Infinix Note 30 च्या महत्वाच्या स्पेसिफिकेशन्सचा खुलासा; गुगल प्ले कन्सोलवर दिसला फोन

Infinix Note 30 स्मार्टफोन लवकरच बाजारात येईल अशी अपेक्षा आहे. कारण आता हा स्मार्टफोन गुगल प्ले कन्सोल लिस्टिंगमध्ये दिसला आहे. साधारणतः स्मार्टफोन्सचा लाँच जवळ असल्यावर ते गुगल प्ले कन्सोलवर लिस्ट केले जातात. आता या लिस्टिंगमधून Infinix Note 30 च्या काही महत्वाच्या स्पेसिफिकेशन्सची माहिती समोर आली आहे. चला जाणून घेऊया लीकमधून कोणत्या स्पेक्सचा खुलासा झाला आहे.

गुगल प्ले कन्सोल लिस्टिंगमधून खुलासा झाला आहे की इनफिनिक्स नोट 30 स्मार्टफोनचा डिस्प्ले 1080 x 2460 पिक्सल रिजोल्यूशनला सपोर्ट करू शकतो. तसेच कंपनी हा फोन 20.5:9 आस्पेक्ट रेशियोसह सादर करू शकते. कन्सोलवर या फोनची एक इमेज देखील लिस्ट करण्यात आली आहे, या इमेजवरून स्पष्ट झालं आहे की आगामी इनफिनिक्स नोट 30 स्मार्टफोनच्या फ्रंटला एक पंच होल डिस्प्ले दिला जाऊ शकतो, ज्यात स्मार्टफोनचा सेल्फी कॅमेरा फिट केला जाऊ शकतो.

लिस्टिंगमधून या स्मार्टफोनमधील मीडियाटेक हीलियो जी99 प्रोसेसरचा खुलासा देखील झाला आहे. त्याचबरोबर हा स्मार्टफोन 8 जीबी रॅमसह लिस्ट करण्यात आला आहे. या फोनमध्ये गुगलची लेटेस्ट अँड्रॉइड 13 ऑपरेटिंग सिस्टम दिली जाऊ शकते, ज्यावर एक्सओएस युआयची लेयर मिळू शकते. याव्यतिरिक्त Infinix Note 30 स्मार्टफोनची इतर कोणतीही माहिती अद्याप समोर आली नाही.

आगामी इनफिनिक्स नोट 30 स्मार्टफोन या वेबसाइटवर X6833B या मॉडेल नंबरसह लिस्ट करण्यात आला आहे. या लाइनअपमध्ये एकापेक्षा जास्त मॉडेल्स सादर केले जाऊ शकतात. यातील एकाचे नाव Infinix Note 30 VIP असू शकते. जो X6710 मॉडेल नंबरसह काही दिवसांपूर्वी ब्लूटूथ एसआयजीवर दिसला होता. आतापर्यंत आलेल्या माहितीनुसार हा व्हीआयपी डिवाइस ब्लूटूथ 5.3, 5,000एमएएच बॅटरी आणि 68 वॉट फास्ट चार्जिंगसह सादर केला जाऊ शकतो.

इनफिनिक्स नोट 12 (2023)

आगामी Infinix Note 30 स्मार्टफोन ऑक्टोबरमध्ये आलेल्या Infinix Note 12 (2023) ची जागा घेऊ शकतो. इनफिनिक्स नोट 12 स्मार्टफोनमध्ये 6.71-इंचाचा अ‍ॅमोलेड डिस्प्ले फुलएचडी+ रिजोल्यूशनसह देण्यात आला होता. जोडीला हीलियो जी99 चिपसेटची प्रोसेसिंग पावर देण्यात आली होती. हा डिवाइस 8जीबी रॅम आणि 256 जीबी पर्यंत स्टोरेजला सपोर्ट करतो. तसेच यात अँड्रॉइड 12 आधारित एक्सओएस 10.6 आहे.

नोट 12 स्मार्टफोनमध्ये 16 मेगापिक्सलचा फ्रंट फेसिंग कॅमेरा देण्यात आला आहे. तर फोनच्या मागे 50 मेगापिक्सलचा प्रायमरी कॅमेरा, 2 मेगापिक्सलचा डेप्थ सेन्सर आणि एलईडी फ्लॅश देण्यात आला आहे. फोनमध्ये सिक्योरिटीसाठी साइड माउंटेड फिंगरप्रिंट सेन्सर आणि पावर बॅकअपसाठी 30 वॉट फास्ट चार्जिंगसह 5,000एमएएचची बॅटरी देण्यात आली आहे.