सॅमसंग आपल्या एम-सीरीज च्या प्रॉडक्ट पोर्टफोलिओ चा आणखी विस्तार करू शकतो. काही दिवसांत यामध्ये येत असलेला Samsung Galaxy M55s स्मार्टफोन कंपनी वेबसाईटच्या सपोर्ट पेजवर समोर आला होता. तर, आता नवीनतम माहितीमध्ये डिव्हाईसची किंमत श्रेणी, स्पेसिफिकेशन आणि फोटो समोर आले आहेत. त्यावरून असे वाटते की तो काही आठवड्यांत बाजारात येऊ शकतो. चला, पुढे तुम्हाला नवीन माहितीबद्दल अधिक तपशीलवार सांगूया.
Samsung Galaxy M55s ची किंमत श्रेणी (लीक)
सर्टिफिकेशन आणि सपोर्ट पेजवर त्याची उपस्थिती जाणवल्यानंतर प्रथमच Samsung Galaxy M55s चे फोटो, स्पेसिफिकेशन आणि संभाव्य किंमत लीक झाली आहे. त्याला टिपस्टर मुकुल शर्माने सोशल मीडिया साईट एक्स वर शेअर केले आहे.
लीक नुसार आगामी Samsung Galaxy M55s डिव्हाईस लवकरच भारतीय बाजारात लाँच केला जाऊ शकतो.
तुम्ही खाली दिलेल्या पोस्टमध्ये पाहू शकता की या डिव्हाईसला सुमारे 20,000 रुपयांच्या रेंजमध्ये लाँच केले जाणार असल्याचे सांगितले आहे.
Samsung Galaxy M55s चे डिझाईन (लीक)
Samsung Galaxy M55s च्या डिझाईनबद्दल बोलायचे झाले तर लीक झालेल्या फोटोंमध्ये काळा आणि निळा असे दोन रंगांचे पर्याय दाखवले गेले आहेत. फोनच्या मागील पॅनलवर ड्युअल टोन फिनिश आणि रंगीत आयताकृती पट्ट्या पहायला मिळू शकतात. यात ट्रिपल रिअर कॅमेरा सेटअप आणि जवळ एलईडी फ्लॅश दिसत आहे. समोरच्या बाजूबद्दल बोलायचे झाल्यास डिव्हाईसमध्ये एक ॲमोलेड स्क्रीन मिळू शकते.
Samsung Galaxy M55s चे स्पेसिफिकेशन (लीक)
- डिस्प्ले: नवीनतम माहितीमध्ये Samsung Galaxy M55s च्या डिस्प्लेच्या आकाराची माहिती मिळाली नाही, परंतु फोनमध्ये सुपर ॲमोलेड स्क्रीन आणि 120Hz रिफ्रेश रेट दिला जाऊ शकतो.
- चिपसेट: टिपस्टरनुसार आगामी डिव्हाईस क्वालकॉम स्नॅपड्रॅगन 7 जेन 1 चिपसेटसह बाजारात येऊ शकतो. ज्याच्या मदतीने वापरकर्त्यांना स्मुथ परफॉर्मन्स मिळू शकेल.
- कॅमेरा: कॅमेरा वैशिष्ट्यांबद्दल बोलायचे झाल्यास Samsung Galaxy M55s स्मार्टफोनमध्ये ऑप्टिकल इमेज स्टॅबिलायझेशन आणि एलईडी सपोर्टसह ट्रिपल रिअर कॅमेरा सेटअप मिळण्याची अपेक्षा आहे. ज्यामध्ये 50 मेगापिक्सेलचा प्रायमरी, 8 मेगापिक्सेलचा अल्ट्रावाईड आणि 2 मेगापिक्सेलची मॅक्रो लेन्स लावली जाऊ शकते. तर, सेल्फी आणि व्हिडिओ कॉलिंगसाठी समोर 50 मेगापिक्सेलचा कॅमेरा मिळू शकतो.
- बॅटरी आणि चार्जिंग: डिव्हाईसमध्ये 5000mAh ची मोठी बॅटरी दिली जाऊ शकते. तिला लवकर चार्ज करण्यासाठी यात 45 वॉट फास्ट चार्जिंगचा सपोर्ट दिला जाऊ शकतो.