Realme ची नंबर सीरीज भारतासह जगभरात लोकप्रिय आहे. कंपनीने ‘Realme 1’ ने सुरुवात केली होती आणि अलीकडेच Realme 13 Pro आणि 13 Pro+ मॉडेल सादर केले आहे. तर या आठवड्यात कंपनीने Realme 13 मालिका देखील टिझ केली आहे आणि लीकनुसार, कंपनी Realme 13 5G आणि Realme 13 Plus लाँच करू शकते. सध्या कंपनीच्या या नवीन सीरीज विषयी चर्चा सुरू असतानाच 91मोबाईल्स ला Realme च्या ‘आगामी नंबर सीरीज’ बद्दल मोठी बातमी मिळाली आहे.
Realme 14 नाही होणार लाँच, Realme 15 लाँच करण्याची तयारी
91Mobiles ला बातमी मिळाली आहे की Realme 13 मालिकेनंतर कंपनी थेट Realme 15 लाँच करेल. Realme 14 मॉडेल लाँच होणार नाही. गेल्या अनेक वर्षांपासून कंपनीच्या नियोजन आणि रणनीतीमध्ये बारकाईने सहभागी असलेल्या रियलमीच्या एका कार्यकारी अधिकाऱ्यांकडून आम्हाला ही माहिती मिळाली आहे. त्यांनी सांगितले की चीनमध्ये ’14’ या क्रमांकाला शुभ मानले जात नाही, त्यामुळे कंपनी Realme 14 आणणार नाही आणि 13 नंतर थेट Realme 15 लाँच करेल.
कॅमेरा मॉड्यूल देखील असेल भिन्न
मागील काही मॉडेल्समध्ये, आम्ही पाहिले होते की Realme ने त्याच्या फोनच्या रिअर पॅनलमध्ये सर्कुलर कॅमेरा वापरला होता. कंपनीने याची सुरुवात Realme 11 Pro सह केली होती. यानंतर, Realme 12 Pro आणि Pro Plus मॉडेल्स आणि Realme 13 Pro आणि Pro Plus मॉडेल्समध्ये सर्कुलर कॅमेरा देखील देण्यात आला आहे. पण आम्हाला मिळालेल्या माहितीनुसार फोनचा कॅमेरा मॉड्यूल Realme 15 Pro सीरीजपेक्षा पूर्णपणे वेगळा असेल. त्यामुळे, Realme 15 सीरीज आत्तापर्यंत आलेल्या फोनपेक्षा खूपच वेगळी असेल.
OnePlus आणि OPPO ने देखील केलेले आहे असे
आम्ही वर नमूद केल्याप्रमाणे, ’14’ हा अंक चीनमध्ये अशुभ मानला जातो! OnePlus आणि Oppo सारख्या ब्रँड्समध्ये देखील आम्ही त्याचा प्रभाव पाहिला आहे. उल्लेखनीय आहे की OnePlus 3 सीरीजनंतर या कंपनीने थेट OnePlus 5 सीरीज लाँच केली होती. त्याचप्रमाणे OPPO F23 मालिकेनंतर कंपनीने OPPO F25 सीरीज आणली होती. आता तेच Realme मध्ये ही ते दिसेल, कंपनी Realme 13 सीरीजनंतर Realme 15 लाँच करेल.
रियलमी 13 प्रो सीरीजची किंमत
Realme 13 Pro 5G ची किंमत
- 8GB रॅम + 128GB स्टोरेज = ₹26,999
- 8GB रॅम + 256GB स्टोरेज = ₹28,999
- 12GB रॅम + 512GB स्टोरेज = ₹31,999
Realme 13 Pro 5G च्या 8 जीबी रॅम असलेल्या बेस व्हेरिएंटची किंमत 26,999 रुपये आहे ज्यामध्ये 128 जीबी स्टोरेज उपलब्ध आहे. त्याचप्रमाणे, 8 जीबी + 256 जीबी मॉडेलची किंमत 28,999 रुपये आहे आणि सर्वात मोठ्या 12 जीबी रॅम व्हेरिएंटची किंमत 31,999 रुपये आहे. हा Realme मोबाईल मोनेट गोल्ड, मोनेट पर्पल आणि एमराल्ड ग्रीन रंगांमध्ये विक्रीसाठी उपलब्ध आहे.
