Nokia नं भारतासह जागतिक बाजारात आपला बजेट स्मार्टफोन Nokia C21 Plus लाँच केला आहे. कंपनीनं Nokia T10 टॅबलेट देखील जगासमोर ठेवला आहे, परंतु भारतीयांना या टॅबसाठी अजून काही काळ वाट बघावी लागू शकते. नोकियाच्या स्मार्टफोनमध्ये बजेट स्पेसिफिकेशन्स आणि पॉलीकार्बोनेट बॅक पॅनल देण्यात आला आहे. कंपनीनं स्मार्टफोनमध्ये Unisoc प्रोसेसरची ताकद दिली आहे.
Nokia C21 Plus ची किंमत
Nokia C21 Plus स्मार्टफोनचे दोन व्हेरिएंट सादर करण्यात आले आहेत. या फोनचा बेस व्हेरिएंट 3GB रॅम आणि 32GB स्टोरेज मॉडेल 10,299 रुपयांमध्ये विकत घेता येईल. तर 4GB रॅम व 64GB स्टोरेजसाठी 11,299 रुपये मोजावे लागतील. Nokia C21 Plus स्मार्टफोन डार्क स्यान, वार्म ग्रे कलर ऑप्शनमध्ये सादर करण्यात आला आहे.
नोकियाचा हा स्मार्टफोन कंपनीच्या भारतीय वेबसाईटवरून विकत घेता येईल. लाँच ऑफर अंतगर्त या फोन सोबत कंपनी Nokia Wired Buds मोफत देणार आहे. Nokia चा हा फोन 10 टक्के डिस्काउंटसह विकत घेता येईल तसेच ग्राहकांना 4,000 रुपयांपर्यंतचे बेनिफिट मिळतील.
Nokia C21 Plus चे स्पेसिफिकेशन्स आणि फीचर्स
Nokia C21 Plus स्मार्टफोनमध्ये 6.5-इंचाचा HD+ डिस्प्ले देण्यात आला आहे, ज्याचा अस्पेक्ट रेश्यो 20:9 आहे. तसेच फोनचा डिस्प्ले 60Hz रिफ्रेश रेटला सपोर्ट करतो. नोकियाच्या या फोनमध्ये 5MP चा फ्रंट कॅमेरा देण्यात आला आहे. तसेच फोनच्या मागे ड्युअल कॅमेरा सेटअप मिळतो. ज्यात 13MP चा प्रायमरी कॅमेरा आणि 2MP डेप्थ कॅमेरा सेन्सर दिसत आहे.
Nokia C21 Plus स्मार्टफोनमध्ये Unisoc SC9863A प्रोसेसर देण्यात आला आहे. त्याचबरोबर फोनमध्ये 4GB पर्यंतचा रॅम आणि 64GB स्टोरेज देण्यात आला आहे. स्टोरेज वाढण्यासाठी कंपनीनं मायक्रोएसडी कार्ड स्लॉट देखील दिला आहे. नोकियानं सध्यातरी फोनच्या बॅटरी कपॅसिटीची कोणतीही माहिती दिली नाही. परंतु कंपनीनं सांगितलं आहे की, सिंगल चार्जमध्ये हा फोन तीन दिवसांचा बॅकअप ऑफर करतो. Nokia C21 Plus स्मार्टफोन Android 11 Go Edition वर चालतो.
Nokia T10 टॅबलेट चे स्पेसफिकेशन्स
Nokia T10 टॅबलेटमध्ये 8-इंचाचा HD डिस्प्ले देण्यात आला आहे, जो 60Hz रिफ्रेश रेटला सपोर्ट करतो. हा टॅबलेट अँड्रॉइड 12 वर चालतो. कंपनी तीन वर्षांपर्यंत सिक्योरिटी अपडेट देणार आहे. Nokia T10 टॅबलेटमध्ये Unisoc T606 SoC देण्यात आली आहे. सोबतीला 4GB रॅम आणि 64GB इंटरनल स्टोरेज मिळते.
नोकियाच्या टॅबमध्ये 8MP चा रियर कॅमेरा आहे. तर फ्रंटला 2MP चा सेल्फी सेन्सर देण्यात आला आहे. Nokia T10 मध्ये 3.5mm हेडफोन जॅक, AI फेस अनलॉक, ड्युअल बँड Wi-Fi (2.4 GHz आणि 5 GHz), Bluetooth 5.0, आणि GPS सपोर्ट देण्यात आला आहे. हा टॅबलेट Wi-Fi आणि Wi-Fi + 4G LTE ऑप्शनमध्ये सादर करण्यात आला आहे.