Xiaomi ने गेल्यावर्षी म्हणजे 2018 मध्ये आपला सबब्रँड Pocophone अंतर्गत Poco F1 स्मार्टफोन लॉन्च केला होता. हा स्मार्टफोन तेव्हाच्या हाईएंड फ्लॅगशिप स्मार्टफोन्स पैकी एक होता जो मोबाईल यूजर्सना आवडला होता. क्वॉलकॉम स्नॅपड्रॅगॉन 845 चिपसेट वर लॉन्च झालेल्या Poco F1 नंतर स्मार्टफोन यूजर या डिवाईसच्या अपग्रेडेड वर्जनची वाट बघत आहेत आहेत आणि अधूनमधून Poco F2 संबंधित लीक्स पण समोर येत आहेत. पण आता स्वतः Pocophone Global head ने एक असा ट्वीट केला आहे ज्यामुळे आशा अजून वाढली आहे कि Poco F2 लवकरच टेक मंचावर येऊ शकतो.
पोकोफोन ग्लोबल हेड Alvin Tse च्या एका ट्वीटने Poco F2 च्या लॉन्चचा उल्लेख पुन्हा समोर आला आहे. एलविन यांनी एका व्यक्तीच्या ट्वीटर वर रिप्लाई करत Poco F2 बद्दल पोस्ट केली आहे. ट्वीटर यूजरने पोको ब्रँडला Poco F1 च्या सक्सेसर बद्दल विचारले होते, त्याचे उत्तर देताना एलविन यांनी लिहिले कि, “You will hear more from POCO in 2020.” म्हणजे तुम्ही साल 2020 मध्ये POCO बद्दल खूप काही ऐकाल. हे ट्वीट समोर आल्यानंतर निश्चित झाले आहे कि कंपनी Poco F2 किंवा इतर कोणत्यातरी नावाने एखादा पोको फोन लॉन्च करेल.
एलविन यांच्या ट्वीट नंतर जेव्हा चर्चा सुरु झाली तेव्हा त्यांनी आपले ट्वीट डिलीट केले. पण या ट्वीट नंतर टेक विश्वात चर्चाना उधाण आले आहे कि कंपनी साल 2020 मध्ये नक्कीच आपली Poco F सीरीज वाढवेल आणि या सीरीजचा आगामी स्मार्टफोन Poco F2 नावासह लॉन्च केला जाऊ शकतो. विशेष म्हणजे काही दिवसांपूर्वी एक शाओमी फोन Xiaomi M1912G7BE / M1912G7BC मॉडल नंबर सह 3C सर्टिफिकेशन साइट वर लिस्ट झाला होता, हा फोन Poco F2 असल्याचे बोलले जात आहे. लिस्टिंग मध्ये हा फोन 27W रॅपिड चार्ज टेक्नॉलॉजी सह दाखवण्यात आला होता.
Poco F1
Poco F1 19:9 आस्पेक्ट रेशियो वाल्या बेजल लेस नॉच डिस्प्ले सह सादर करण्यात आला आहे. फोन मध्ये 416पीपीआई सपोर्ट व 1080 x 2246 पिक्सल रेज्ल्यूशन वाला 5.99-इंचाचा फुलएचडी+ डिस्प्ले देण्यात आला आहे. हा फोन एंडरॉयड 8.1 ओरियो आधारित मीयूआई 9.6 वर बनलेला आहे तसेच 10एनएम 2.8गीगाहर्ट्ज आॅक्टा-कोर प्रोसेसर सह क्वालकॉम स्नॅपड्रॅगॉन 845 चिपसेट वर चालेल. कपंनी ने Poco F1 लिक्विड कूलिंग टेक्नॉलॉजी सह बाजारात आणला आहे जो हाई ग्राफिक्स गेम व हेवी प्रोसेसिंगच्या वेळी फोन गरम होऊ देत नाही. तसेच ग्राफिक्स साठी फोन मध्ये एड्रेनो 630 जीपीयू मिळेल.
फोटोग्राफी सेग्मेंट पाहता फोन मध्ये डुअल रियर कॅमेरा सेटअप देण्यात आला आहे. बॅक पॅनेल वर डुअल एलईडी फ्लॅश सोबत 12-मेगापिक्सलचा प्राइमरी आणि 5-मेगापिक्सलचा सेकेंडरी कॅमेरा आहे. तर सेल्फी साठी या फोन मध्ये एलईडी फ्लॅश सोबत 20-मेगापिक्सल चा फ्रंट कॅमेरा देण्यात आला आहे. Poco F1 मध्ये डुअल सिम सपोर्ट देण्यात आला आहे जो 4जी वोएलटीई ला सपोर्ट करतो . फोनच्या बॅक पॅनल वर फिंगरप्रिंट सेंसर देण्यात आला आहे तसेच हा फोन फेस अनलॉक फीचरला पण सपोर्ट करतो. पावर बॅकअप साठी फोन मध्ये यूएसबी टाइप-सी पोर्ट सोबत क्विक चार्ज 3.0 टेक्नॉलॉजी वाली 4,000एमएएच ची बॅटरी देण्यात आली आहे.
Poco F1 कंपनीने 6 जीबी रॅम + 128 जीबी मेमरी तसेच 8 जीबी रॅम + 256 जीबी मेमरीच्या दोन वेरिएंट मध्ये लॉन्च केला गेला होता. फोनचा 6 जीबी रॅम + 128 जीबी स्टोरेज वेरिएंट 23,999 रुपयांमध्ये लॉन्च केला गेला होता जो आता 18,999 रुपयांमध्ये मिळत आहे. त्याचप्रमाणे Poco F1 चा 8 जीबी रॅम + 256 जीबी मेमरी वेरिएंट 27,999 रुपयांमध्ये लॉन्च झाला होता जो आता 22,999 रुपयांमध्ये सेल साठी उपलब्ध आहे. तसेच Poco F1 चा सर्वात छोटा 6 जीबी रॅम + 64 जीबी मेमरी वेरिएंट 17,999 रुपयांमध्ये विकत घेता येईल.