Realme 13 Pro+ 5G ची किंमत
- 8GB रॅम + 256GB स्टोरेज = ₹32,999
- 12GB रॅम + 256GB स्टोरेज = ₹34,999
- 12GB रॅम + 512GB स्टोरेज = ₹36,999
Realme 13 Pro+ 5G फोनची किंमत 32,999 रुपयांपासून सुरू होते आणि 12 जीबी रॅम असलेल्या त्याच्या 256 जीबी व्हेरिएंटची किंमत 34,999 रुपये आणि 512 जीबी व्हेरिएंटची किंमत 36999 रुपये आहे. हा Realme स्मार्टफोन मोनेट गोल्ड आणि एमराल्ड ग्रीन रंगांमध्ये खरेदी केला जाऊ शकतो.
Realme 13 Pro सीरीजचे स्पेसिफिकेशन
डिस्प्ले
Realme 13 Pro आणि Pro Plus मध्ये OLED पॅनल वापरण्यात आला आहे. दोन्ही स्मार्टफोन 2412 x 1080 पिक्सेल रिझोल्यूशन असलेल्या 6.7 इंचाच्या फुलएचडी+ डिस्प्लेला सपोर्ट करतात. ज्यावर 120Hz रिफ्रेश रेट, 240Hz टच सॅम्पलिंग रेट, 2160Hz पीडब्लूएम डिमिंग आणि 2000 निटस् पीक ब्राईटनेस मिळतो. कॉर्निंग गोरिल्ला ग्लास 7i च्या संरक्षणासोबतच यात इन-डिस्प्ले फिंगरप्रिंट सेन्सर देखील मिळत आहे.
प्रोसेसर
Realme 13 Pro आणि 13 Pro+ मध्ये 4 नॅनोमीटर फॅब्रिकेशनवर तयार केलेला क्वालकॉम स्नॅपड्रॅगन 7एस जेन 2 ऑक्टा-कोर प्रोसेसर दिला गेला आहे जो 2.4GHz पर्यंतची क्लॉक स्पीड प्रदान करतो. ग्राफिक्ससाठी यात ॲड्रेनो 710 जीपीयू आहे. दोन्ही Realme मोबाईल फोन अँड्रॉईड 14 आधारित रिअलमी यूआय 5.0 वर काम करतात.
बॅक कॅमेरा
Realme 13 Pro 5G फोन ड्युअल रियर कॅमेऱ्याला सपोर्ट करतो ज्यामध्ये 50 मेगापिक्सेलचा Sony LYT-600 OIS मुख्य कॅमेरा सोबत 8 मेगापिक्सेलची अल्ट्रा-वाईड अँगल लेन्स उपलब्ध आहे. तर Realme 13 Pro Plus च्या ट्रिपल रियर कॅमेरा सेटअपमध्ये 50 मेगापिक्सेलचा Sony LYT-701 OIS सेन्सर + 50 मेगापिक्सेलची Sony LYT-600 Periscope लेन्स + 8 मेगापिक्सेलची अल्ट्रा-वाईड अँगल लेन्स मिळत आहे.
सेल्फी कॅमेरा
Realme 13 Pro 5G आणि Realme 13 Pro+ 5G या दोन्ही स्मार्टफोन्सचा फ्रंट कॅमेरा सारखाच आहे. दोन्हीमध्ये तुम्हाला 32 मेगापिक्सेलचा सोनी सेल्फी कॅमेरा मिळेल. ही 5P लेन्स आहे जी एफ/2.45 अपर्चरवर काम करते आणि 90° फील्ड-ऑफ-व्ह्यूला सपोर्ट करत आहे.
बॅटरी
पॉवर बॅकअपसाठी Realme 13 Pro आणि 13 Pro Plus 5G स्मार्टफोन 5,200mAh च्या बॅटरीला सपोर्ट करतात. कंपनीने आपल्या दोन्ही मोबाईल फोन मध्ये या बॅटरीला 4 वर्षांच्या बॅटरीची हेल्थ गॅरंटीसह सादर करण्यात आली आहे. Realme 13 Pro 5G मध्ये 45 वॉट फास्ट चार्जिंग तंत्रज्ञान आणि 13 Pro+ 5G मध्ये 80 वॉट फास्ट चार्जिंग तंत्रज्ञान दिले गेले आहे.