Micromax ने ज्या दिवशी घोषणा केली होती कि कंपनी स्मार्टफोन मार्केट मध्ये पुन्हा एकदा प्रवेश करण्याची तयारी करत आहे, तेव्हा पासून भारतीय मोबाईल युजर्स माइक्रोमॅक्स फोनची वाट बघत आहेत. कंपनीने सांगितले होते कि आपले आगामी स्मार्टफोन्स ‘इन मोबाईल्स’ अंतगर्त सादर करेल. आज माइक्रोमॅक्सने आपल्या नवीन फोनची लॉन्च डेट पण सांगितली आहे. माइक्रोमॅक्स आपल्या नवीन स्मार्टफोन्स सह येत्या 3 नोव्हेंबरला पुन्हा एकदा मोबाईल बाजारात येईल.
माइक्रोमॅक्सने माहिती दिली आहे कि कंपनी येत्या 3 नोव्हेंबरला आपला नवीन स्मार्टफोन भारतीय बाजारात सादर करेल. कंपनीने या दिवशी लॉन्च होणाऱ्या स्मार्टफोनचे नाव सांगितले नाही पण चर्चा आहे कि यादिवशी एकापेक्षा जास्त स्मार्टफोन भारतात लॉन्च होतील. फोनच्या लॉन्च डेटची माहिती देण्यासोबतच माइक्रोमॅक्सने स्पष्ट केले आहे कि नवीन मोबाईल फोन्सने ते थेट चायनीज ब्रँड्सना टक्कर देण्याची तयारी करत आहेत. माइक्रोमॅक्सने फोनच्या लॉन्च इन्वायट सह ‘आओ चीनी कम करें’ टॅग लाईनचा वापर केला आहे.
Micromax चे को-फाउंडर राहुल शर्मा यांनी सांगितले होते कि कंपनी देशात आपला नवीन सब-ब्रँड घेऊन येत आहे ज्याचा नाव ‘IN Mobiles’ असेल. इथे IN चा अर्थ इंडियाच आहे. माइक्रोमॅक्सच्या अधिकाऱ्यांनी स्पष्ट केले आहे कि कंपनीचा थेट टारगेट देशातील चीनी कंपन्या असतील आणि IN Mobiles ‘आत्मनिर्भर भारत’ ला समर्पित असेल. कंपनीने दावा केला आहे कि त्यांच्या आगामी स्मार्टफोन्स पूर्णपणे भारतात बनलेले असतील आणि भारतीय युजर्सना लक्षात ठेऊन बनवले जात आहेत.
7,000 रुपये असू शकते बजेट
Micromax बद्दल काही दिवसांपूर्वी एक रिपोर्ट समोर आला होता, ज्यात सांगण्यात आले होते कि कंपनी भारतात तीन नवीन स्मार्टफोन आणण्याची तयारी करत आहे. रिपोर्ट नुसार माइक्रोमॅक्स तिन्ही स्मार्टफोन्स मीडियाटेक चिपसेट सह बाजारात येतील. या मोबाईल फोन्सच्या नावाबाबत सध्या काही जास्त बोलता येणार नाही पण रिपोर्टनुसार माइक्रोमॅक्सचे दोन स्मार्टफोन मीडियाटेक हीलियो जी35 चिपसेट सह येऊ शकतात आणि एक फोन मध्ये मीडियाटेक हीलियो जी25 चिपसेट मिळेल.
असे पण होऊ शकते कि वर सांगितलेले फोन IN Mobiles अंतगर्त लॉन्च होणाऱ्या स्मार्टफोन्स पेक्षा वेगळे असतील. रिपोर्टनुसार हे तिन्ही स्मार्टफोन बजेट सेग्मेंट मध्ये येतील. या तिन्ही डिवाईसेज मध्ये सर्वात स्वस्त स्मार्टफोनची किंमत 7,000 रुपयांपर्यंत असू शकते तर सर्वात महागड्या फोनचे मूल्य जास्तीत जास्त 15,000 रुपये ठेवले जाईल. Micromax कडून कोणताही नवीन अपडेट मिळताच वाचकांना कळवले जाईल.