मोबाईल फोन्स आपल्या आयुष्याचा असा भाग बनले आहेत कि आपण त्यांच्याविना एक पाऊल देखील टाकू शकत नाही. इतकेच नव्हे तर झोपताना पण आपण आपला फोन जवळ ठेवतो. अश्यावेळी जेव्हा स्मार्टफोन मध्ये आग लागण्याच्या घटना होतात तेव्हा आपल्याला धक्का बसतो. कारण फोन आपल्या सर्वात जवळ असतो आणि यात सर्वात जास्त शारीरिक नुकसान होण्याची भीती असते. आज पुन्हा एकदा मोबाईल फोन ब्लास्ट झाल्याची माहिती समोर आली आहे. केरळच्या चंद्रा बाबू नावाच्या एका 53 वर्षीय व्यक्ती सोबत हि घटना घडली आहे, ज्यात त्यांना जखम पण झाली आहे.
मनोरमाच्या एका रिपोर्टनुसार हि घटना तेव्हा घडली जेव्हा पेशाने ऑटो रिक्शा ड्राइवर चंद्रा बाबू फोन आपल्या उशीखाली ठेऊन आराम करत होते. सोमवारी सकाळी केरळच्या कोल्लम मधील ओचिरा मध्ये राहणारे चंद्रा बाबू जेव्हा झोपेत होते, तेव्हा त्यांच्या उशीखाली ठेवलेला नोकियाचा मोबाईल ब्लास्ट झाला ज्यामुळे ते जखमी झाले.
चंद्र बाबूने टीएनएमला सांगितले कि मी एका प्रवाश्याला त्रिवेंद्रम अंतरराष्ट्रीय विमानतळावर सोडून घरी परतलो होतो. मी थकलो होतो म्हणून मला झोप आली. माझा खांदा दुखू लागला म्हणून मला जाग आली. जेव्हा मी अंथरुणावर बघितले, तेव्हा उशीचा कोपरा जळला होता जिथे फोन ठेवला होता आणि फोन मधून ठिणग्या उडत होत्या.
बाबू यांनी सांगितले कि त्यांना अजूनही समजले नाही कि फोन मध्ये आग कशी लागली. रिपोर्टनुसार ते एकटे होते आणि जेव्हा घटना घडली तेव्हा त्यांनी शर्ट नव्हता घातला. चटका बसू लागल्यावर त्यांनी फोन जमिनीवर फेकला आणि त्वरित उपचार करण्यासाठी हॉस्पिटल मध्ये गेले.
हे देखील वाचा :
हि चूक करू नका ब्लास्ट होऊ शकतो फोन
आपल्या पैकी अनेक लोक झोपताना फोनचा वापर करतात आणि तो आपल्या जवळ ठेवतात. खासकरून उशीखाली किंवा फोन वर दबाव पडेल अश्या ठिकाणी फोन ठेऊ नका. फोन थंड राहील अश्या ठिकाणी फोन ठेवा आणि शरीरापासून दूर ठेवा.
VIA: The News Minute