चीनी स्मार्टफोन कंपनी शाओमीने आपली रेडमी नोट सीरीज वाढवत नवीन स्मार्टफोन Redmi Note 9 Pro आणि Note 9 Pro Max भारतात लॉन्च केला आहे. या डिवाइस बद्दल कंपनी अनेक दिवसांपासून टीज करत होती, जो आज अधिकृतपणे सादर करण्यात आला आहे. दोन्ही फोन्सची डिजाइन एकसारखी आहे. पण या रॅम स्टोरेज आणि कॅमेऱ्याचा फरक आहे. चला पुढे जाणून घेऊया फोनची किंमत आणि स्पेसिफिकेशन्स सोबतच डिजाइन बद्दल सर्वकाही.
शानदार डिजाइन
Redmi Note 9 Pro कंपनीने Aura बॅलेंस डिजाइन सह सादर केला आहे. फोनच्या फ्रंट आणि बॅकला गोरिल्ला ग्लास 5 चे प्रोटेक्शन देण्यात आले आहे. तसेच डिवाइस स्प्लॅश फ्रूफ P2i सह येतो, ज्याचा अर्थ असा कि पाण्याच्या शिंतोड्यांनी फोन खराब होणार नाही. फोनच्या फ्रंट पॅनल विषयी बोलायचे तर हा पंच होल सह सादर केला गेला आहे जो फोनच्या मधोमध आहे. तसेच बॉटम सोडून फोनचा डिस्प्ले खूप कमी बेजल्स सह येतो. डिवाइसच्या बॉटमला थोडा जाड बेजल, टाइप-सी चार्जिंग पोर्ट आणि स्पीकर ग्रिल्स आहे.
तसेच उजवीकडे साइड-माउंटेड फिंगरप्रिंट स्कॅनर देण्यात आला आहे जो पावर बटणचे काम करेल. त्याच्यावर वॉल्यूम रॉकर बटण आहे. डावीकडे सिम-कार्ड स्लॉट देण्यात आला आहे. आता बोलूया फोनच्या बॅक पॅनल बाबत. डिवाइस मध्ये तुम्हाला चौकोनी क्वाड रियर कॅमेरा सेटअप मिळेल, ज्याच्या खाली एलईडी फ्लॅश लाइट आहे. तसेच मागे रेडमीची ब्रॅण्डिंग दिसत आहे.
दमदार कॅमेरा
फोनच्या कॅमेऱ्याबद्दल बोलायचे झाले तर कंपनीने रेडमी नोट 9 प्रो मध्ये आतापर्यंत आपल्या कोणत्याही फोन मध्ये क्वाड कॅमेरा सेटअप अशाप्रकारे नव्हता दिला. असा कॅमेरा सेटअप सर्वात आधी Huawei Mate 20 Pro मध्ये दिसला होता. फोनच्या कॅमेऱ्याबाबत बोलायचे तर यात मागे 48 मेगापिक्सलचा सॅमसंग ISOCELL GM2 प्राइमरी सेंसर f/1.79 अपर्चर सह देण्यात आला आहे जो सुपर स्टेबलाइजेशन, पीडीएएफ, स्लो-मोशन आणि 4K वीडियो रेकॉर्डिंग 30fps वर रेकॉर्ड करतो. तसेच सेटअप मध्ये 8 मेगापिक्सलचा अल्ट्रा-वाइड सेंसर 120-डिग्री फिल्ड-ऑफ-व्यू, 5 मेगापिक्सल मॅक्रो लेंस आणि 2MP डेप्थ सेंसर आहे. डिवाइस मध्ये सेल्फी आणि वीडियो कॉलिंगसाठी 16 मेगापिक्सलचा एआई सेंसर देण्यात आला आहे.
पावरफुल बॅटरी
शानदार डिजाइन आणि दमदार कॅमेऱ्यासह फोन मध्ये पावरफुल बॅटरी देण्यात आली आहे. Redmi Note 9 Pro मध्ये पावर बॅकअपसाठी 5,020 एमएएच ची =बॅटरी देण्यात आली आहे. फोन मधील बॅटरी 18 वॉट फास्ट चार्जिंगला सपोर्ट करते. तसेच फोन सह बॉक्स मध्ये 18 वॉटचा फास्ट चार्जर आहे.
नाविक सपोर्ट
अलीकडेच कंपनीने सांगितले होते कि रेडमी ब्रँड मधील नवीन फोन नाविक सपोर्ट सह सादर केला जाईल. हि भारताची नेविगेशन सिस्टम आहे. नाविक भारताची सॅटेलाइट नेविगेशन सिस्टम आहे. जशी अमेरिकेकडे जीपीएस आहे, रशियाकडे ग्लोनॉस आहे, यूरोप कडे गॅलीलियो आहे, चीन कडे बायडू (BeiDou) नेविगेशन सिस्टम आहे, तशीच भारताकडे नाविक (NavIC) आहे. नाविक नेविगेशनच्या माध्यमातून पाच मीटर पर्यंत अचूक माहिती मिळवता येईल.
स्पेसिफिकेशन्स
Redmi Note 9 Pro मध्ये 6.67-इंचाचा पंच-होल फुल स्क्रीन डिस्प्ले HD+ देण्यात आला आहे. या डिस्प्ले मध्ये (1080 x 2,400p) रिजोल्यूशन आणि 20:9 आस्पेक्ट रेश्यो मिळतो. त्याचबरोबर फोन मध्ये कंपनीने 2.3GHz क्वालकॉम स्नॅपड्रॅगॉन 720G ऑक्टा-चिपसेट दिला आहे. फोन मध्ये 4GB रॅम सह 64GB इंटरनल स्टोरेज आणि 6GB रॅम सह 128GB ची स्टोरेज देण्यात आली आहे. माइक्रोएसडी कार्डच्या मदतीने फोनची स्टोरेज 512GB पर्यंत वाढवता येते.
कनेक्टिविटी फीचर्स म्हणून Redmi Note 9 Pro मध्ये 4G एलटीई, डुअल सिम स्लॉट, वाई-फाई, ब्लूटूथ 5.0, जीपीएस/ GLONASS, वीवाईफाई, 3.5एमएम हेडफोन जॅक आणि यूएसबीटाइस-सी चार्जिंग पोर्ट सारखे ऑप्शन आहेत. त्याचबरोबर फोन एंडरॉयड 10 वर आधारित आधिरत आहे.
किंमत आणि सेल
शाओमीने रेडमी नोट 9 प्रो दोन रॅम व स्टोरेज वेरिएंट मध्ये लॉन्च केला आहे. हँडसेटच्या 4GB रॅम आणि 64GB स्टोरेज वेरिएंटची किंमत 12,999 रुपये आहे. तर 6GB रॅम आणि 128GB स्टोरेज वेरिएंटची किंमत 15,999 रुपये आहे. फोन कंपनीने Interstellar Black, Aurora Blue आणि Glacier White कलर ऑप्शन मध्ये सादर केला आहे. डिवाइसची विक्री 17 मार्चला अमेझॉन इंडिया आणि मी.कॉम सोबतच मी होम वर केली जाईल. तसेच कंपनी लवकरच फोन ऑफलाइन प्लॅटफॉर्म वर या डिवाइसची विक्री करेल.