HMD Global ने यावर्षी मार्च मध्ये नोकिया ब्रँडिंग सह Nokia 5.3 टेक मार्केट मध्ये लॉन्च केला होता. आता माहिती समोर येत आहे की कंपनी या फोनच्या सक्सेसर वर काम करत आहे, जो लवकरच लॉन्च केला जाऊ शकतो. हा नवीन फोन कंपनी Nokia 5.4 नावाने सादर करण्याची योजना बनवत आहे. तसेच आता या डिवाइस संबंधित अनेक डीटेल्स समोर आले आहेत. ज्यामुळे असे बोलले जात आहे की हा डिवाइस लवकरच मार्केट मध्ये सादर केला जाऊ शकतो. कंपनीने अधिकृत माहिती दिली नाही.
डिस्प्ले
Nokiapoweruser च्या रिपोर्टनुसार नवीन Nokia 5.4 मध्ये पंच-होल असलेला डिस्प्ले दिला जाऊ शकतो. तसेच कंपनीने Nokia 5.3 वॉटरड्रॉप नॉच सह सादर केला होता. इतकेच नव्हे तर नोकिया 5.4 मध्ये स्क्रीन साइज 6.4 इंचाची असू शकते. तसेच डिवाइस मध्ये दमदार प्रोसेसर असण्याची शक्यता आहे, पण नवीन चिपसेट संबंधित डीटेल्स अजूनतरी समोर आले नाहीत.
रॅम व स्टोरेज
रिपोर्ट्सनुसार Nokia 5.4 दोन रॅम आणि स्टोरेज वेरियंट्स मध्ये लॉन्च केला जाऊ शकतो. बेस मॉडेल मध्ये 4 जीबी रॅम सह 64 जीबी इंटरनल स्टोरेज मिळेल, तसेच दुसर्या टॉप मॉडेल मध्ये 4 जीबी रॅम सह 128 जीबी इंटरनल स्टोरेज दिला जाऊ शकतो. सोबतच हॅण्डसेट कंपनी ब्लू आणि पर्पल कलर ऑप्शंस मध्ये सादर केला जाऊ शकतो.
किंमत
कंपनी Nokia 5.4 मध्ये क्वॉड कॅमेरा सेटअप देऊ शकते आणि हा फोन डिसेंबर मध्ये सादर केला जाऊ शकतो. इतकेच नव्हे तर हा फोन ऑस्ट्रेलियन रिटेलर्सच्या लिस्टिंग मध्ये दिसला होता, जिथे याची किंमत पण लीक झाली आहे. फोनचा 4 जीबी रॅम आणि 128 जीबी स्टोरेज वेरियंट 349 ऑस्ट्रेलियन डॉलर (जवळपास 19,000 रुपये) मध्ये विकत घेता येईल.
Nokia 5.3
नोकिया 5.3 चे फीचर्स आणि स्पेसिफिकेशन्स पाहता हा फोन 20:9 आस्पेक्ट रेशियो वर बनला आहे जो 6.55 इंचाच्या एचडी+ वॉटरड्रॉप नॉच डिस्प्ले सह येतो. डिस्प्लेच्या सुरक्षेसाठी हा 2.5डी कर्व्ड ग्लासने प्रोटेक्ट केला गेला आहे. Nokia 5.3 एंडरॉयड 10 ओएस वर सादर केला गेला आहे जो आक्टाकोर प्रोसेसर सह क्वॉलकॉमच्या स्नॅपड्रॅगॉन 665 चिपसेट वर चालतो. फोन मध्ये 4 जीबी व 6 जीबी रॅमचा समावेश आहे. तसेच फोन मध्ये 64 जीबी इंटरनल स्टोरेज देण्यात आली आहे. डिवाइसची मेमरी माइक्रोएसडी कार्डने 512 जीबी पर्यंत वाढवता येते.
फोटोग्राफी सेग्मेंट पाहता Nokia 5.3 क्वॉड रियर कॅमेऱ्याला सपोर्ट करतो या सेटअप मध्ये एफ/1.8 अपर्चर असलेला 13 मेगापिक्सलचा प्राइमरी सेंसर, 2 मेगापिक्सलचा डेफ्थ सेंसर, 5 मेगापिक्सलची अल्ट्रा वाइड लेंस आणि 2 मेगापिक्सलची मॅक्रो लेंस आहे. तसेच सेल्फीसाठी हा फोन एफ/2.0 अपर्चर असलेल्या 8 मेगापिक्सलच्या फ्रंट कॅमेऱ्याला सपोर्ट करतो.
Nokia 5.3 डुअल सिम फोन आहे जो 4जी वोएलटीई ला सपोर्ट करतो. 3.5एमएम जॅक आणि बेसिक कनेक्टिविटी फीचर्स सोबत सिक्योरिटीसाठी फोनच्या बॅक पॅनल वर फिंगरप्रिंट सेंसर देण्यात आला आहे तसेच हा फोन फेस अनलॉक फीचरला पण सपोर्ट करतो. पावर बॅकअपसाठी नोकिया 5.3 मध्ये 4,000एमएएच ची बॅटरी देण्यात आली आहे.