Samsung ने गेल्यावर्षी घोषणा केली होती कि कंपनी आपले स्मार्टफोन्स आता ऑनलाईन एक्सक्लूसिव ठेवणार नाही आणि ब्रँडचे डिवाईस ऑफलाईन रिटेल स्टोर्स वर पण सेलसाठी उपलब्ध होतील. असा शब्द सॅमसंगने भारतीय रिटेलर्सच्या मागणीचा स्वीकार करत केला होता. आतापर्यंत Samsung ची ‘गॅलेक्सी एम सीरीज’ ऑनलाईन एक्सक्लूसिव होती जी फक्त ईकॉमर्स वेबसाइट्स वरून विकत घेता येत होती. पण आता या सीरीज मध्ये लॉन्च होणारे आगामी स्मार्टफोन तुमच्या जवळच्या मोबाईल स्टोर्स मध्ये म्हणजे रिटेल स्टोर्स वर पण विकले जातील आणि हि सुरवात Samsung Galaxy M31 स्मार्टफोन पासून होईल.
सॅमसंग इंडियाने आपल्या ऑफिशियल ट्वीटर हँडेल वर ट्वीट करून सांगितले आहे कि कंपनीचा आगामी स्मार्टफोन Samsung Galaxy M31 लॉन्च नंतर सॅमसंगच्या अधिकृत वेबसाइट आणि शॉपिंग साइट अमेझॉन इंडिया सोबत ऑफलाईन रिटेल स्टोर्स वर पण विकला जाईल. सॅमसंग गॅलेक्सी एम31 स्मार्टफोन 25 फेब्रुवारीला भारतात लॉन्च केला जाईल. कंपनीने स्पष्ट केलं नाही कि Samsung Galaxy M31 की ऑनलाईन व ऑफलाईन सेल एकाच तारखेला एकाच किंमतीत होईल कि या दोन्हींमध्ये अंतर असेल.
The #MegaMonster #SamsungM31 is coming soon to the Samsung Online Store, leading retail stores and Amazon. #GalaxyM31 pic.twitter.com/KUK4PZAdb1
— Samsung India (@SamsungIndia) February 11, 2020
Samsung Galaxy M31
सॅमसंग गॅलेक्सी एम31 चे स्पेसिफिकेशन्स प्राइज बाबा ने शेयर केले आहेत. वेबसाइट नुसार Samsung Galaxy M31 इनफिनिटी ‘यू’ डिस्प्लेला सपोर्ट करेल तसेच या स्मार्टफोन मध्ये 6.4 इंचाची फुलएचडी+ सुपर एमोलेड स्क्रीन दिली जाईल. रिपोर्टनुसार गॅलेक्सी एम31 एंडरॉयड 10 वर लॉन्च केला जाईल तसेच फोन मध्ये 1.74गीगाहर्ट्ज क्लॉक स्पीड असलेल्या आक्टाकोर प्रोसेसर सह सॅमसंगचा एक्सनॉस 9611 चिपसेट मिळेल.
Samsung Galaxy M31 बद्दल बोलले जात आहे कि हा फोन इंडियन मार्केट मध्ये तीन वेरिएंट्स मध्ये लॉन्च केला जाऊ शकतो. फोनच्या सर्वात मोठ्या वेरिएंट मध्ये 8 जीबी रॅम दिला जाऊ शकतो जो 128 जीबी इंटरनल स्टोरेजला सपोर्ट करेल. तसेच फोनच्या दुसऱ्या मध्ये 6 जीबी रॅम सह 64 जीबी स्टोरेज तर तिसऱ्या वेरिएंट मध्ये 4 जीबी रॅम मेमरी मिळू शकतो.
फोटोग्राफीसाठी Samsung Galaxy M31 मध्ये क्वॉड रियर कॅमेरा मिळेल. फोन मध्ये एफ/1.8 अपर्चर असलेला 64 मेगापिक्सलचा प्राइमरी कॅमेरा सेंसर दिला जाईल. तसेच रिपोर्टनुसार हा फोन एफ/2.2 अपर्चर असलेल्या 8 मेगापिक्सलच्या सेकेंडरी सेंसर, एफ/2.2 अपर्चर असलेल्या 5 मेगापिक्सलच्या थर्ड सेंसर आणि एफ/2.4 अपर्चर असलेल्या 5 मेगापिक्सलच्या चौथ्या सेंसरला सपोर्ट करेल. सेल्फीसाठी या फोन मध्ये एफ/2.0 अपर्चर असलेला 32 मेगापिक्सलचा फ्रंट कॅमेरा असल्याचे समोर आले आहे.
Samsung Galaxy M31 मध्ये सिक्योरिटीसाठी रियर फिंगरप्रिंट सेंसर दिला जाईल तसेच हा फोन फेस अनलॉक फीचरला पण सपोर्ट करेल. तसेच पावर बॅकअपसाठी या फोन मध्ये यूएसबी टाईपी सी पोर्ट सह 15वॉट फास्ट चार्जिंग सपोर्ट असलेली 6,000एमएएच ची मोठी बॅटरी असल्याचे समोर आले आहे. बोलले जात आहे कि सॅमसंग गॅलेक्सी एम31 ची बेस किंमत 15,000 च्या आसपास असू शकते. पण फोनच्या विक्रीच्या तारखेसाठी 25 फेब्रुवारीची वाट बघितली जात आहे.