वर्ष 2017 जून मध्ये मुकेश अंबानी यांनी जेव्हा जियोच्या 4जी फीचर फोन Jio Phone ची घोषणा केली होती तेव्हा संपूर्ण टेलीकॉम विश्वात हलचल निर्माण झाली होती. आज जवळपास अडीच वर्षानंतर पुन्हा एकदा आम्हाला जियो संबंधित अशी एक मोठी बातमी मिळाली आहे. 91मोबाईल्सला एक्सक्लूसिव बातमी मिळाली आहे कि कंपनी Jio Phone च्या स्वस्त वेरियंट Jio Phone Lite ची तयारी करत आहे. या फोनच्या फीचर्सची माहिती आमच्याकडे नाही पण कंपन ने जियो पार्टनर कडे यासाठी सर्वे केला आहे आणि तिथून आम्हाला हि बातमी मिळाली आहे. हा फोन लॉन्च केलाच जाईल असा दावा करता येणार नाही पण असे म्हणता येईल कि कंपनी काहीतरी तयारी करत आहे.
लक्षात घेण्याची बाब म्हणजे जियो 4जी विशेष करून इंटरनेट साठी ओळखला जातो. त्यामुळे फीचर फोन आणि तोही फक्त कॉलिंग साठी ऐकून आम्ही पण हैराण झालो. त्यामुळे जेव्हा आम्हाला माहिती मिळाली तेव्हा आम्ही दोन वेगवेगळ्या सोर्सकडे चौकशी केली आणि दोन्ही ठिकाणी आम्हाला जवळपास एकसारखे उत्तर मिळाले.
कसा असेल Jio Phone Lite
कंपनीने केलेल्या सर्वे मध्ये जियो पार्टनर कडून आम्हाला जी माहिती मिळाली आहे त्यानुसार जियोफोन प्रमाणे Jio Phone Lite पण एक कीपॅड असलेला फोन असेल. भारतीय बाजारात कंपनी हा 500 रुपयांपेक्षा कमी बजेट मध्ये सादर करणार आहे. माहितीनुसार या फोनची किंमत 399 रुपयांच्या आसपास असू शकते. खास बाब शी कि या फोन मध्ये इंटरनेट सेवा नसेल. कंपनी हा फक्त कॉलिंगसाठी सादर करू शकते. रिलायंस जियो जियोफोन लाइट साठी 50 रुपयांपेक्षा कमी किंमतीचा मासिक कॉलिंग प्लान सादर करू शकते.
हा फोन कधी भारतीय बाजारात येईल याची आम्हाला माहिती मिळाली नाही पण प्रत्येकवेळी कंपनी आपल्या Reliance AGM मीटिंग मध्ये नवीन फोन्सची घोषणा करते आणि त्यामुळे आशा आहे कि Reliance AGM 2020 मध्ये याची घोषणा केली जाऊ शकते.
Jio Phone Lite ची गरज आहे का
Mukesh Ambani ने जियोफोन लॉन्चच्या वेळी माहिती दिली होती याच्या माध्यमातून कंपनी त्या लोकांपर्यंत इंटरनेट पोचवू पाहत आहे ज्यांनी आतापर्यंत स्मार्टफोनचा वापर केला नाही. तसेच अशी पण माहिती दिली होती कि कंपनी दार महिन्याला 5 मिलियन Jio Phone बनवू इच्छित आहे. जियोफोनच्या लॉन्च नंतर लोक उत्साहित होते. ऑक्टोबर 2019 मध्ये आलेल्या एका रिपोर्टनुसार कंपनीने आतापर्यंत 70 मिलियन अर्थात 7 कोटी पेक्षा जास्त जियोफोन विकले आहेत आणि अजूनहि विकत आहे.
रिलायंस जियोच्या सर्विस बद्दल बोलायचे तर 5 सप्टेंबर 2016 पासून अधिकृतपणे हिची सुरवात झाली होती आणि फक्त तीन वर्षात 35 कोटीपेक्षा जास्त यूजर सह भारतात कंपनी नंबर एक मोबाईल सेवा प्रदाता बनली. आणि जियोला नंबर एक बनवण्यात जियोफोनचे पण मोठे योगदान होते.
