Reliance Jio ने मोठ्या कालावधीनंतर आपल्या ग्राहकांसाठी दोन नवीन वर्षाचे प्लान सादर केले होते. जियोचे हे प्लान त्यांच्या 2जी मुक्त भारत अभियाना भाग होते. आता कंपनीने Jio Phone युजर्ससाठी डेटा प्लान सादर केले आहेत. या डेटा प्लानमध्ये युजर्ससाठी एकूण 5 प्लान्स सादर करण्यात आले आहेत. या नवीन Jio Recharge Data Voucher ची किंमत 22 रुपयांपासून सुरु होत आहे आणि 152 रुपयांपर्यंत हे प्लान आहेत. या नवीन रिचार्जची माहिती टेक वेबसाइट प्राइस बाबाने दिली आहे.
जियो फोनचे पाच नवीन डेटा प्लान
लक्षात असू द्या कि हे डेटा वाउचर फक्त Jio Sim मध्ये काम करतील. नवीन Jio Phone डेटा वाउचर 22 रुपये, 52 रुपये, 72 रुपये, 102 रुपये आणि 152 रुपयांमध्ये सादर केले गेले आहेत. डेटा वाउचर असल्यामुळे यात तुम्हाला फक्त डेटा मिळतो. डेटा व्यतिरिक्त या प्लानमध्ये युजर्सना कोणताही फायदा दिला जात नाही. या सर्व पाच प्लानची वैधता 28 दिवस आहे.
हे देखील वाचा : 6,000एमएएच बॅटरी असलेला स्वस्त Samsung Galaxy M12 फोन, 11 मार्चला होईल भारतात लॉन्च
Jio च्या या प्लान मध्ये किती डेटा मिळेल?
22 रुपये आणि 52 रुपयांच्या Jio Phone डेटा वाउचर मध्ये क्रमश: 2GB आणि 6GB हाई स्पीड डेली डेटा मिळतो. या दोन्ही प्लानची वैधता 28 दिवस आहे. 72 रुपयांच्या जियो फोन डेटा प्लानमध्ये 500MB डेटा डेली मिळेल. तर 102 रुपये आणि 152 रुपयांच्या जियो फोन डेटा वाउचर मध्ये 1GB व 2GB डेटा प्रतिदिन मिळेल.
या प्लान मध्ये कॉलिंग मिळेल का?
वर सांगितल्याप्रमाणे हे फक्त डेटा प्लान आहेत. कंपनीने हे 5 प्लान फक्त डेटा सोबतच सादर केले आहेत. याचा अर्थ असा आहे कि युजर्सना रिचार्जमध्ये कोणतीही कॉलिंग मिळणार नाही.
जियो फोनचे नवीन वार्षिक प्लान
सर्वप्रथम 1,999 रुपयांची ऑफर पाहता यात युजर्सना एक Jio Phone दिला जाईल. या फोन सोबत 24 महीने (दोन वर्ष) अनलिमिटेड कॉलिंगसह दरमहिन्याला 2जीबी हाईस्पीड 4जी डेटा मिळेल. याचा अर्थ असा आहे कि एकदा 2,000 रुपये दिल्यानंतर दोन वर्ष युजर्सना एक पण रुपयांचा रिचार्ज करावा लागला नाही.
हे देखील वाचा : वनप्लसने केली मोठी तयारी, 8 मार्चला होईल OnePlus 9 सीरीज लॉन्च, जाणून घ्या सर्वकाही
दुसऱ्या प्लानची किंमत 1499 रुपये आहे. या प्लानमध्ये ग्राहकांना जियो फोनसह 1 वर्ष पर्यंतची अनलिमिटेड कॉलिंगसह 2 जीबी प्रतिमाह डेटा दिला जाईल. इतकेच नव्हे तर ऑफरमध्ये जियो फोन ग्राहकांचा विचार पण करत कंपनीने सांगितले आहे कि जुने युजर्स 750 रुपये देऊन एक वर्ष रिचार्ज ना करता राहू शकतात. या प्लान मध्ये युजर्सना अनलिमिटेड कॉलिंग आणि 2जीबी प्रतिमाह डेटा दिला जाईल.