कमी किमतीत उत्तम स्पेसिफिकेशन देण्यासाठी प्रसिद्ध असलेल्या टेक ब्रँड Infinix ने आपल्या नोट 40 सीरीज अंतर्गत एक नवीन मोबाईल Infinix Note 40 5G भारतीय बाजारात लाँच केला आहे. Infinix Note 40 Pro 5G आणि Note 40 Pro+ 5G च्या नंतर येणारा या सीरीजचा हा तिसरा स्मार्टफोन आहे आणि त्यात देखील MagCharge चे तंत्रज्ञान देण्यात आले आहे. तुम्ही नवीन Infinix Note 40 5G किंमत, फिचर्स आणि स्पेसिफिकेशनची माहिती पुढे वाचू शकता.
Infinix Note 40 5G ची किंमत
Infinix Note 40 5G फोन 19,999 रुपये किमतीत लाँच करण्यात आला आहे. तो या किंमतीत 8GB RAM + 256GB स्टोरेजमध्ये उपलब्ध आहे. सुरुवातीच्या सेलमध्ये तुम्हाला बँक ऑफर अंतर्गत फोनवर 2000 रुपयांची सूट मिळेल आणि हा मोबाईल शॉपिंग साईट फ्लिपकार्ट वरून केवळ 1,333 रुपये प्रति महिना No Cost EMI वर खरेदी केला जाऊ शकतो. तसेच ग्राहक अतिरिक्त 1,999 रुपये भरून MagPad आणि MagCase देखील मिळवू शकतील.
Infinix Note 40 5G चे स्पेसिफिकेशन
- 6.78″ 120 हर्ट्झ ॲमोलेड डिस्प्ले
- मीडियाटेक डायमेंसिटी 7020
- 8 जीबी रॅम + 256 जीबी स्टोरेज
- 8 जीबी एक्सपेंडेबल रॅम
- 32 मेगापिक्सेल फ्रंट कॅमेरा
- 108 मेगापिक्सेल बॅक कॅमेरा
- 33 वॉट 5, 000 एमएएच बॅटरी
स्क्रीन: Infinix Note 40 5G फोन 1080 x 2436 पिक्सेल रिझोल्यूशन असलेल्या 6.78 इंचाच्या फुलएचडी + डिस्प्लेवर लाँच करण्यात आला आहे. ही स्क्रीन AMOLED पॅनेलवर बनली आहे, जी 120Hz रिफ्रेश रेट, 1300nits ब्राईटनेस आणि 2160Hz पीडब्लूएम डिमिंगला सपोर्ट करते.
प्रोसेसर: हा मोबाईल अँड्रॉईड 14 वर लाँच केला गेला आहे जो एक्सओएस 14 सोबत काम करतो. प्रोसेसिंगसाठी या फोनमध्ये 6 नॅनोमीटर फॅब्रिकेशनवर बनलेला MediaTek Dimensity 7020 ऑक्टा-कोर प्रोसेसर देण्यात आला आहे, जो 2.2GHz क्लॉक स्पीडवर रन करतो.
फ्रंट कॅमेरा: Infinix Note 40 5G फोन सेल्फी काढणे, व्हिडिओ कॉलिंग करणे आणि रिल बनविण्यासाठी 32MP सेल्फी कॅमेराला सपोर्ट करतो. हे एफ / 2.2 एपर्चरवर काम करणारे लेन्स आहे, ज्याच्यासोबत फ्रंट ड्युअल फ्लॅश लाईट देण्यात आली आहे.
बॅक कॅमेरा: Infinix Note 40 5G फोन फोटोग्राफीसाठी ट्रिपल रिअर कॅमेऱ्याला सपोर्ट करतो. त्याच्या बॅक पॅनलमध्ये F/1.75 अपर्चर आणि 3X झूम असलेला 108MP OIS सेन्सर दिला गेला आहे. ज्याच्यासह 2MP + 2MP लेन्स उपलब्ध आहे.
बॅटरी: Infinix Note 40 5G फोन पॉवर बॅकअपसाठी 5000mAh बॅटरीला सपोर्ट करतो. ही मोठी बॅटरी फास्ट चार्ज करण्यासाठी स्मार्टफोनमध्ये 33W फास्ट चार्जिंग तंत्रज्ञान देण्यात आले आहे. हा फोन 15W वायरलेस चार्जिंगला देखील सपोर्ट करतो.
इतर फिचर्स: हा Infinix फोन JBL ड्युअल स्टीरिओ स्पीकर्सला सपोर्ट करतो. यात ब्लूटूथ आणि वायफायसोबतच NFC आणि OTG सारखे पर्यायही मिळतात. हा फोन IP53 प्रमाणित आहे, जे त्याला पाणी आणि धुळीपासून संरक्षित करतो.