परंतु अजूनही अश्या यूजरची मोठी संख्या आहे जे इंटरनेटशी जास्त संबंध ठेवत नाहीत आणि कॉलिंग वर अंवलंबून राहू इच्छितात. त्या लोकांना जियोशी जोडण्यासाठी Jio Phone Lite एक चांगला पर्याय ठरू शकतो आणि कदाचित कंपनीचा पण असाच प्रयत्न आहे. खूप कमी किंमतीत फोन आणि मामुली शुल्क घेऊन कॉलिंग देऊन यूजर्सना एक चांगला पर्याय मिळावा जेणेकरून आपल्या प्रतिस्पर्ध्यांच्या तुलनेत रिलायंस जियो अजून पुढे जाऊ शकेल.
कोण असतील Jio Phone Lite चे यूजर
स्मार्टफोनचा बाजार वेगाने वाढत आहे यात दुमत नाही पण भारतात अजूनही फीचर फोन यूजरची मोठी संख्या आहे जे खास करून कॉलिंग वर अवलंबून राहतात. अलीकडेच आलेल्या काउंटरप्वाइंटच्या एका रिपोर्टनुसार अजूनही भारतात 400 मिलियन पेक्षा जास्त फीचर फोन यूजर आहेत आणि जियोफोन लाइट जर लॉन्च झाला तर हे यूजर केंद्रस्थानी असतील.
याबाबत टेकआर्कचे फाउंडर व चीफ ऍनालिस्ट फैशल कावूसा यांनी लाइवमिंटला दिलेल्या एका मुलाखतीत म्हटले होते कि “अजूनही अनेक यूजर आहेत जे स्मार्टफोन सहज वापरू इच्छित नाहीत. त्यांना डिजिटल विश्वा पासून दूर राहायचे आहे आणि स्वतःला कॉलिंग पर्यंत मर्यादित ठेवू इच्छितात. हे लोक अजूनही फीचर फोन घेऊ इच्छितात. तसेच अफोर्डेबिलिटी आणि अनेक टिकाऊपणा फीचर फोनची खासियत आहे आणि यूजरचा एक गट आहे जो याकारणांमुळे पण फीचर फोन घेऊ इच्छितो.”
त्यामुळे जियो साठी इथे अजूनही एक मोठा बाजार आहे आणि जियोफोन लाइट जर आला तर ते लोक याला पहिली पसंती देतील ज्यांना अफोर्डेबिलिटी, दीर्घ आयुष्य आणि फक्त कॉलिंग हवी आहे.
Jio Phone चे स्पेसिफिकेशन
जियोफोन बद्दल बोलायचे तर हा फोन कंपनीने 2017 मध्ये लॉन्च केला होता. हा एक 4जी फीचर फोन आहे जो स्मार्ट फीचर्स सह येतो. यात तुम्हाला इंटरनेट व्यतिरिक्त वीडियो कॉलिंग, व्हाट्सऍप आणि यूट्यूब सारखे फीचर्स पण मिळतात. फोन मध्ये 2.4 इंचाची टीएफटी कलर स्क्रीन देण्यात आली आहे. फोन मध्ये 1गीगाहट्र्जचा डुअलकोर प्रोसेसर आहे आणि 512एमबी रॅम आहे. फोनची इंटरनल मेमरी 4जीबी आहे जी मेमरी कार्डने वाढवता येते.
कॅमेऱ्यासाठी जियोफोन मध्ये 2 एमपी चा रियर कॅमेरा देण्यात आला आहे. तसेच सेल्फी व वीडियो कॉलिंग साठी फ्रंटला वीजीए कॅमेरा देण्यात आला आहे. फोन मध्ये एफएफ रेडियो आणि म्यूजिक प्लेयर पण मिळेल. तसेच यात लाउडस्पीकर देण्यात आला आहे. पावर बॅकअप साठी फोन मध्ये 2,000 एएमएच ची बॅटरी देण्यात आली आहे.