2019 चे फक्त तीन महिनेच झाले आहेत पण सॅमसंगने एका पाठोपाठ एक शानदार स्मार्टफोन टेक मंचावर सादर केले आहेत. एकीकडे गॅलेक्सी एस10 सीरीजच्या रूपात सॅमसंग ने हाईएंड फ्लॅगशिप डिवाईस लॉन्च केले आहेत तसेच अगदी नवीन गॅलेक्सी एम सीरीज सादर करून सॅमंसग बजेट सेग्मेंट मध्ये राज करत आहे. याकाळात सॅमसंगने गॅलेक्सी ए सीरीज मध्ये पण दमदार स्मार्टफोन गॅलेक्सी ए50 व गॅलेक्सी ए30 तसेच गॅलेक्सी ए10 सारखे स्वस्त फोन लॉन्च केले आहेत. येत्या 10 एप्रिलला पण सॅमसंग एका ईवेंटचे आयोजन करणार आहे आणि या ईवेंटच्या मंचावरून गॅलेक्सी ए सीरीजचा हाईएंड स्मार्टफोन गॅलेक्सी ए90 बाजारात येणार आहे. सॅमसंग ने अजूनतरी गॅलेक्सी ए90 चे स्पेसिफिकेशन्स लपवून ठेवले आहेत, पण हा फोन दमदार स्पेसिफिकेशन्स सह येईल तसेच सॅमसंगच्या फ्लॅगशिप सेग्मेंट मध्ये लॉन्च केला जाईल. चला एक नजर टाकूया गॅलेक्सी ए90 वर.
पॉप-अप सेल्फी कॅमेरा
गॅलेक्सी ए90 सॅमसंगचा पहिला स्मार्टफोन असेल जो पॉप-अप सेल्फी कॅमेऱ्या सह बाजारात येईल. अलीकडेच गॅलेक्सी एस10 सीरीज मध्ये सॅमसंग ने पंच-होल डिस्प्ले दिला आहे तसेच गॅलेक्सी ए90 सॅमसंग ट्रू-बेजल लेस डिस्प्ले वर सादर करेल. फोनच्या फ्रंटला कोणतेही फिजिकल बटण किंवा नॉच दिली जाणार नाही. डिस्प्लेच्या चारही बाजूंना खूप नॅरो बेजल्स असतील. फोन बॉडी मध्ये पॉप-अप ट्रे दिला जाईल आणि त्यावरच सेल्फी कॅमेरा फिट होईल. सेल्फी कमांड देताच हा कॅमेरा फोन बॉडी बाहेर येईल आणि फोटो क्लिक करेल. गॅलेक्सी ए90 ने सॅमसंग पण ओपो व वीवो प्रमाणे पॉप-अप लीग मध्ये सहभागी होईल.
स्नॅपड्रॅगॉन 7150 चिपसेट
मीडिया रिपोर्ट्स मध्ये समोर आले आहे कि सॅमसंग आपला आगामी स्मार्टफोन गॅलेक्सी ए90 क्वालकॉमच्या स्नॅपड्रॅगॉन 7150 चिपसेट वर लॉन्च करेल. विशेष म्हणजे चिपसेट बनवणाऱ्या कंपनी क्वालकॉम ने अजून स्नॅपड्रॅगॉन 7150 चिपसेट लॉन्च पण केला नाही. त्यामुळे जर गॅलेक्सी ए90 स्नॅपड्रॅगॉन 7150 वर लॉन्च झाला तर हा जगातील पहिला असा स्मार्टफोन असेल जो क्वालकॉम स्नॅपड्रॅगॉन 7150 सह येईल. रिपोर्ट्सनुसार स्नॅपड्रॅगॉन 7150 8एनएम टेक्नॉलॉजी वर बनलेला असेल जो क्वालकॉमच्या सध्याच्या पावरफुल चिपसेट स्नॅपड्रॅगॉन 845 पेक्षा पण जास्त ताकदवान असेल.
ट्रिपल रियर कॅमेरा
सॅमसंग गॅलेक्सी ए90 कंपनी द्वारा ट्रिपल रियर कॅमेऱ्यासह लॉन्च केला जाईल. सॅमसंगने आधी पण गॅलेक्सी ए सीरीज मध्ये तीन रियर कॅमेरा फोन आणले आहेत पण गॅलेक्सी ए90 चे तिन्ही कॅमेरा सेंसर दमदार असतील. समोर आलेल्या रिपोर्ट्स नुसार गॅलेक्सी ए90 च्या बॅक पॅनल वरील प्राइमरी कॅमेरा सेंसर 48-मेगापिक्सलचा असेल. तसेच एक कॅमेरा सेंसर अल्ट्रा-वाइड एंगल लेंस असेल तसेच तिसरा सेंसर डेफ्थ सेंसिंग टेक्नॉलॉजी किंवा टेलीफोटो लेंस म्हणून येईल.
8 जीबी रॅम
गॅलेक्सी ए90 सॅमसंग एकापेक्षा जास्त वेरिएंट्स मध्ये लॉन्च करेल हे निश्चित आहे आहे. बातमी अशी आहे कि सॅमसंग आपला हा आगामी स्मार्टफोन 8जीबी रॅम सह बाजारात आणेल. या फोन वेरिएंट मध्ये 8जीबी रॅम सह 256जीबी इंटरनल स्टोरेज असू शकते. तसेच गॅलेक्सी ए90 चा दुसरा वेरिएंट 6जीबी रॅम व 128जीबी इंटरनल स्टोरेज सह लॉन्च केला जाऊ शकतो.
5,000एमएएच बॅटरी
समोर आलेल्या मीडिया रिपोर्ट्स व लीक्स नुसार गॅलेक्सी ए90 मध्ये पावर बॅकअप साठी 5,000एमएएच ची मोठी व पावरफुल बॅटरी दिली जाऊ शकते. किंवा गॅलेक्सी ए90 मध्ये 4,000एमएएच आणि 5,000एमएएच दरम्यान पावर वाली बॅटरी मिळू शकते. रिपोर्ट्स मध्ये असे पण समोर आले आहे कि सॅमसंग गॅलेक्सी ए90 25वॉट फास्ट चार्जिंग सपोर्ट सह बाजरात येईल. लक्षात असू दे गॅलेक्सी ए90 चे वरील सर्व स्पेसिफिकेशन्स वेगवेगळ्या लीक्स व रिपोर्ट्स मधून समोर आले आहेत ज्यांची माहिती सॅमसंगने दिली नाही. त्यामुळे गॅलेक्सी ए90 च्या ठोस स्पेसिफिकेशन्स व किंमतीसाठी सॅमसंगच्या अधिकृत घोषणेची तसेच 10 एप्रिलची वाट बघितली जात आहे.