आयक्यू आपल्या नंबर सीरीजमध्ये iQOO 13 हा स्मार्टफोन लाँच करू शकतो. या वर्षाच्या अखेरच्या काही महिन्यांमध्ये याला एंट्री मिळू शकते. फोनबाबत सातत्याने काही अपडेट्स येत आहेत. तसेच ताज्या माहितीमध्ये टिपस्टरने प्रमुख स्पेसिफिकेशन शेअर केली आहेत. लीकमध्ये डिव्हाईसचे नाव नसले तरी ते आयक्यू 13 असल्याचे मानले जात आहे. चला, या मोबाईलमध्ये काय खास आहे ते पुढे जाणून घेऊया.
iQOO 13 तपशील (लीक)
- iQOO 13 ची माहिती मायक्रो ब्लॉगिंग साईट वीबो वर टिपस्टर डिजिटल चॅट स्टेशनद्वारे शेअर करण्यात आली आहे.
लीकनुसार, iQOO 13 ला मेटल मिडल फ्रेम दिली जाऊ शकते. फोनच्या पुढील आणि मागील बाजूस ग्लास बॉडी मिळू शकते. - iQOO 13 मध्ये 2K फ्लॅट डिस्प्ले असेल असे समोर आले आहे. जो मागील मॉडेल 12 सारखा असू शकतो.
- टिपस्टरने म्हटले आहे की फोनमध्ये ट्रिपल कॅमेरा सेटअप लावला जाऊ शकतो. ज्यामध्ये 50MP प्रायमरी सेन्सर, 50MP अल्ट्रावाईड आणि 50MP 3x पेरिस्कोप टेलीफोटो कॅमेरा मिळू शकतो.
- iQOO 13 मध्ये क्वालकॉम स्नॅपड्रॅगन 8 जेन 4 चिपसेट दिला जाऊ शकतो. हा आगामी प्रोसेसर ऑक्टोबरमध्ये लाँच होण्याची शक्यता आहे. ज्याला OnePlus 13, Xiaomi 15 आणि Samsung Galaxy S25 सीरीजसह इतर अनेक मोबाईलमध्ये स्थान मिळू शकते.
- बॅटरीच्या बाबतीत हा डिव्हाईस 6,000mAh ची मोठी बॅटरी आणि 100W जलद चार्जिंगसह सुसज्ज असू शकतो. यात 50W वायरलेस चार्जिंगची सुविधाही दिली जाऊ शकते. ती iQOO 12 मध्ये उपलब्ध नाही.
- फोनमध्ये प्रगत असे अल्ट्रासोनिक इन-स्क्रीन फिंगरप्रिंट सेन्सर मिळण्याचीही शक्यता आहे.
iQOO 12 चे स्पेसिफिकेशन
- डिस्प्ले: आधीचे मॉडेल iQOO 12 मध्ये 6.78 इंचाचा LTPO ॲमोलेड डिस्प्ले आहे. ही स्क्रीन 144Hz रिफ्रेश रेट आणि 3000 नीट्स पीक ब्राईटनेसला सपोर्ट करते.
- प्रोसेसर: iQOO 12 मध्ये क्वालकॉम स्नॅपड्रॅगन 8 जेन 3 चिपसेट आहे जो गेल्या वर्षी लाँच झाला होता. सोबतच यात ग्राफिक्ससाठी Adreno 750 GPU मिळत आहे.
- स्टोरेज: डिव्हाईसमध्ये 16GB रॅम + 512GB पर्यंत इंटरनल स्टोरेज आणि एक्सटेंटेड रॅमची सुविधा आहे.
- कॅमेरा: iQOO 12 ट्रिपल रियर कॅमेरा सेटअपसह सुसज्ज आहे. यात OIS सह 50 मेगापिक्सेल ओमनीविजन OV50H प्रायमरी, 50 मेगापिक्सेलचा Samsung JN1 अल्ट्रावाईड आणि 64 मेगापिक्सेलचा OV64B टेलिफोटो लेन्स लावली आहे.
- बॅटरी: iQOO 12 मध्ये 5,000mAh ची बॅटरी आणि 120W फास्ट चार्जिंगचे तंत्रज्ञान आहे.