रियलमीनं काही दिवसांपूर्वी भारतात आपला स्वस्त 5G स्मार्टफोन सादर केला होता. कंपनीचा Realme 9i स्मार्टफोन मीडियाटेकच्या डिमेन्सिटी 810 चिपसेटसह भारतीयांच्या भेटीला आला आहे. उद्या म्हणजे 6 सप्टेंबरला आणखी एक बजेट फ्रेंडली स्मार्टफोन Realme भारतीयांच्या भेटीला घेऊन येणार आहे. कंपनीचा नवीन मोबाइल फोन ‘सी’ सीरीजमध्ये सादर केला जाईल, या सीरिजमध्ये कंपनीचे स्वस्त स्मार्टफोन सादर केले जातात. नवीन रियलमी स्मार्टफोन Realme C33 उद्या भारतात लाँच होईल. रियलमी सी33 कंपनी नव्या जमान्याची इंटरटेनमेंट (Naye Zamane ka Entertainment) टॅगलाईन सह प्रोमोट करत आहे. फोनमध्ये 50MP Camera आणि 5,000mAh Battery सारखे स्पेसिफिकेशन्स देण्यात येतील. आगामी Realme C33 स्मार्टफोनची किंमत 10,000 रुपयांच्या आसपास असेल.
Realme C33 चं प्रोडक्ट पेज कंपनीच्या ऑफिशियल वेबसाइटवर लाइव्ह करण्यात आलं आहे. या पेजवर फोनचे फोटोज देखील शेयर करण्यात आले आहेत तसेच Realme C33 च्या Specifications ची माहिती देखील कंपनीनं या लिस्टिंगच्या माध्यमातून दिली आहे. रियलमी सी33 एक लो बजेट मोबाइल फोन असेल ज्याची अधिकृत किंमत मात्र 6 सप्टेंबरला दुपारी 2 वाजता सांगण्यात येईल. या आगामी रियलमी स्मार्टफोनची विक्री मात्र ई-कॉमर्स प्लॅटफॉर्म Flipkart च्या माध्यमातून केली जाईल. हे देखील वाचा: 3000 रुपयांच्या डिस्काउंटसह Realme 9 Pro+ 5G उपलब्ध; जुना फोन दिल्यास मिळेल 17 हजारांची सूट
Realme C33 Price in India
रियलमी सी33 स्मार्टफोन लो बजेट मोबाइल फोन असेल. कंपनी या फोनच्या किंमतीची माहिती उद्या म्हणजे 6 सप्टेंबरला देईल, परंतु समोर आलेले लीक्स पाहता हा स्मार्टफोन तीन व्हेरिएंट्समध्ये भारतात लाँच होईल. रियलमी सी33 व्हेरिएंट्समध्ये 3GB+32GB, 4GB+64GB आणि 4GB+128GB चा समावेश असू शकतो. लीकनुसार Realme C33 ची किंमत 9,499 रुपयांपासून सुरु होईल तसेच 10,499 रुपयांपर्यंत हा फोन विकला जाऊ शकतो. परंतु जो पर्यंत अधिकृत किंमतीची आपल्याला उद्याची लाँचची वाट पाहावी लागेल.
Realme C33 Specifications
कंपनीद्वारे देण्यात आलेल्या माहितीनुसार हा मोबाइल फोन वॉटरड्रॉप नॉच डिस्प्लेसह लाँच केला जाईल. फोनच्या बॅक पॅनलवर फोटोग्राफीसाठी ड्युअल रियर कॅमेरा दिला जाईल ज्यात 50 मेगापिक्सलचा प्रायमरी सेन्सर तथा 2 मेगापिक्सलची सेकंडरी लेन्स असेल. तसेच पावर बॅकअपसाठी रियलमी सी33 मध्ये 5,000एमएएचची बॅटरी दिली जाईल. ही बॅटरी 10वॉट फास्ट चार्जिंग सपोर्टसह बाजारात येऊ शकते. या फोनची जाडी 8.3एमएम आणि वजन 187ग्राम असल्याचं सांगण्यात आलं आहे. हे देखील वाचा: सर्वात स्वस्त 5G फोन! 6GB RAM आणि 5000mAh बॅटरीसह Realme 9i 5G ची भारतात एंट्री; इतकी आहे किंमत
नुकत्याच आलेल्या लिक्सनुसार Realme C33 मध्ये 6.5 इंचाचा HD+ डिस्प्ले मिळू शकतो. फोनमध्ये Unisoc T612 चिपसेट देण्यात येईल. हा फोन 3GB+32GB स्टोरेज आणि 4GB+64GB स्टोरेज मॉडेलमध्ये लाँच होईल, यातील इंटरनल स्टोरेज 1TB पर्यंत वाढवता येईल. सुरक्षेसाठी या फोनमध्ये साईड माउंटेड फिंगरप्रिंट सेन्सर देण्यात येईल. Realme C33 मध्ये 5MP चा कॅमेरा सेल्फी सेन्सर म्हणून देण्यात येईल.