Realme 7 आणि Realme 7 Pro आज कंपनीने अधिकृतपणे लॉन्च केली आहे. दोन्ही स्मार्टफोन मध्ये होल-पंच डिस्प्ले असलेली डिजाइन देण्यात आली आहे. कंपनीची रियलमी 7 सीरीज जुन्या रियलमी 6 सीरीजचा अपग्रेड वर्जन आहे. Realme 7 सीरीजच्या लॉन्चच्या आधी कंपनीने फोन्सच्या काही फीचर्स आणि स्पेसिफिकेशन्सची माहिती दिली होती आणि आज कंपनीने फोनची किंमत आणि फुल स्पेसिफिकेशन्स सांगितले आहेते.
Realme 7 सीरीजची डिजाइन
Realme 7 आणि Realme 7 Pro ची डिजाइन दिसायला एकसारखी आहे. दोन्ही फोन्स मध्ये होल-पंच डिस्प्ले देण्यात आला आहे. फ्रंटला होल-पंच उजवीकडे वरच्या बाजूला आहे. फोन्सच्या तिन्ही बाजूनं खूप कमी बेजल्स आहेत. तर बॉटमला बारीक चिन पार्ट दिसत आहे. या नवीन सीरीजच्या उजवीकडे पावर ऑन-ऑफ बटन व उजवीकडे वॉल्यूम रॉकर बटन व सिम ट्रे चा ऑप्शन आहे. डिवाइसच्या बॉटमला स्पीकर ग्रिल, माइक आणि टाइप-सी पोर्ट आहे. तसेच फोनच्या मागे क्वाड कॅमेरा सेटअप देण्यात आला आहे जो वर्टिकल शेप आहे. दोन्ही फोन्स मध्ये फिंगरप्रिंट सेंसरवेगवेगळा आहे म्हणजे Realme 7 मध्ये साइड बाजूला पावर बटन मध्ये तर रियलमी 7 प्रो मध्ये इन-डिस्प्ले फिंगरप्रिंट सेंसर आहे.
फास्ट चार्जिंग असलेली पावरफुल बॅटरी
कंपनीने या सीरीज सोबत 65वॉट फास्ट चार्जिंग टेक्नॉलॉजी दिली आहे. विशेष म्हणजे या आधी हि फास्ट चार्जिंग टेक्नॉलॉजी Realme X50 Pro 5G मध्ये होती. पण हि टेक्नॉलॉजी सीरीजच्या मोठ्या वेरिएंट Realme 7 Pro सह सादर केली गेली आहे. कंपनीचा दावा आहे कि या टेक्नॉलॉजीने फोन फक्त 3 मिनिटांत 33 टक्के पर्यंत चार्ज केला जाऊ शकतो. तसेच 100 टक्के चार्जसाठी फक्त 34 मिनिट्स लागतील. Realme 7 Pro मध्ये कंपनीने 4500mAh ची बॅटरी दिली आहे. या फोनच्या बॉक्स मध्ये 10V/6.5A चार्जर आणि केबल मिळेल. Realme 7 बद्दल बोलायचे तर हा 30W डार्ट चार्ज सह 5000mAh बॅटरीच्या बॅटरीला सपोर्ट करतो. कंपनीनुसार रियलमी 7 मधील चार्जिंग टेक्नॉलॉजीच्या मदतीने फक्त 65 मिनिटांत 100 टक्के पर्यंत चार्जिंग करता येईल. तसेच Realme 7 फोन 15W PD चार्जला सपोर्ट करतो.
शानदार कॅमेरा
Realme 7 आणि Realme 7 Pro मध्ये क्वाड कॅमेरा आणि फ्रंटला सिंगल पंच-होल सेंसर देण्यात आला आहे. दोन्ही फोन मध्ये मागे Sony IMX682 चा अपर्चर f/1.8 सह 64 मेगापिक्सलचा अल्ट्रा हाई-रिजोल्यूशन असलेला वाइड अँगल कॅमेरा देण्यात आला आहे. तसेच फोन्स मध्ये अपर्चर f/2.3 सह 8 मेगापिक्सलची अल्ट्रा वाइड-अँगल लेंस, अपर्चर f/2.4 सह 2 मेगापिक्सल B&W पोर्टेट कॅमेरा आणि अपर्चर f/2.4 सह 2 मेगापिक्सलची मॅक्रो लेंस आहे. फोनचा रियर 64MP कॅमेऱ्याच्या मोड बद्दल सांगायचे झाले तर यात सुपर नाइटस्केप, स्टारी मोड, पॅनोरमिक व्यू, एक्सपर्ट मोड, टाइमलॅप्स, पोर्ट्रेट मोड, एचडीआर, अल्ट्रा मोड, अल्ट्रा मॅक्रो मोड, एआई ब्यूटी, फिल्टर, क्रोमा बूस्ट, स्लो मोशन, बोकेह इफेक्ट आहेत. वीडियो कॉलिंग आणि सेल्फीसाठी Realme 7 Pro मध्ये अपर्चर f/2.5 सह 32 मेगापिक्सलचा कॅमेरा आणि Realme 7 मध्ये अपर्चर F2.0 सह 16 मेगापिक्सलचा कॅमेरा देण्यात आला आहे.
