Jio 5G launch: जियो युजर्सना ज्या बातमीची प्रतीक्षा होती ती आली आहे, रिलायन्स जियोची 5G Service उद्या म्हणजे दसऱ्याच्या मुहूर्तला सुरु होत आहे. 5 ऑक्टोबरपासून JIO True 5G Service चं बीटा ट्रायल सुरु होईल. ही सर्व्हिस देशातील चार शहरांमध्ये मुंबई, दिल्ली, कोलकाता आणि वाराणसीमध्ये सुरु करण्यात येईल. सध्या ही सर्व्हिस ऑन इन्व्हिटेशन आहे, जुन्या जियो युजर्स पैकी काही निवडक युजर्सना ही सर्व्हिस वापरण्यासाठी आमंत्रित केलं जाईल.
या ठराविक युजर्सना वेलकम-ऑफर देखील मिळेल, ज्या अंतर्गत युजर्सना 1GBPS पर्यंतच्या स्पीड आणि अनलिमिटेड 5जी डेटा मिळेल. इन्व्हाईटेड युजर्स या जियो ट्रू 5जी सर्व्हिसचा अनुभव घेऊ शकतील आणि त्यांच्या अनुभवाच्या आधारावर कंपनी व्यापक 5जी सर्व्हिस (Jio 5G Service Launch) लाँच करेल. चला जाणून घेऊया JIO TRUE 5G ‘वेलकम-ऑफर’, Jio 5G Speed, Jio 5G Data आणि Jio 5G SIM ची माहिती. हे देखील वाचा: सर्वात स्वस्त अँड्रॉइड टॅबलेटमध्ये शानदार 2K डिस्प्ले; 8000mAh च्या अवाढव्य बॅटरीसह Redmi Pad ची भारतात एंट्री
या शहरांमध्ये सुरु होईल जियो 5G सर्व्हिस
वर सांगितल्याप्रमाणे सध्या जियो 5G सर्व्हिसचं बीटा ट्रायल देशातील चार शहरांमध्ये Delhi, Mumbai, Kolkata आणि Varanasi मध्ये सुरु केलं जाईल. सध्या ही सर्व्हिस ऑन इन्व्हिटेशन मिळेल. म्हणजे जुन्या जियो युजर्स पैकी काही निवडक युजर्सना ही सर्व्हिस वापरण्यासाठी इन्व्हाईट पाठवलं जाईल. कंपनीनं या ऑफरला JIO TRUE 5G ‘वेलकम-ऑफर’ असं नाव दिलं आहे.
जियो ट्रू 5जी वेलकम ऑफर
- Jio True 5G वेलकम ऑफर Jio युजर्ससाठी दिल्ली, मुंबई, कोलकाता आणि वाराणसीमध्ये इन्व्हाईट द्वारे लाँच केली जाईल.
- या ग्राहकांना 1 Gbps+ पर्यंतच्या स्पीडसह अनलिमिटेड 5G डेटा मिळेल
- जशी जशी शहरं तयार होतील इतर शहरांसाठी बीटा टेस्टिंग सर्व्हिसची घोषणा केली जाईल
- युजर्स या बीटा टेस्टिंगचा लाभ शहरात संपूर्ण नेटवर्क कव्हरेज मिळेपर्यंत घेऊ शकतील.
- इन्व्हिटेशन ‘Jio वेलकम ऑफर’ युजर्सना आपलं Jio सिम बदलण्याची गरज नाही. त्यांच्याकडे फक्त 5G मोबाइल असणं आवश्यक आहे, Jio True 5G सेवा ऑटोमॅटिक अपग्रेड होईल.
- Jio सर्व हँडसेट ब्रँड्ससह काम करत आहे त्यामुळे ग्राहकांकडे 5G डिवाइसचे असंख्य पर्याय आहेत.
Jio 4G SIM वरच मिळेल 5G सर्व्हिस
जियो ट्रू 5जीच्या बीटा ट्रायलची घोषणा करताना कंपनीनं स्पष्ट केलं आहे की जियो 5G सर्व्हिसचा वापर करण्यासाठी ग्राहकांना नवीन 5G सिमची गरज नाही. कंपनीनं माहिती दिली आहे की इन्व्हिटेशन ‘Jio वेलकम ऑफर’ युजर्सना आपलं Jio सिम बदलण्याची गरज नाही. 5G मोबाइलवर Jio True 5G सेवा ऑटोमॅटिक अपग्रेड होईल. हे देखील वाचा: मनमोहक लूकसह Oppo च्या शानदार स्मार्टफोनची एंट्री; स्वस्तात 50MP Camera आणि 5000mAh Battery