Motorola ने आज भारतीय बाजारात आपल्या टेक्नॉलॉजीचे प्रदर्शन करत नवीन स्मार्टफोन Moto G 5G लॉन्च केला आहे. नावाप्रमाणे स्मार्टफोन 5जी कनेक्टिविटी सह बाजारात आला आहे. पण फक्त इतकेच नव्हे तर कंपनीने मोटो जी 5जी भारतातील सर्वात स्वस्त 5जी रेडी स्मार्टफोन पण असल्याचे म्हटले आहे. हा मोबाईल फोन फक्त 20,999 रुपयांमध्ये लॉन्च झाला आहे जो येत्या 7 डिसेंबर पासून शॉपिंग साइट फ्लिपकार्ट वर विकत घेता येईल.
डिजाइन
Motorola चा हा स्मार्टफोन फुलव्यू डिस्प्ले वर लॉन्च झाला आहे ज्यात स्क्रीनच्या वरच्या बाजूला मध्यभागी सेल्फी कॅमेरा असलेला पंच-होल देण्यात आला आहे. स्क्रीनच्या तीन कडा बेजल लेस आहेत तर खालच्या बाजूला रुंद चिन पार्ट आहे. फोनच्या बॅक पॅनल वर उजवीकडे ट्रिपल रियर कॅमेरा सेटअप देण्यात आला आहे जो चौकोनी आकारात आहे. या सेटअप मध्ये तीन सेंसर आणि एक फ्लॅश लाईट देण्यात आली आहे. बॅक पॅनल वर मध्यभागी मोटोरोलाचा लोगो आहे जो फिंगरप्रिंट सेंसर इम्बेडेड आहे. साईड पॅनल वर वॉल्यूम रॉकर, पावर बटन आणि सिम स्लॉट देण्यात आला आहे.
स्पेसिफिकेशन्स
Moto G 5G स्मार्टफोन 2400 x 1080 पिक्सल रेज्ल्यूशन असलेल्या 6.7 इंचाच्या फुलएचडी+ एलसीडी डिस्प्ले वर लॉन्च केला गेला आहे जो एचडीआर 10 ला सपोर्ट करतो. हा फोन एंडरॉयड 10 वर सादर करण्यात आला आहे जो क्वॉलकॉमच्या स्नॅपड्रॅगन 750 5जी चिपसेट वर चालतो. हा चिपसेट फोनला डुअल मोड 5G (SA/NSA) कनेक्टिविटी देतो. तसेच ग्राफिक्ससाठी या फोन मध्ये एड्रेनो 610 जीपीयू देण्यात आला आहे.
फोटोग्राफी सेग्मेंट पाहता फोनच्या बॅक पॅनल वर एलईडी फ्लॅश सह एफ/1.7 अपर्चर असलेला 48 मेगापिक्सलचा प्राइमरी सेंसर देण्यात आला आहे. त्याचबरोबर हा फोन एफ/2.2 अपर्चर असलेला 8 मेगापिक्सलची अल्ट्रा वाइड एंगल लेंस आणि एक एफ/2.4 अपर्चर असलेली 2 मेगापिक्सलच्या मॅक्रो लेंसला सपोर्ट करतो. सेल्फी आणि वीडियो कॉलिंगसाठी या फोन मध्ये एफ/2.2 अपर्चर असलेला 16 मेगापिक्सलचा पंच-होल कॅमेरा देण्यात आला आहे.
Moto G 5G डुअल सिम फोन आहे जो 5जी सह 4जी वर पण चालेल. एनएफसी आणि इतर बेसिक कनेक्टिविटी फीचर्स सह सिक्योरिटीसाठी मोटो जी 5जी मध्ये रियर फिंगरप्रिंट सेंसर देण्यात आला आहे तसेच पावर बॅकअपसाठी हा फोन मोटोरोला फोन 20वॉट टर्बोपावर फास्ट चार्जिंग टेक्नॉलॉजी असलेल्या 5,000एमएएच च्या मोठ्या बॅटरीला सपोर्ट करतो. मोटो जी 5जी आईपी52 रेटिंग सह बाजारात आला आहे ज्यामुळे हा वॉटरप्रूफ बनतो.
भारतात हा फोन 6 जीबी रॅम सह लॉन्च झाला आहे जो 128 जीबी इंटरनल स्टोरेजला सपोर्ट करतो. फोन मेमरी माइक्रोएसडी कार्डने 1 टीबी पर्यंत वाढवता येते. Moto G 5G 20,999 रुपयांमध्ये लॉन्च केला गेला आहे जो Volcanic Grey आणि Frosted Silver कलर मध्ये येईल आणि येत्या 7 डिसेंबर पासून विकत घेता येईल. फोनची विक्री फक्त शॉपिंग साइट फ्लिपकार्ट वरच होईल.