Samsung ने काही दिवसांपूर्वीच भारतीय बाजारात आपला लो बजेट स्मार्टफोन Samsung Galaxy M01s लॉन्च केला होता जो 9,999 रुपयांमध्ये आला होता. 3 जीबी रॅम आणि 4000एमएएच बॅटरी असलेला हा स्मार्टफोन ऑनलाईन शॉपिंग साइट्स सोबतच ऑफलाईन रिटेल स्टोर्स वर पण विक्रीसाठी उपलब्ध झाला आहे. गॅलेक्सी एम01एस नंतर या सीरीज मध्ये सॅमसंगने अजून एक स्वस्त मोबाईल Samsung Galaxy M01 Core पण लॉन्च केला आहे जो फक्त 5,499 रुपयांमध्ये विकत घेता येईल.
Samsung Galaxy M01 Core कंपनीने भारतीय बाजारात दोन वेरिएंट्स मध्ये लॉन्च केला आहे. फोनचा बेस वेरिएंट 1 जीबी रॅम सह 16 जीबी इंटरनल स्टोरेजला सपोर्ट करतो. तसेच गॅलेक्सी एम01 कोर चा दुसरा वेरिएंट 2 जीबी रॅम + 32 जीबी इंटरनल स्टोरेज वर लॉन्च केला गेला आहे. फोनचा 1 जीबी रॅम वेरिएंट फक्त 5,499 रुपयांमध्ये विक्रीसाठी उपलब्ध होईल तर फोनचा 2 जीबी रॅम वेरिएंट 6,499 रुपयांमध्ये विकत घेता येईल.
Samsung Galaxy M01 Core
सॅमसंग गॅलेक्सी एम01 कोर लो एंड मोबाईल आहे जो जुन्या डिजाईन वर सादर झाला आहे. या फोन मध्ये कोणतीही नॉच नाही उलट स्क्रीनच्या चारही बाजूंना बेजल्स आहेत. हा फोन कंपनीने 5.3 इंचाच्या एचडी+ टीएफटी डिस्प्ले वर लॉन्च केला गेला आहे. Samsung Galaxy M01 Core एंडरॉयड गो आधारित स्मार्टफोन आहे जो वन यूआई सह क्वॉड कोर प्रोसेसर तसेच मीडियाटेक 6739 चिपसेट वर चालतो.
Samsung Galaxy M01 Core च्या बॅक पॅनल वर फोटोग्राफीसाठी फ्लॅश लाईट सह 8 मेगापिक्सलचा रियर कॅमेरा देण्यात आला आहे तसेच सेल्फी व वीडियो कॉलिंगसाठी हा फोन 5 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी हा फोन 3,000एमएएच च्या बॅटरीला सपोर्ट करतो. सॅमसंग गॅलेक्सी एम01 कोर येत्या 29 जुलै पासून Black, Blue आणि Red कलर वेरिएंट मध्ये ऑनलाईन शॉपिंग साइट्स सोबतच ऑफलाईन रिटेल स्टोर्स वरून विकत घेता येईल.
Samsung Galaxy M01s
सॅमसंग गॅलेक्सी एम01एस बद्दल बोलायचे झाले तर हा फोन 6.3 इंचाच्या एचडी+ टीएफटी इनफिनिटी ‘वी’ डिस्प्लेला सपोर्ट करतो. हा फोन एंडरॉयड 10 वर सादर केला गेला आहे जो सॅमसंग वन यूआई वर चालतो. तसेच प्रोसेसिंगसाठी या फोन मध्ये 2गीगाहर्ट्ज क्लॉक स्पीड असलेल्या आक्टाकोर प्रोसेसर सह मीडियाटेकचा हीलियो पी22 चिपसेट देण्यात आला आहे. इंडियन मार्केट मध्ये हा फोन 3 जीबी रॅम वर लॉन्च झाला आहे जो 32 जीबी इंटरनल स्टोरेजला सपोर्ट करतो. फोन मेमरी माइक्रोएसडी कार्डने 512 जीबी पर्यंत वाढवता येते.
फोटोग्राफीसाठी Samsung Galaxy M01s च्या बॅक पॅनल वर 13 मेगापिक्सलचा प्राइमरी सेंसर आणि 2 मेगापिक्सलचा सेकेंडरी कॅमेरा सेंसर देण्यात आला आहे. सेल्फीसाठी हा फोन 8 मेगापिक्सलच्या फ्रंट कॅमेऱ्याला सपोर्ट करतो. गॅलेक्सी एम01एस एक डुअल सिम फोन आहे जो 4जी वोएलटीई ला सपोर्ट करतो. सिक्योरिटीसाठी गॅलेक्सी एम01एस मध्ये रियर फिंगरप्रिंट सेंसर देण्यात आला आहे, तसेच पावर बॅकअपसाठी गॅलेक्सी एम01एस 4,000एमएएच ची बॅटरी देण्यात आली आहे.