सुंदर डिस्प्ले
डिस्प्लेच्या बाबतीत दोन्ही फोन्स मध्ये फरक आहे. पण या दोन्ही फोन्सचा डिस्प्ले 90 हर्ट्ज रिफ्रेश रेट आणि 120 हर्ट्ज टच सॅम्पलिंग रेट सह येतात. 90Hz अल्ट्रा स्मूथ डिस्प्ले जुन्या 60Hz पेक्षा 50 टक्के जास्त हाई रिफ्रेश रेट सह येतात. Realme 7 मध्ये 6.5-इंचाचा डिस्प्ले देण्यात आला आहे जो 20:9 रेश्यो, 2400x1080P FHD+ रेज्योल्यूशन आणि 90.5% स्क्रीन-टू-बॉडी रेश्यो सह येतो. दुसरीकडे Realme 7 Pro पाहता यात 6.4-इंचाची सुपर AMOLED फुलस्क्रीन 180Hz सॅम्पलिंग रेट सह देण्यात आली आहे. डिस्प्ले 20:9 रेश्यो, 2400x1080P FHD+ रिजोल्यूशन आणि 90.8% स्क्रीन-टू-बॉडी रेश्यो सह येतो.
हार्डवेयर
डिस्प्ले प्रमाणे हार्डवेयरच्या बाबतीत पण Realme 7 आणि Realme 7 Pro मध्ये फरक आहे. रियलमी 7 मध्ये जगातील पहिला मीडियाटेक हीलियो G95 गेमिंग प्रोसेसर देण्यात आला आहे.हा प्रोसेसर 12nm प्रोसेसचा वापर करून बनवण्यात आला आहे. ग्राफिक्ससाठी यात 900MHz Mali-G76GPU देण्यात आला आहे.
रियलमी 7 प्रो मध्ये स्नॅपड्रॅगॉन 720G एसओसी देण्यात आला आहे. हा प्रोसेसर 8nm प्रोसेस वर बनवण्यात आला आहे. या प्रोसेसर सह डिवाइस मध्ये ग्राफिक्ससाठी Adreno 618 GPU आहे.
रॅम व स्टोरेज
रियलमी 7 मध्ये 6GB रॅम + 64GB स्टोरेज आणि 8GB रॅम + 128GB स्टोरेज वेरिएंट आहे. तर रियलमी 7 प्रो मध्ये 6GB रॅम +128GB स्टोरेज वेरिएंट आणि 8GB रॅम + 128GB स्टोरेज वेरिएंट आहे. रॅम व स्टोरेज व्यतिरिक्त दोन्ही फोन्स एंडरॉयड 10 ऑपरेटिंग सिस्टम आणि बेसिक कनेक्टिविटी फीचर्स सह येतात.
किंमत आणि सेल
रियलमी 7 च्या 6GB रॅम + 64GB स्टोरेज वेरिएंटची किंमत 14,999 रुपये आणि 8GB रॅम + 128GB स्टोरेज वेरिएंटची किंमत 16,999 रुपये आहे. हा फोन 10 सप्टेंबर पासून दुपारी 12 वाजता फ्लिपकार्ट आणि रियलमी.कॉम वर विक्रीसाठी येईल. तसेच रियलमी 7 प्रो च्या 6GB रॅम +128GB स्टोरेज वेरिएंटची किंमत 19,999 रुपये आणि 8GB रॅम + 128GB स्टोरेज वेरिएटची किंमत 21,999 रुपये आहे. हा डिवाइस 21 सप्टेंबर पासून दुपारी 12 वाजता फ्लिपकार्ट आणि रियलमी.कॉम वर विक्रीसाठी येईल. दोन्ही फोन्स लवकरच ऑफलाइन स्टोर्स वर पण विक्री साठी येतील.