Samsung गेले अनेक दिवस आपल्या इंडियन फॅन्सना वाट बघायला लावत आहे कि कंपनी भारतात ‘गॅलेक्सी ए सीरीज’ चा विस्तार करत दोन नवीन फोन घेऊन येत आहे. हि प्रतीक्षा कमी करत आज कंपनीने इंडियन मार्केट मध्ये Samsung Galaxy A51 स्मार्टफोन लॉन्च केला आहे. शानदार लुक आणि दमदार स्पेसिफिकेशन्स असलेला हा स्मार्टफोन आज भारतीय बाजारात आणला आहे जो येत्या 31 जानेवारी पासून ऑनलाईन शॉपिंग साइट्स सोबतच ऑफलाईन रिटेल स्टोर्स वर पण सेलसाठी उपलब्ध होईल.
किंमत व सेल
Samsung Galaxy A51 दोन वेरिएंट मध्ये भारतात आला आहे. फोनचा बेस वेरिएंट 6 जीबी रॅम सह 128 जीबी इंटरनल स्टोरेजला सपोर्ट करतो तर दुसऱ्या वेरिएंट मध्ये 8 जीबी रॅम सह 128 जीबी स्टोरेज आहे. किंमत पाहता फोनचा 6 जीबी + 128 जीबी वेरिएंट 23,999 रुपयांमध्ये लॉन्च झाला आहे तसेच Samsung Galaxy A51 च्या 8 जीबी रॅम + 128 जीबी स्टोरेज वेरिएंटची किंमत लवकरच समजेल. सॅमसंग गॅलेक्सी ए51 31 जानेवारी पासून विकत घेता येईल.
लुक व डिजाईन
Samsung Galaxy A51 कंपनीने पंच-होल डिस्प्ले वर सादर केला आहे जो प्रिजम डिजाईन वर बनला आहे. हा फोन बेजल लेस डिस्प्लेला सपोर्ट करतो ज्यात वरच्या बाजूला एक छोटासा होल आहे. या होल मध्ये फोनचा सेल्फी कॅमेरा आहे. गॅलेक्सी ए51 ची स्क्रीन तीन बाजुंनी पूर्णपणे बेजल लेस आहे तर खालच्या बाजूला बारीक बॉडी पार्ट देण्यात आला आहे. फोनचा बॅक पॅनल पाहता यात क्वॉड रियर कॅमेरा सेटअप देण्यात आला आहे. हा कॅमेरा सेटअप उजवीकडे चौकोनी आआकारात देण्यात आला आहे ज्यात कॅमेरा सेंसर्स L-शेप मध्ये आहे.
Galaxy A51 च्या बॅक पॅनल वर इतर कोणताही सेंसर देण्यात आलेला नाही तसेच खालच्या बाजूला Samsung ची ब्रँडिंग आहे. फोनच्या उजव्या पॅनल वर वाल्यूम रॉकर आणि पावर बटण देण्यात आला आहे तसेच डाव्या पॅनल वर सिम स्लॉट आहे. Samsung Galaxy A51 च्या लोवर पॅनल वर यूएसबी टाईप सी पोर्ट देण्यात आला आहे ज्याच्या उजवीकडे स्पीकर ग्रिल आहे आणि डावीकडे 3.5एमएम ऑडियो जॅक देण्यात आला आहे.
शानदार फोटोग्राफी
फोटोग्राफी सेग्मेंट सॅमसंग गॅलेक्सी ए51 च्या प्रमखु यूएसपी पैकी एक आहे. त्याबद्दल बोलायचे तर हा स्मार्टफोन क्वॉड रियर कॅमेऱ्याला सपोर्ट करतो. फोनच्या बॅक पॅनल वर एफ/2.0 अपर्चर असलेला 48 मेगापिक्सलचा प्राइमरी सेंसर आहे. त्याचबरोबर हा फोन एफ/2.0 अपर्चर असलेल्या 12 मेगापिक्सलच्या वाइड अँगल लेंस, एफ/2.4 अपर्चर असलेल्या 5 मेगापिक्सलच्या मॅक्रो लेंस आणि एफ/2.2 अपर्चर असलेल्या 5 मेगापिक्सलच्या डेफ्थ सेंसरला सपोर्ट करतो. तसेच सेल्फी आणि वीडियो कॉलिंगसाठी Samsung Galaxy A51 मध्ये 32 मेगापिक्सलचा पंच-होल फ्रंट कॅमेरा देण्यात आला आहे.
फीचर्स व स्पेसिफिकेशन्स
Samsung Galaxy A51 चे स्पेसिफिकेशन्स पाहता हा स्मार्टफोन 1080 x 2400 पिक्सल रेज्ल्यूशन असलेल्या 6.5 इंचाच्या फुलएचडी+ सुपर एमोलेड इनफिनिटी ओ डिस्प्लेला सपोर्ट करतो जो कोर्निंग गोरिल्ला ग्लास 5 ने प्रोटेक्टेड आहे. सॅमसंगने आपला हा फोन इन-डिस्प्ले फिंगरप्रिंट सेंसर सह सादर केला आहे ज्यात स्क्रीन वर टच करताच फोन अनलॉक होतो. सॅमसंग गॅलेक्सी ए51 एंडरॉयड 10 आधारित वन यूआई 2.0 वर लॉन्च झाला आहे जो आक्टा-कोर प्रोसेसर सह सॅमसंगच्या एक्सनॉस 9611 चिपसेट वर चालतो.
इंडियन मार्केट मध्ये Samsung Galaxy A51 6 जीबी रॅम आणि 8 जीबी रॅम सह लॉन्च झाला आहे तसेच दोन्ही वेरिएंट 128 जीबी इंटरनल स्टोरेजला सपोर्ट करतात. सॅमसंग गॅलेक्सी ए51 डुअल सिम फोन आहे जो 4जी वोएलटीई ला सपोर्ट करतो. सिक्योरिटीसाठी हा फोन इन-डिस्प्ले फिंगरप्रिंट सेंसर सह फेस अनलॉक फीचरला सपोर्ट करतो तसेच पावर बॅकअपसाठी Samsung Galaxy A51 मध्ये 4,000एमएएच ची मोठी बॅटरी देण्यात आली आहे जी 15वॉट फास्ट चार्जिंग सपोर्ट सह येते.