ओपो च्या आगामी स्मार्टफोन एफ9 प्रो बद्दल गेल्या आठवड्यात बातमी समोर आली होती ज्यात फोन ब्लूटूथ सर्टिफिकेशन्स साइट वर दिसला होता. सर्टिफिकेशन्स साइट च्या लिस्टिंग नंतर बोलले जात आहे की ओपो लवकरच आपला हा स्मार्टफोन अंर्तराष्ट्रीय बाजारात सादर करेल. या लिस्टिंग च्या एका आठवड्यानंतर आज ओपो इंडिया ने एफ9 प्रो बद्दल ट्वीट केले आहे. कंपनी ने घोषणा केली आहे की कंपनी लवकरच एफ9 प्रो भारतीय बाजारात आणणार आहे.
ओपो इंडिया ने एफ9 प्रो च्या भारतातील लॉन्च ची माहिती कंपनी च्या आॅफिशियल ट्वीटर अकाउंट वरून दिली आहे. ओपो इंडिया ने ट्वीटर वर एक टीजर शेयर केला आहे ज्यात ‘ओपो एफ9 प्रो कमिंग सून’ लिहिण्यात आले आहे. 7 सेकेंड्स च्या या टीजर मध्ये एक स्मार्टफोन पाण्यात दाखविण्यात आला आहे. टीजर मधील स्मार्टफोन मध्ये फुलव्यू डिसप्ले सोबत ‘V’ शेप ची छोटीशी नॉच दिसत आहे.
ओपो ने ट्वीटर सोबतच सोशल नेटवर्किंग साइट फेसबुक वर पण कवर फोटो अपलोड केला आहे. या फोटो मध्ये फोन चा फ्रंट तसेच बॅक पॅनल स्पष्ट दाखवण्यात आला आहे. फोन च्या फ्रंट पॅनल बद्दल बोलायचे तर हा पूर्णपणे बेजल लेस आहे तसेच वरच्या बाजूल वी शेप वाली नॉच देण्यात आली आहे ज्यात सेल्फी कॅमेरा आहे. फ्रंट पॅनल वर खालच्या बाजूला बारीक बेजल देण्यात आले आहेत.
ओपो एफ9 प्रो च्या बॅक पॅनल वर फ्लॅश लाईट सोबत हॉरिजेंटल शेप मधे डुअल रियर कॅमेरा सेटअप देण्यात आला आहे. बॅक पॅनल वर रियर फिंगरप्रिंट सेंसर असू शकतो पण या फोटो मध्ये तो दिसला नाही. फोन च्या डाव्या पॅनल वर पावर बटन देण्यात आला आहे तसेच डाव्या पॅनल वर वॉल्यूम रॉकर आहेत. फोन च्या खालच्या पॅनल वर 3.5एमएम जॅक आहे तसेच चार्जिंग व डाटा ट्रांसफर साठी यूएसबी टाईप सी पोर्ट दाखविण्यात आला आहे.
ओपो इंडिया ने हे कन्फर्म केले आहे की कंपनी एफ9 प्रो ला वीओओसी फ्लॅश चार्ज फीचर सह लॉन्च करेल ज्यामुळे फक्त 5 मिनिटांच्या चार्ज मध्ये हा फोन 2 तासांचा टॉकटाईम देऊ शकेल. समोर आलेल्या फोटो मध्ये ओपो एफ9 प्रो रेड कलर मध्ये दाखवण्यात आला आहे. त्याचबरोबर ओपो एफ9 प्रो आर्टिफिशियल इंटेलिजेंस टेक्नोलॉजी वाला सेल्फी कॅमेरा मिळू शकतो.
ओपो ने अजूनपर्यंत एफ9 प्रो च्या इंडिया लॉन्च च्या तारखेचा खुलासा केला नाही आणि फोन च्या कोणत्याही स्पेसिफिकेशन्स चा पण उल्लेख केला नाही. पण भारतातील फॅन फॉलोइंग पाहता कंपनी लवकरच आपला हा नवीन स्मार्टफोन भारतीय बाजारात आणू शकते.