लेनोवोच्या मालकीच्या मोटोरोला बाबत बातमी समोर आली होती कि कंपनी लवकरच बजेट सेगमेंट मध्ये एका नवीन स्मार्टफोन मोटो ई7 प्लस ची घोषणा करणार आहे. Motorola चा हा बजेट स्मार्टफोन बुधवारी लॉन्च होणार होता, पण कंपनीने हा लॉन्च टाळला आहे. दरम्यान फोनचे स्पेसिफिकेशन, फीचर आणि किंमतची माहिती ऑनलाइन समोर आली आहे.
डिजाइन
Moto E7 Plus बजेट कॅटेगरी मध्ये सादर केला जाईल जे याच्या डिजाइन वरून स्पष्ट दिसत आहे. फोनच्या फ्रंटला वॉटरड्रॉप नॉच असेल. तसेच फोनच्या मागे एक चौकोनी मॉड्यूल मध्ये डुअल-कॅमेरा सेटअप दिला जाईल. फिंगरप्रिंट सेंसर मागच्या बाजूला मोटोरोला लोगो सह दिला जाईल, जे अनेक मोटो फोन मध्ये आपण आधी पहिले आहे.
फीचर्स आणि स्पेसिफिकेशन्स
विनफ्यूचरच्या एका रिपोर्ट नुसार फोन मध्ये स्नॅपड्रॅगॉन 460 प्रोसेसर देण्यात आला आहे. तसेच मोटो E7 प्लस मध्ये 4जीबी रॅम आणि 64जीबी इंटरनल स्टोरेज असेल. फोनची स्टोरेज माइक्रो एसडी कार्डने वाढवता येईल. फोनला पावर देण्यासाठी 5000mAh ची बॅटरी दिली जाईल. पण यात फास्ट चार्जिंग सपॉर्ट नसून हा फोन 10 वॉट चार्जर सह येईल. तसेच फोन चार्ज करण्यासाठी यात माइक्रो यूएसबी पोर्ट दिला जाईल.
फोन एंडरॉयड 10 आउट ऑफ द बॉक्स वर बेस्ड मोटोरोलाच्या My UX इंटरफेस आणि मोटो ऍक्शन सह येईल. फोटोग्राफीसाठी या फोनच्या मागे चौकोनी मॉड्यूल मध्ये डुअल रियर कॅमेरा सेटअप देण्यात आला आहे. यात एलईडी फ्लॅश सह अपर्चर f/1.7 सह 48 मेगापिक्सलचा प्राइमरी कॅमेरा आणि एक 2 मेगापिक्सलचा डेप्थ सेंसर आहे. तसेच सेल्फीसाठी फोनच्या फ्रंटला अपर्चर f/2.2 सह 8 मेगापिक्सलचा कॅमेरा मिळेल.
किंमत
फोनची किंमत 149 यूरो (जवळपास 13 हजार रुपये) आहे. Moto E7 Plus ब्लू आणि ऑरेंज कलर ऑप्शन मध्ये विक्रीसाठी सादर केला जाऊ शकतो. या फोनच्या अधिकृत लॉन्च तारखेची कोणतीही माहिती देण्यात आलेली नाही. पण आशा आहे कि लवकरच हा फोन सादर केला जाईल.