Infinix ने ऑगस्ट मध्ये आंतरराष्ट्रीय बाजारात आपला प्रोडक्ट पोर्टफोलियो वाढवत Infinix Zero 8 स्मार्टफोन सादर केला होता. हा फोन इंडोनेशिया मध्ये लॉन्च झाला होता जो 64 एमपी रियर कॅमेरा आणि 48 एमपी सेल्फी कॅमेऱ्यासह 8 जीबी रॅमला सपोर्ट करतो. मिडबजेट मध्ये लॉन्च झालेल्या झिरो 8 नंतर आता इनफिनिक्सने या फोनचा एक छोटा व्हर्जन Infinix Zero 8i नावाने टेक मंचावर आणला आहे. इनफिनिक्स झिरो 8आय सध्या शेजारच्या पाकिस्तान मध्ये लॉन्च केला गेला आहे जो येत्या काही दिवसांत इतर बाजारांमध्ये येईल.
Infinix Zero 8i
इनफिनिक्स झिरो 8आय चे फीचर्स आणि स्पेसिफिकेशन्स पाहता हा फोन डुअल पंच-होल डिस्प्ले वर लॉन्च झाला आहे. फोन मध्ये 6.85 इंचाचा मोठा फुलएचडी+ डिस्प्ले देण्यात आला आहे जो 90हर्ट्ज रिफ्रेश रेट आणि 180हर्ट्ज टच सॅम्पलिंग रेट वर चालतो. स्क्रीनच्या तीन कडा बेजल लेस आहेत तर खालच्या बाजूला बारीक चिन पार्ट देण्यात आला आहे. डिस्प्ले वर डावीकडे दोन होल आहेत त्यात फोनचा सेल्फी कॅमेरा आहे.
Infinix Zero 8i अँड्रॉइड 10 वर सादर केला गेला आहे जो एक्सओएस 7 वर चालतो. तसेच प्रोसेसिंगसाठी या फोन मध्ये 12एनएम टेक्नॉलॉजी वर बनलेला मीडियाटेकचा हीलियो जी90टी चिपसेट देण्यात आला आहे. विशेष म्हणजे हाच चिपसेट Realme 6 आणि Redmi Note 8 Pro सारख्या फोन्स मध्ये आहे. गेमिंग स्मूद करण्यासाठी आणि हीटिंग प्रॉबल्म्स पासून वाचण्यासाठी इनफिनिक्स झिरो 8आय मल्टी-डायमनशनल लिक्विड कूल टेक्नोलॉजी सह येतो. तसेच ग्राफिक्ससाठी हा फोन एआरएम माली-जी76 जीपीयूला सपोर्ट करतो.
फोटोग्राफीसाठी इनफिनिक्स झिरो 8आय स्मार्टफोन क्वॉड रियर कॅमेऱ्याला सपोर्ट करतो जो बॅक पॅनल वर डायमंड शेप मध्ये आहे. या सेटअप मध्ये एलईडी फ्लॅश सह 48 मेगापिक्सलचा प्राइमरी सेंसर देण्यात आला आहे. त्याचबरोबर हा फोन 8 मेगापिक्सलच्या अल्ट्रा वाइड अँगल लेंस, 2 मेगापिक्सलच्या मॅक्रो सेंसर आणि एका एआय लेंसला सपोर्ट करतो. Infinix Zero 8i डुअल सेल्फी कॅमेऱ्यासह बाजारात आला आहे जो स्क्रीन वरील पंच-होल मध्ये आहे. या सेटअप मध्ये 16 मेगापिक्सलचा प्राइमरी सेंसर देण्यात आला आहे तसेच 8 मेगापिक्सलची अल्ट्रा वाइड अँगल लेंस आहे.
Infinix Zero 8i एक डुअल सिम फोन आहे जो 4जी वोएलटीईला सपोर्ट करतो. सिक्योरिटीसाठी फोनच्या साईड पॅनल वर फिंगरप्रिंट सेंसर देण्यात आला आहे तसेच पावर बॅकअपसाठी हा फोन 33वॉट फास्ट चार्जिंग सपोर्ट असलेल्या 4,500एमएएच च्या मोठ्या बॅटरीला सपोर्ट करतो. पाकिस्तान मध्ये इनफिनिक्स झिरो 8आय 8 जीबी रॅम वर लॉन्च केला गेला आहे जो 128 जीबी इंटरनल स्टोरेजला सपोर्ट करतो. फोनची किंमत PKR 34,999 म्हणजे भारतीय करंसीनुसार 15,500 रुपये आहे.