Nokia बाबत चर्चा आहे कि कंपनी या महिन्यात आयोजित होणाऱ्या आईएफए ईवेंट मध्ये अनेक नवीन स्मार्टफोन टेक मंचावर सादर करणार आहे. बातमी अशी आहे कि यात Nokia 2.4, Nokia 3.4 सारख्या लो बजेट फोन्स सोबत Nokia 6.3 आणि Nokia 7.3 सारख्या मिड बजेट स्मार्टफोन्सचा पण समावेश असू शकतो. नोकियाच्या अधिकृत अनांउसमेंटच्या आधी यातील एक नोकिया 2.4 चा फोटो इंटरनेट वर वायरल झाला आहे. फोटोज सोबत या फोनच्या अनेक महत्वाच्या स्पेसिफिकेशन्सचा खुलासा पण लीक मध्ये करण्यात आला आहे.
Nokia 2.4 चे फोटोज प्रसिद्ध टिपस्टर इवान ब्लास याने शेयर केले आहेत. हे फोटोज समोर आल्यामुळे फक्त नोकिया 2.4 च्या लुक आणि डिजाईनची माहिती मिळाली नाही तर सोबत फोनच्या अनेक फीचर्स आणि स्पेसिफिकेशन्सचा पण खुलासा झाला आहे. ईवीलीक्सने शेयर केलेल्या या फोटोज मध्ये फोनचे फ्रंट आणि बॅक दोन्ही पॅनल्स दाखवण्यात आले आहेत.
असा असेल लुक
Nokia 2.4 च्या शेयर करण्यात आलेल्या फोटो वरून समजले आहे कि हा फोन वॉटरड्रॉप नॉच डिस्प्ले वर लॉन्च केला जाईल. फ्रंट पॅनल वर डिस्प्लेच्या तीन कडा बेजल लेस आहेत तर खालच्या बाजूला बारीक बॉडी पार्ट देण्यात आला आहे ज्या वर Nokia ची ब्रॅंडिंग आहे. तसेच नोकिया 2.4 च्या बॅक पॅनल वर डुअल रियर कॅमेरा सेटअप देण्यात आला आहे जो मधोमध वर्टिकल शेप मध्ये आहे. यात दोन कॅमेरा सेंसर आणि एक फ्लॅश लाईट आहे.
फोटो मध्ये नोकिया 2.4 चा रियर पॅनल वर थोडा रगेड दिसत आहे जो कदाचित ऑरा डिजाईन वर बनलेला असू शकतो. रियर कॅमेरा सेटअपच्या खाली फिंगरप्रिंट सेंसर देण्यात आला आहे. फोनच्या उजव्या पॅनल वर वॉल्यूम रॉकर आणि पावर बटन देण्यात आला आहे तसेच डाव्या पॅनल वर अजून एक बटन आहे. आशा आहे कि हा गूगल असिस्टंट बटन असू शकतो.
असे असू शकतात स्पेसिफिकेशन्स
Nokia 2.4 च्या फीचर्स आणि स्पेसिफिकेशन्सची माहिती तर कंपनीने दिली नाही पण लीक्सनुसार हा स्मार्टफोन 6.5 इंचाच्या डिस्प्ले वर लॉन्च केला जाऊ शकतो. नोकिया 2.4 स्मार्टफोन एंडरॉयड 10 ओएस वर सादर केला जाईल ज्या सोबत प्रोसेसिंगसाठी या फोन मध्ये मीडियाटेकचा हीलियो पी22 चिपसेट मिळू शकतो.
लीक मध्ये नोकिया 2.4 चे दोन वेरिएंट्स समोर आले आहेत ज्यात बेस वेरिएंट मध्ये 2 जीबी रॅम सह 32 जीबी इंटरनल स्टोरेज असल्याचे सांगण्यात आले आहे. तसेच दुसऱ्या वेरिएंट मध्ये 3 जीबी रॅम सह 32 जीबी स्टोरेज असल्याचे समोर आले आहे. फोटोग्राफी सेग्मेंट पाहता Nokia 2.4 मध्ये सेल्फीसाठी 5 मेगापिक्सलचा फ्रंट कॅमेरा मिळू शकतो.
Nokia 2.4 च्या रियर पॅनल वर 13 मेगापिक्सलचा प्राइमरी सेंसर तसेच 2 मेगापिक्सलचा सेकेंडरी सेंसर असल्याचे सांगण्यात आले आहे. लीकनुसार पावर बॅकअपसाठी नोकिया 2.4 मध्ये 4,800एमएएच ची बॅटरी मिळू शकते. Nokia 2.4 कधी बाजारात लॉन्च केला जाईल आणि भारतात विक्रीसाठी उपलब्ध होईल यासाठी कंपनीच्या घोषणेची वाट बघावी लागेल.