कमी किंमतीत चांगले स्पेसिफिकेशन्स असलेले स्मार्टफोन देणाऱ्या टेक कंपनी इनफिनिक्सने आज पुन्हा से भारतात आपल्या टेक्नॉलॉजीचे प्रदर्शन केले आहे. देशात आपला प्रोडक्ट पोर्टफोलियो वाढवत इनफिनिक्सने ‘झिरो सीरीज’ चा विस्तार केला आहे ज्या अंतर्गत Infinix Zero 8i स्मार्टफोन लॉन्च केला गेला आहे. लार्ज डिस्प्ले, मोठी बॅटरी आणि शानदार कॅमेरा असलेला हा स्मार्टफोन फक्त 14,999 रुपयांमध्ये बाजारात आला आहे जो येत्या 9 डिसेंबर पासून विक्रीसाठी उपलब्ध होईल.
कॅमेऱ्याची कमाल
Infinix Zero 8i ची मुख्य यूएसपी फोनचा कॅमेरा सेटअप आहे. हा फोन 6 कॅमेरा सेंसरला सपोर्ट करतो ज्यात चार सेंसर बॅक पॅनल वर आणि दोन सेंसर फ्रंट पॅनल वर देण्यात आले आहेत. प्रथम फ्रंट पॅनल पाहता इनफिनिक्स झिरो 8आय मधील डुअल सेल्फी कॅमेरा सेटअप मध्ये 16 मेगापिक्सलचा प्राइमरी सेंसर देण्यात आला आहे जो 8 मेगापिक्सलच्या अल्ट्रा वाइड अँगल लेंस सह चालतो.
इनफिनिक्स झिरो 8आय चा क्वॉड रियर कॅमेरा सेटअप बॅक पॅनल वर डायमंड शेप मध्ये आहे. या सेटअप मध्ये एलईडी फ्लॅशसह 48 मेगापिक्सलचा प्राइमरी सेंसर देण्यात आला आहे. त्याचबरोबर हा फोन 8 मेगापिक्सलच्या अल्ट्रा वाइड अँगल लेंस, 2 मेगापिक्सलच्या मॅक्रो सेंसर आणि एक एआय लेंसला सपोर्ट करतो.
स्पेसिफिकेशन्स
Infinix Zero 8i चे इतर फीचर्स आणि स्पेसिफिकेशन्स पाहता हा फोन 20.5:9 आस्पेक्ट रेशियो वर लॉन्च झाला आहे जो 6.85 इंचाच्या मोठ्या फुलएचडी+ डुअल पंच-होल डिस्प्लेला सपोर्ट करतो. फोनची स्क्रीन 90हर्ट्ज रिफ्रेश रेट आणि 180हर्ट्ज टच सॅम्पलिंग रेट वर चालते. हा फोन अँड्रॉइड 10 आधारित एक्सओएस 7 वर सादर केला गेला आहे जो 12एनएम टेक्नॉलॉजी वर बनलेल्या मीडियाटेक हीलियो जी90टी चिपसेट वर चालतो.
फोन मध्ये गेमिंग स्मूद करण्यासाठी आणि हीटिंग प्रॉबल्म्स पासून वाचण्यासाठी इनफिनिक्स झिरो 8आय मध्ये मल्टी-डायमनशनल लिक्विड कूल टेक्नोलॉजी देण्यात आली आहे. तसेच ग्राफिक्ससाठी हा फोन एआरएम माली-जी76 जीपीयूला सपोर्ट करतो. सिक्योरिटीसाठी Infinix Zero 8i च्या साईड पॅनल वर फिंगरप्रिंट सेंसर देण्यात आला आहे तसेच पावर बॅकअपसाठी हा फोन 33वॉट फास्ट चार्जिंग टेक्नॉलॉजी असलेल्या 4,500एमएएचच्या मोठ्या बॅटरीला सपोर्ट करतो.
वेरिएंट व किंमत
Infinix Zero 8i भारतात सध्या एकाच वेरिएंट मध्ये लॉन्च केला गेला आहे. हा फोन 8 जीबी रॅमला सपोर्ट करतो ज्या सोबत 128 जीबी इंटरनल स्टोरेज देण्यात आली आहे. हा फोन 14,999 रुपयांमध्ये लॉन्च केला गेला आहे जो Silver Diamond आणि Black Diamond कलर वेरिएंट मध्ये येत्या 9 डिसेंबर पासून शॉपिंग साइट फ्लिपकार्ट वर विकत घेता येईल.