काही दिवसांपूर्वी रिलायंस जियो ने अशी घोषणा केली आहे कि कंपनी एयरटेलला मागे टाकून देशातील नंबर दोन सेवा देणारी कंपनी बनली आहे. कंपनीने फक्त तीन वर्षांपेक्षा पण कमी काळात हा पराक्रम केला आहे. यात जियोच्या फीचर स्मार्टफोन जियोफोनचे पण मोठे योगदान आहे. याच्याच जीवावर कपंनी फीचर फोन सेग्मेंट मध्ये नंबर वन कंपनी बनली आहे. पण आज जियोफोन यूजर्स साठी हि बातमी चांगली नाही. हल्द्वानी मध्ये एक जियो फोन ब्लास्ट झाला आहे आणि 91मोबाईल्सला याची एक्सक्लूसिव माहिती मिळाली आहे आणि आम्ही या प्रकरणाची दोन्ही बाजूने पडताळणी केली आहे. एकीकडे यूजर्स कडून संपूर्ण माहिती मागितली तसेच कंपनीला पण संपूर्ण प्रकरण सांगितले आणि कंपनीने पण यावर त्वरित कारवाई करत प्रकरण शांत केले आहे.
हि घटना हल्द्वानी येतील आहे जिथे अतुल कोठारी नावाच्या एका यूजरने आपला जियो फोन ब्लास्ट झाल्याची बातमी ट्विटर वर पोस्ट केली होती. त्यानंतर आम्ही त्याच्याशी संपर्क साधला आणि त्याने संपूर्ण माहिती दिली. तो म्हणाला कि “फोन नेहमी ठेवतो तसाच थवेच्या होता. चार्जिंगला पण लावला नव्हता. आपोआप आग लागली. त्यानंतर जेव्हा मी कंपनी कडे गेलो तेव्हा ते म्हणाले कि तुम्हाला 50 टक्के किंमतीत रिफर्बिश फोन दिला जाईल, म्हणून मी नकार दिला.”
अतुलशी बोलल्यानंतर आम्ही कंपनीशी संपर्क केला आणि त्यांनी त्वरित कारवाई करण्याचे आश्वासन दिले. सोबत रिलायंस रिटेलचे प्रवक्ता म्हणाले कि “जियोफोनची डिजाइन आणि निर्मिती खूप मोठ्या मोबाईल निर्मात्यांकडून केली जाते जयंत आम्ही उच्च गुणवत्तेची काळजी घेतो. निर्मिती काळात क्वालिटी कंट्रोल साठी अनेक प्रकियामधून हा फोन जातो. असे असूनही हि घटना आमच्या समोर आली आहे आणि आमची टीम यामागील कारणांचा शोध घेत आहे. माहितीच्या आधारवर आम्ही योग्य ती कारवाई करू.”
कंपनीच्या उत्तरांनंतर जेव्हा आम्ही यूजरशी बोललो तेव्हा त्याने जास्त काही सांगितले नाही पण इतके जरूर सांगितले कि नवीन फोन मिळाला आहे. तसेच त्याने आपला ट्विट डिलीट पण केला. एक चांगली बाब अशी कि कंपनीने लगेचच कारवाई करून प्रकरण वाढण्याची आधीच सांभाळून घेतले.