Motorola ने आज आपला लेटेस्ट फोल्डेबल हँडसेट Moto Razr भारतात लॉन्च केला आहे. कंपनीने याआधी मोटो रेजर फोल्डेबल फोन अमेरिकन बाजारात सादर केला आहे. कंपनीने हा डिवाइस पावरफुल कॅमेरा, प्रोसेसर आणि दमदार रॅम सह सादर केला आहे. या फोनची डिजाइन पाहता भारतात गॅलेक्सी झेड फ्लिपला टक्कर निश्चितच मिळेल.
शानदार डिजाइन
हा फर्स्ट जेनरेशन मोटो रेजर पेक्षा प्रत्येक बाबतीत वेगळा आहे. कंपनीने हा शानदार फोल्डेबल डिस्प्ले डिजाइन सह लॉन्च केला आहे. हा फोन वर्टिकली फोल्ड होतो. कंपनीने फर्स्ट जेनरेशन मोटो रेजर लक्षात ठेऊन हि डिजाइन दिली आहे. या डिजाइनला कंपनीने clamshell असे नाव दिले आहे. डिवाइस मध्ये मेन डिस्प्ले व्यतिरिक्त एक आउटर डिस्प्ले पण असेल ज्यावर नोटिफिकेशन फोन न उघडता दिसतील. तसेच उघडल्यावर फोन मध्ये नॉच स्क्रीन दिसले. फोनचा फिंगरप्रिंट सेंसर आउटर पॅनल वर देण्यात आला आहे.
डिस्प्ले आहे कमाल
या फोल्डेबल फोन मध्ये यूजर्सना 6.2 इंचाचा ओएलईडी डिस्प्ले मिळेल, ज्याचे रेजॉल्यूशन 876×2142 पिक्सल आहे. घडी केल्यावर या फोनच्या स्क्रीनचा आकार 2.7 इंच होतो. यूजर्स या डिस्प्लेच्या मदतीने सेल्फी क्लिक करू शकतील आणि त्यांनी यात मेसेज नोटिफिकेशन सह म्यूजिक कंट्रोल करण्याची सुविधा मिळेल.
दमदार कॅमेरा
फोटोग्रफीसाठी फोन मध्ये 2 कॅमेरे देण्यात आले आहेत. यात नाइट विजन मोड सह 16 मेगापिक्सलचा कॅमेरा आहे. नाइट विजन मोडच्या मदतीने यूजर्स रात्रीपण चांगले फोटो क्लिक काऊ शकतील. तसेच फोनच्या कॅमेऱ्यात एआई (आर्टिफिशियल इंटेंलिजेंस) टेक्नॉलॉजी पण देण्यात आली आहे. दुसरीकडे या फोनच्या फ्रंटला 5 मेगापिक्सलचा फ्रंट कॅमेरा आहे.
स्पेसिफिकेशन्स
फोन एंडरॉयड 9 पाई आउट-ऑफ-द-बॉक्स वर चालतो तसेच हा फक्त ई-सिम कार्डला सपॉर्ट करतो. फोन 6जीबी रॅम आणि 128जीबी इंटरनल स्टोरेज सह लॉन्च केला गेला आहे. प्रोसेसर बद्दल बोलायचे तर हा स्नॅपड्रॅगॉन 710 चिपसेट सह येतो. तसेच पावर बॅकअपसाठी फोन मध्ये 2150 एमएएच ची बॅटरी देण्यात आली आहे जी 18 वॉट टर्बो चार्जिंगला सपोर्ट करते. Moto Razr मध्ये तुम्हाला 3.5-mm हेडफोन जॅक मिळणार नाही. यात ब्लूटूथ आणि यूएसबी टाइप-सी पोर्ट ऑडियोसाठी आहे.
किंमत
Moto Razr कंपनीने 1,24,000 रुपयांमध्ये लॉन्च केला आहे. जियोने 4999 रुपयांचा रिचार्ज केल्यास डबल डेटा आणि डबल वैधतेचा लाभ मिळेल. तसेच सिटी बॅंक डेबिट किंवा क्रेडिट कार्डने पेमेंट केल्यास 10,000 रुपयांचा कॅशबॅक मिळेल. त्याचबरोबर मोटोकेयर ऍक्सीडेन्ट डॅमेज प्रोटेक्शन प्लान मध्ये डिस्काउंट दिला जाईल. फोनची विक्री 2 एप्रिलला होईल आणि डिवाइसची प्री-बुकिंग सुरु झाली आहे.