स्पेसिफिकेशन यांची तपशीलवार माहिती जाणून घेऊया.
Infinix Hot 50 5G ची किंमत, ऑफर आणि विक्री तपशील
- Infinix Hot 50 5G दोन स्टोरेज पर्यायांमध्ये येत आहे. फोनच्या 4 जीबी रॅम + 128 जीबी स्टोरेजची किंमत 9,999 रुपये आहे. तर 8 जीबी रॅम + 128 जीबी स्टोरेज 10,999 रुपयांत विकले जाईल.
- फ्लिपकार्ट साईटवर मोबाईलची विक्री आज दुपारी 12 वाजल्यापासून सुरू होईल. याप्रसंगी तुम्हाला 1,000 रुपयांची इन्स्टंट बँक ऑफर दिली जात आहे.
- ही बँक ऑफर तुम्हाला ॲक्सिस बँक क्रेडिट आणि डेबिट कार्ड व्यवहारांवर मिळेल.
- बँकेच्या ऑफरनंतर ग्राहक बेस मॉडेल केवळ 8,999 रुपयांमध्ये आणि टॉप मॉडेलला 9,999 रुपयांमध्ये खरेदी करू शकतील.
- बँक ऑफर्स सोबतच सुलभ हप्त्यांमध्ये देखील फोन उपलब्ध आहे. एवढेच नाही तर एक्सचेंज ऑफरही दिली जात आहे.
- रंगांच्या पर्यायांबद्दल बोलायचे झाल्यास Infinix Hot 50 5G हा स्लीक ब्लॅक, व्हायब्रंट ब्लू, सेज ग्रीन आणि ड्रिमी पर्पलमध्ये येतो.
Infinix Hot 50 5G चे स्पेसिफिकेशन
- 6.7 इंचाचा एचडी प्लस डिस्प्ले
- डायमेंसिटी 6300 चिपसेट
- 8GB रॅम + 128GB स्टोरेज
- 8GB पर्यंत एक्सटेंडेड रॅम
- 48 मेगापिक्सेल रिअर कॅमेरा
- 5000mAh बॅटरी
- IP54 रेटिंग
- अँड्रॉईड 14
डिस्प्ले: Infinix Hot 50 5G मध्ये 6.7 इंचाचा एचडी प्लस डिस्प्ले दिला गेला आहे. या स्क्रीन वर 120Hz रिफ्रेश रेट, 93.9 टक्के स्क्रीन ते बॉडी रेशो आणि पंच होल डिझाईन मिळत आहे.
चिपसेट: प्रोसेसिंगसाठी फोनमध्ये मीडियाटेक डायमेंशन 6300 चिपसेट लावला गेला आहे. ज्याच्या मदतीने तो 2.4GHz पर्यंतची उच्च क्लॉक स्पीड प्रदान करतो. एकूणच तुम्ही फोन सोबत कोणतेही ऑपरेशन सहजपणे करू शकाल.
रॅम आणि स्टोरेज: Infinix Hot 50 5G हा 4 जीबी रॅम + 128 जीबी स्टोरेज आणि 8 जीबी रॅम + 128 जीबी स्टोरेज अशा दोन पर्यायांमध्ये येतो. यामध्ये 8 जीबी पर्यंत एक्सटेंडेड रॅमचा सपोर्ट देखील आहे. ज्याच्या मदतीने एकूण 16 जीबी पर्यंतची पॉवर मिळत आहे.
कॅमेरा: Infinix Hot 50 5G हा ड्युअल रिअर कॅमेरा सेटअप आणि एलईडी फ्लॅश असणारा आहे. याच्या मागील पॅनलवर 48 मेगापिक्सेलची प्रायमरी सोनी IMX582 कॅमेरा लेन्स दिली गेली आहे. त्याच्यासोबत एआय लेन्स उपलब्ध आहे. त्याचवेळी सेल्फी आणि व्हिडिओ कॉलिंगसाठी एलईडी फ्लॅशसह 8 मेगापिक्सेलचा फ्रंट कॅमेरा मिळत आहे.
बॅटरी आणि चार्जिंग: स्मार्टफोनमध्ये 5000mAh ची मोठी बॅटरी दिली गेली आहे. ही बॅटरी 18 वॉट फास्ट चार्जिंगला सपोर्ट करते. फोनमध्ये विशेष अनुभवासाठी एआय चार्ज प्रोटेक्शन, पॉवर मॅरेथॉन, स्मार्ट मोड, अल्ट्रा पॉवर सेव्हिंग मोड सारखे फिचर्स देखील मिळत आहेत.
इतर: नवीन Infinix Hot 50 5G साईड माऊंटेड फिंगरप्रिंट सेन्सर, फेस अनलॉक फिचर आणि अनेक एआय तंत्रज्ञान फिचर्स ने सुसज्ज आहे. यात कनेक्टिव्हिटीसाठी ड्युअल सिम 5G, वाय-फाय, ब्लूटूथ आहे. एवढेच नाही तर फोनची डायनॅमिक बार इंटरॲक्टिव्ह स्क्रीन आणि IP54 रेटिंग देखील याला खास बनवते.
ऑपरेटिंग सिस्टम: infinix Hot 50 5G ऑपरेटिंग सिस्टमच्या बाबतीत अँड्रॉईड 14 आधारित ब्रँडच्या XOS 14 वर रन करते.