गेल्या आठवड्यात OPPO A3 Pro च्या भारतीय मॉडेलचा लाईव्ह फोटो समोर आला होता. आता 91Mobiles ला एक्सक्लूझिव्ह फोन आणि बॉक्स पॅकेजचे फोटो मिळाले आहेत. ज्यामध्ये त्याची किंमत स्पेसिफिकेशन आणि डिझाईन समोर आली आहेत. तुम्हाला सांगतो हे मोठे लीक टिपस्टर सुधांशू अंभोरेच्या माध्यमातून शेअर करण्यात आले आहेत. यामध्ये हा मोबाईल चायनीज मॉडेलपेक्षा खूपच वेगळा आहे. चला, पुढे याची संपूर्ण माहिती सविस्तरपणे जाणून घेऊया.
OPPO A3 Pro डिझाईन (लीक)
- तुम्ही खाली फोटोमध्ये पाहू शकता की या फोनमध्ये सेल्फीसाठी पंच-होल कटआऊट आहे. तसेच स्क्रीनच्या चारी बाजूला मोठे बेझल्स आहेत. बाजाराच्या ट्रेंडनुसार हा थोडा जुना पॅटर्न असल्याचे दिसते.
- फोनच्या बॅक पॅनलच्या डाव्या कोपऱ्यात एक मोठे आयताकृती मॉड्यूल आहे. यात ड्युअल कॅमेरा सेन्सर आणि एलईडी फ्लॅश रिंग देण्यात आली आहे.
- हा फोन जांभळ्या रंगात दिसू शकतो आणि त्याच्या मागील बाजूस चमकदार फिनिश आहे. तसेच मधल्या फ्रेमवर पॉली कार्बोनेट बिल्ड असू शकते.
OPPO A3 Pro किंमत (लीक)
- लीकनुसार भारतात Oppo A3 Pro ची 8 जीबी+ 128 जीबी मॉडेलसाठी किंमत 17,999 रुपये ठेवली जाऊ शकते.
- या डिव्हाईसचे टॉप मॉडेल 8 जीबी + 256 जीबी हा व्हेरिएंट 19,999 रुपयांमध्ये लाँच केला जाऊ शकतो
OPPO A3 Pro चे स्पेसिफिकेशन्स आणि बॉक्स इमेज (लीक)
- लाईव्ह फोटोमध्ये फोन बद्दलच्या विभागात हार्डवेअरचे स्पेसिफिकेशन समोर आले आहेत. ज्यामध्ये OPPO A3 Pro हे मार्केटिंग नाव आणि मॉडेल क्रमांक CPH2665 देखील त्यात स्पष्टपणे दिसत आहेत.
- बॉक्स पॅकेजमध्ये फोन, चार्जर, सिम इजेक्टर टूल आणि यूजर मॅन्युअल यांचा समावेश असेल. फोनच्या बॉक्सवर याची किंमत 20,999 रुपये दिसत आहे.
- डिस्प्ले: OPPO A3 Pro फोनमध्ये 120Hz रिफ्रेश रेटसह 6.6 इंचाचा LCD डिस्प्ले मिळू शकतो.
- प्रोसेसिंग: Oppo A3 Pro Android 14 आधारित Funtouch 14 कस्टम स्किनवर काम करू शकतो आणि त्यामध्ये MediaTek Dimensity 6300 चिपसेट दिली जाऊ शकतो.
- स्टोरेज: लीकनुसार या स्मार्टफोनमध्ये 256GB स्टोरेज, 8GB रॅम आणि 8GB एक्सटेंडेबल रॅम सपोर्ट असण्याची अपेक्षा आहे.
- बॅटरी: OPPO A3 Pro मध्ये 5,100mAh ची मोठी बॅटरी दिली जाऊ शकते. ते चार्ज करण्यासाठी 45W SUPERVOOC फ्लॅश चार्जिंग सपोर्ट असू शकते.
- कॅमेरा: टिपस्टरचे असे म्हणणे आहे की, हा फोन 50 मेगापिक्सेलचा प्रायमरी कॅमेरा आणि 8 मेगापिक्सेलच्या अल्ट्रा-वाईड-एंगल लेन्ससह येऊ शकतो. त्याच वेळी सेल्फीसाठी फ्रंटमध्ये 16 मेगापिक्सेलचा सेन्सर असू शकतो.
- इतर: फोनच्या बॉक्स पॅकेजमध्ये असे म्हटले आहे की, ते 360 डिग्री डॅमेज-प्रूफ आर्मर बॉडी आणि स्प्लॅश टच सपोर्टसह दिले जाऊ शकते.