तीन वर्षांपूर्वी 2017 मध्ये Reliance Jio ने देशातील मोबाईल बाजारात क्रांती करत आपला 4G फीचर फोन JioPhone लॉन्च केला होता. हा फोन युजर्सना बंडल ऑफर सह उपलब्ध केला होता जो आतापर्यंत ग्राहकांना फक्त 699 रुपयांमध्ये मिळत होता. जियोफोन भारतीय युजर्सना इतका आवडला कि फीचर फोन्सच्या विक्रीत Jio Phone भारतच नव्हे तर जगातील टॉप सोल्ड फोन मध्ये समाविष्ट झाला होता. फोनची मागणी देशात अजूनही मोठ्याप्रमाणावर आहे, पण जियोफोन मिळवणे आता लोकांसाठी महाग होणार आहे.
91मोबाईल्सला बातमी मिळाली आहे कि JioPhone कंपनी स्टॉक मध्ये घेऊन येत आहे पण यावेळी हा फोन ग्राहकांना महागात विकला जाईल. प्राप्त माहितीनुसार Reliance Jio जियोफोनची किंमत 300 रुपयांनी वाढवण्याची योजना बनवत आहे. म्हणजे आतापर्यंत 699 रुपयांमध्ये मिळणारा हा 4जी फीचर फोन आता 999 रुपयांमध्ये विकला जाईल. कंपनीने पुन्हा दुकानांवर जियोफोनचा स्टॉक देण्यास सुरवात केली आहे आणि लवकरच नवीन किंमतीसह फोनच्या विक्रीची अधिकृत घोषणा होणार आहे.
हैराणीची बाब म्हणजे आता विकला जाणारा JioPhone चा रिटेल बॉक्स पण आधी विकल्या जाणाऱ्या जियोफोनच्या बॉक्स पेक्षा वेगळा असेल. वरील फोटो मध्ये नवीन जियोफोनचा बॉक्स दिसत आहे ज्यावर फोनचे फीचर्स आणि स्पेसिफिकेशन्स पण लिहिण्यात आले आहेत. विशेष म्हणजे सुरवातीला जियोफोन स्प्रेडट्रम प्रोसेसर वर लॉन्च केला गेला होता तर नवीन JioPhone क्वॉलकॉमच्या चिपसेट वर काम करेल. जियो यावेळी नवीन जियोफोन प्लान पण अनाउंस करणार आहे ज्यात 125 रुपयांचा रिचार्ज पॅक पण असेल. या पॅक सह JioPhone ची किंमत युजर्सना 1,124 रुपये पडेल.
जियोफोनचे फीचर्स पाहता रिलायंस जियोच्या या फर्स्ट जेनरेशन 4G फीचर फोन मध्ये 240×320 पिक्सल रेज्ल्यूशन असलेला 2.4-इंचाचा क्यूडब्ल्यूवीजीए डिस्प्ले देण्यात आली आहे. आतापर्यंत फोन मध्ये 1.2 गीगाहर्ट्ज स्प्रेडट्रम SPRD 9820A/QC8905 डुअल कोर प्रोसेसर देण्यात आला होता तर आता जियोफोन मध्ये क्वॉलकॉम प्रोसेसर मिळेल. या डिवाइस मध्ये 512 एमबी रॅम आणि इनबिल्ट स्टोरेज 4 जीबी आहे. फोटोग्राफीसाठी मागे 2-मेगापिक्सलचा कॅमेरा आणि आणि फ्रंट पॅनल वर वीजीए कॅमेरा आहे. जियो फोनची बॅटरी 2000 एमएएचची आहे. कनेक्टिविटी फीचर मध्ये 4जी वीओएलटीई, ब्लूटूथ वी4.1, वाय-फाय, एनएफसी, एफएम रेडियो, जीपीएस आणि यूएसबी 2.0 चा सपोर्ट आहे.
रिलायंस जियोफोन व्हिडीओ
