Samsung ने काही दिवसांपूर्वी घोषणा केली आहे कि कंपनी येत्या 11 फेब्रुवारीला सॅन फ्रॅन्सिस्को मध्ये एका मोठ्या ईवेंटचे आयोजन करणार आहे ज्यात कंपनी आपली नवीन टेक्नॉलॉजी आणि प्रोडक्ट्स जगासमोर सादर करेल. सॅमसंगने आपल्या या ईवेंटला ‘Galaxy UNPACKED‘ असे नाव दिले आहे. कंपनीने अजुनपर्यंत सांगितले नाही कि या दिवशी कोणते Samsung डिवाईस सादर केले जातील पण चर्चा अशी आहे कि कंपनी 11 फेब्रुवारीला आपल्या ‘गॅलेक्सी एस सीरीज’ चा विस्तार करेल त्याचबरोबर ब्रँडचा नेक्स्ट फोल्डेबल फोन पण टेक जगासमोर आणेल. आता लॉन्चच्या आधी समोर आले आहे कि Samsung च्या या नवीन फोल्डेबल फोनचे नाव असेल Galaxy Bloom.
मिळालेल्या माहितीनुसार सॅमसंगने आपल्या आगामी फोल्डेबल स्मार्टफोनचे नाव सांगितले आहे आणि कंपनीचा हा नवीन डिवाईस Samsung Galaxy Bloom नावाने टेक मार्केट मध्ये येईल. साउथ कोरियन पब्लिकेशनने आपल्या रिपोर्ट मध्ये सांगितले आहे कि कन्ज्यूमर इलेक्ट्रॉकि शो (CES) 2020 मध्ये काल सॅमसंगने एक मीटिंग घेतली होती, ज्यात Samsung Electronics CEO DJ Koh यांच्यसह अनेक वरिष्ठ अधिकारी उपस्थित होते. आणि या मीटिंग मध्ये सॅमसंगच्या आगामी फोल्डेबल फोनचा स्लाईड शो दाखवत कंपनीने खुलासा केला आहे कि हा स्मार्टफोन Galaxy Bloom नावाने लॉन्च केला जाईल.
Samsung Galaxy Bloom
कंपनी द्वारा आयोजित मीटिंग मधून गॅलेक्सी ब्लूमचा एक फोटो पण लीक झाला आहे ज्यात फोन दाखवण्यात आला आहे. मीडिया रिपोर्टनुसार Galaxy Bloom मध्ये 13.3 इंचाचा मोठा डिस्प्ले दिला जाईल जो आतल्या बाजूस फोल्ड होईल. फोटो मध्ये फोनच्या बॅक पॅनल वर कॅमेरा सेटअप पण दिसत आहे जो वरच्या बाजूला उजवीकडे हॉरिजॉन्टल शेप मध्ये आहे. या कॅमेरा सेटअप मध्ये दोन कॅमेरा सेंसर असतील अशी शक्यता आहे. फोटो बघून अंदाज लावला जात आहे कि Samsung Galaxy Bloom फोल्ड केल्यानंतर याच्या डिस्प्लेचा वरचा भाग थोडा बाहेर राहील आणि कदाचित यावर टाईम व अन्य नोटिफिकेशन्स दिसतील. Galaxy Bloom बद्दल अजूनही काही ठोस बोलणे कठीण आहे, यासाठी Samsung च्या घोषणेची वाट बघावी लागेल.
Galaxy UNPACKED 2020
सॅमसंग द्वारा 11 फेब्रुवारीला आयोजित केल्या जाणाऱ्या ईवेंट बद्दल बोलायचे तर कंपनी या दिवसही आपल्या एस सीरीजचा स्मार्टफोन Galaxy S11 किंवा Galaxy S20 नावाने लॉन्च करू शकते. Galaxy Bloom बद्दल बोलले जात आहे कि सॅमसंगच्या अपकमिंग फोल्डेबल फोन मध्ये स्नॅपड्रॅगॉन 865 प्रोसेसर असेल. तसेच डिवाइस मध्ये फ्रंट कॅमेरा 10-मेगापिक्सलचा असेल. याव्यतिरिक्त माहिती समोर आली आहे कि सॅमसंग गॅलेक्सी एस20 सीरीज मध्ये सादर केल्या जाणाऱ्या Galaxy S20 4G आणि Galaxy S20+ 4G स्मार्टफोनचे प्रोडक्शन भारतात सुरु झाले आहे. याचा अर्थ असा आहे कि भारतीय मार्केट मध्ये Galaxy S20 सीरीजचा 5G वर्जन येणार नाही.