Motorola बद्दल बातमी समोर आली आहे कि कंपनीने आपल्या ‘मोटो जी’ सीरीजच्या नवीन स्मार्टफोन वर काम सुरु केले आहे आणि हा फोन Motorola Moto G Play (2021) नावाने टेक मार्केट मध्ये येईल. मोटोरोलाने आतापर्यंत अधिकृतपणे या फोनची कोणतीही माहिती दिली नाही पण बाजारात येण्याआधी हा फोन बेंचमार्किंग साइट गीकबेंच वर लिस्ट झाला आहे. गीकबेंचच्या या लिस्टिंगने एकीकडे पुन्हा एकदा फोनची उपस्थिती दर्शवली आहे, तसेच नवीन मोटो जी प्ले च्या अनेक महत्वाच्या स्पेसिफिकेशन्सचा पण खुलासा केला आहे.
Moto G Play (2021) ची गीकबेंच लिस्टिंग काल म्हणजे 18 नोव्हेंबरची आहे. इथे फोनच्या मॉडेल नंबरच्या ऐवजी फोनचे नाव लिहिण्यात आले आहे. सर्वप्रथम बेंचमार्किंग स्कोर पाहता गीकबेंच वर न्यू जेनरेशन मोटो जी प्लेला सिंगल-कोर मध्ये 253 स्कोर मिळाला आहे. तसेच मल्टी-कोर मध्ये या फोनला 1233 स्कोर देण्यात आला आहे. स्कोर पाहून अंदाज लावला जात आहे कि हा फोन कमी किंमत असलेल्या मिडबजेट मध्ये येईल.
मोटोरोलाचा हा स्मार्टफोन गीकबेंच वर अँड्रॉइड 10 ओएस सह दाखवण्यात आला आहे त्यासोबतच 1.80गीगाहर्ट्ज बेस फ्रिक्वेंसी असलेला आक्टाकोर प्रोसेसर आणि क्वॉलकॉमचा स्नॅपड्रॅगॉन 460 चिपसेट असल्याचे लिस्टिंग मध्ये समोर आले आहे. बेंचमार्किंग साइट वर हा फोन 3 जीबी रॅम सह लिस्ट झाला आहे. आशा आहे कि मार्केट मध्ये Moto G Play (2021) चे एकापेक्षा जास्त वेरिएंट्स लॉन्च होतील. तसेच या फोन मध्ये एड्रेनो 610 जीपीयू असल्याचे पण समोर आले आहे.
Moto E7
Moto G Play (2021) व्यतिरिक्त काही दिवसांपूर्वी मोटोरोलाचा अजून एक स्मार्टफोन Moto E7 पण चर्चेत आला जो येत्या काही दिवसांमध्ये मार्केट मध्ये येईल. अलीकडेच लीक झालेल्या फोटो मध्ये मोटो ई7 च्या लुक व डिजाईनचा खुलासा झाला आहे. फोटो मध्ये मोटो ई7 वॉटरड्रॉप नॉच डिजाईन वर बनला आहे ज्यात रुंद चिन पार्ट असलेला नॅरो बेजल्स डिस्प्ले देण्यात आला आहे. फोनच्या बॅक पॅनल वर डुअल रियर कॅमेरा सेटअप देण्यात आला आहे जो मध्यभागी चौकोनी आकारात आहे. कॅमेरा सेटअपच्या खाली Motorola लोगो असलेला रियर फिंगरप्रिंट सेंसर देण्यात आला आहे. मोटो ई7 स्मार्टफोनच्या बॅक पॅनल वरच खालच्या बाजूला स्पीकर आहे.
मोटोरोलाच्या या आगामी स्मार्टफोन बद्दल लीक मध्ये सांगण्यात आले आहे कि यह Blue आणि Gray कलर मध्ये लॉन्च केला जाईल. फोटो मध्ये राईट पॅनल वर वॉल्यूम रॉकर दाखवण्यात आला आहे तर डाव्या पॅनल वर गुगल अस्सिटंट बटन आहे. लीकनुसार हा फोन 6.5 इंचाच्या एचडी+ डिस्प्ले वर लॉन्च होईल. फोनच्या रियर कॅमेरा सेटअप मध्ये 48 मेगापिक्सल + 2 मेगापिक्सलचे दोन कॅमेरा सेंसर्स तसेच फ्रंट पॅनल वर 5 मेगापिक्सलचा सेल्फी सेंसर दिला जाईल. Moto E7 4,000एमएएच बॅटरी सह लॉन्च केला जाणार असल्याचे लीक मध्ये सांगण्यात आले आहे.