ऑनलाइन वादहत असलेल्या मागणीमुळे ऑफलाइन रिटेलर्सच्या समस्या वाढत होत्या. यामुळे ऑल इंडिया मोबाईल रिटेलर्स असोशियेशनने आवाज उठवत होती आणि आज त्याला यश मिळाले आहे. असोशियेशनने आज एक प्रसिद्धी जाहीर केले आहे ज्यात माहिती देण्यात आली आहे Vivo आता कोणताही फोन ऑनलाइन किंवा ऑफलाइन एक्सक्लूसिव लॉन्च करणार नाही. आता सर्व मॉडेल, समान प्राइस, एकाच वेळी आणि एकाच ऑफर सह ऑनलाइन आणि ऑफलाइन दोन्ही ठिकाणी उपलब्ध होतील.
आम्हाला जेव्हा हि बातमी मिळाली तेव्हा आम्ही निकुंज पटेल, सेक्रेटरी- गुजरात मोबाईल एसोशियेशन, अहमदाबाद यांच्याशी संपर्क केला आणि त्यांनी बरीच माहिती दिली. ते म्हणाले कि “हे ऑफलाइन मोबाईल रिटेलर्सचे मोठे यश आहे. यासाठी आम्ही अनेक दिववसांपासून प्रयत्न करत होतो ज्याला यश मिळाले आहे. Vivo ने म्हटले आहे कि 2020 पासून कंपनीचे सर्व फोन सेम टाइम, सेम प्राइस आणि सेम ऑफर सोबतच दोन्ही ठिकाणी उपलब्ध होतील. तसेच सध्या ज्या Z आणि U सीरीज ऑनलाइन एक्सक्लूसिव आहेत त्या पण नवीन वर्षात ऑफलाइन मिळतील.”
याचबरोबर त्यांनी आम्हाला सांगितले कि “फक्त Vivo चा नाही तर डिसेंबर 2019 नंतर Oppo, Realme आणि Samsung चे पण सर्व फोन ऑनलाइन आणि ऑफलाइन मध्ये एक साथ एकाच वेळी उपलब्ध होतील. Realme ने X2 साठी आतापासून हीच रणनीती सुरु केली आहे. रियलमीने म्हटले आहे कि आता त्यांचा प्रत्येक फोन ऑनलाइन सोबतच ऑफलाइन त्यांच्या प्रीफर्ड पार्टनर्स कडे समान किंमत आणि ऑफर मध्ये उपलब्ध होईल. तसेच एका आठवड्यातच दुसऱ्या रिटेल पार्टनर कडे पण उपलब्ध होईल आणि ऑफर मध्ये कोणताही बदल नसेल.”
ऑनलाइन एक्सक्लूसिवमुळे ऑफलाइन रिटेलर्सना अडचण येत होती. कारण तिथे कमी किंमतीत यूजर्सना चांगले स्पेसिफिकेशन असलेले फोन मिळत होते. तसेच क्रेडिट आणि डेबीट कार्ड वर चांगल्या ऑफर्स मिळत होत्या. त्यामुळे ऑनलाइन मोबाईल विकत घेणाऱ्या यूजर्सची संख्या वेगाने वाढत आहे तसेच ऑफलाइन रिटेलर्सना खूप नुकसान सहन करावे लागत आहे. परंतु या बातमीमुळे ऑफलाइन रिटेलर्स दिलासा मिळेल.
सॅमसंग बद्दल बोलायचे तर कंपनी ऑफलाइन स्टोर वर खूप मजबूत आहे पण 2019 मध्ये त्यांनी आपल्या सीरीजची सुरवात केली होती जी खास ऑनलाइन साठी होती. परंतु वर्ष संपण्याच्या आधी सॅमसंगने घोषणा केली कि पुढील M सीरीजचा फोन ऑनलाइन आणि ऑफलाइन एकाच वेळी आणि एकाच प्राइस ऑफर सह येईल. तसेच ओपोची K सीरीज ऑनलाइन एक्सक्लूसिव असते आणि आता ती पण ऑफलाइन उपलब्ध होईल.
विशेष म्हणजे भारतातील नंबर एक स्मार्टफोन निर्माता कंपनी Xiaomi ने अशी कोणतीही घोषणा केली नाही. ऑनलाइन व्यतिरिक्त ऑफलाइन पण कंपनीची चांगली पकड आहे. कंपनी अजूनही शांत आहे पण रिटेलर्स याविरुद्ध आवाज उठवत आहेत.