LG चे अनेक नवीन स्मार्टफोन गेल्या काही दिवसांपासून सतत समोर येत आहेत. हे फोन वेगवेगळ्या सर्टिफिकेशन्स साइट्स वर लिस्ट होत आहेत जिथे फोनच्या स्पेसिफिकेशन्स संबंधित माहिती शेयर करण्यात आली आहे. पण आता हे फोन्स लीक मधून बाहेर येऊन बाजारात येत आहेत. एलजी ने हि सुरवात अंर्तराष्ट्रीय टेक मंचावर आपला नवीन स्मार्टफोन LG K31 लॉन्च करून केली आहे. एलजी के31 अमेरिकन बाजारात लॉन्च केला आहे जो येत्या काही दिवसांत भारतासहित इतर बाजारांत पण विक्रीसाठी उपलब्ध होईल.
लुक व डिजाईन
LG K31 कंपनीने ‘यू’ शेप वॉटरड्रॉप नॉच डिस्प्ले वर सादर केला आहे. फोन स्क्रीनच्या दोन्ही बाजूंना नॅरो बेजल्स आहेत तर वर आणि खालच्या बाजूला रुंद बॉडी पार्ट देण्यात आला आहे. एलजी के31 डुअल रियर कॅमेऱ्याला सपोर्ट करतो जो मागे मधोमध हॉरिजॉन्टल शेप मध्ये आहे. या सेटअप मध्ये फ्लॅश लाईट पण आहे. कॅमेरा सेटअपच्या खाली फिंगरप्रिंट सेंसर आहे. वॉल्यूम रॉकर आणि पावर बटन एका साईड पॅनल वर आहेत तसेच फोन मध्ये गूगल असिस्टेंट बटन पण आहे.
फीचर्स व स्पेसिफिकेशन्स
LG K31 19:9 आस्पेक्ट रेशियो वर सादर केला गेला आहे जो 1520 x 720 पिक्सल रेज्ल्यूशन असलेल्या 5.7 इंचाच्या एचडी+ फुलविजन डिस्प्लेला सपोर्ट करतो. हि स्क्रीन 60हर्ट्ज रिफ्रेश रेट वर चालते जी 295पीपीई वर सादर करण्यात आली आहे. कंपनीने एलजी के31 एंडरॉयड 10 वर सादर केला आहे जो एलजीयूएक्स 9.1 वर चालतो. प्रोसेसिंगसाठी या फोन मध्ये आक्टाकोर मीडियाटेक हीलियो पी22 चिपसेट देण्यात आला आहे.
फोटोग्राफी सेग्मेंट पाहता LG K31 डुअल रियर कॅमेऱ्याला सपोर्ट करतो. फोनच्या बॅक पॅनल वर एलईडी फ्लॅश सह एफ/1.8 अपर्चर असलेला 13 मेगापिक्सलचा प्राइमरी सेंसर देण्यात आला आहे त्यासोबत 120डिग्री एफओवी क्षमता असलेली एफ/2.2 अपर्चर असलेली 5 मेगापिक्सलची वाइड अँगल लेंस आहे. तसेच सेल्फी आणि वीडियो कॉलिंगसाठी एलजीचा हा नवीन फोन एफ/2.2 अपर्चर असलेल्या 5 मेगापिक्सलच्या फ्रंट कॅमेऱ्याला सपोर्ट करतो.
LG K31 डुअल सिम फोन आहे जो एलजी वोएलटीईला सपोर्ट करतो. 3.5एमएम जॅक व अन्य बेसिक कनेक्टिविटी फीचर्स सोबत सिक्योरिटीसाठी फोनच्या बॅक पॅनल वर रियर फिंगरप्रिंट सेंसर देण्यात आला आहे तसेच हा फोन पावर बॅकअपसाठी 3,000एमएएच च्या बॅटरीला सपोर्ट करतो. एलजी ने आपला फोन MIL-STD-810G सर्टिफाइड केला आहे ज्यामुळे फोन पडल्यावर तुटण्यापासून वाचतो.
वेरिएंट व किंमत
कंपनीने LG K31 2 जीबी रॅम वर लॉन्च केला आहे जो 32 जीबी इंटरनल स्टोरेजला सपोर्ट करतो. फोनची मेमरी माइक्रोएसडी कार्डने फक्त 32 जीबी पर्यंत वाढवता येते. अमेरिकन बाजारात हा फोन 149.99 यूएस डॉलर मध्ये लॉन्च झाला आहे जी किंमत भारतीय करंसीनुसार 11,000 रुपयांच्या आसपास आहे. आशा आहे कि एलजी येत्या काही दिवसांत या फोनची घोषणा भारतीय बाजारात पण करेल.