सॅमसंगनं अलीकडेच आपला Samsung Galaxy S23 FE फोन बाजारात आणला आहे. तसेच, आता 2024 मध्ये S24 सीरीजच्या के लाँचची तयारी सुरु आहे. ह्यात कंपनी Samsung Galaxy S24, Samsung Galaxy S24 Plus आणि Samsung Galaxy S24 Ultra सारखे तीन डिवाइस आणू शकते. ज्यांचे काही दिवसांपूर्वी रेंडर समोर आले होते. आता सांगण्यात आलं आहे की हे टायटेनियम बॉडीसह येऊ शकतात.
Samsung Galaxy S24 सीरीज (लीक)
- सोशल मीडिया प्लॅटफॉर्म एक्सवर टिपस्टर Revegnus नं सॅमसंगच्या नवीन मोबाइल्सबद्दल माहिती दिली आहे.
- तुम्ही पोस्टमध्ये पाहू शकता की Galaxy S24 सीरीजच्या Galaxy S24, S24 Plus आणि S24 Ultra मध्ये टायटेनियम फ्रेम असल्याचं सांगण्यात आलं आहे.
- त्यानी पुढे ह्या संबंधित पोस्टमध्ये लिहलं आहे की सॅमसंग इलेक्ट्रॉनिक्स आपल्या दक्षिण कोरियन फॅक्टरीमध्ये वॅनिला मॉडेलसाठी टायटेनियम फ्रेमची निर्मिती करू शकते, तर आपल्या पार्टनर कंपन्यांकडून गॅलेक्सी एस 24 प्लस आणि गॅलेक्सी एस 24 अल्ट्रासाठी टायटेनियम फ्रेम घेऊ शकते.
- कंपनी अलीकडेच लाँच झालेल्या Apple iPhone 15 सीरीजला टक्कर देण्यासाठी असं पाऊल उचलू शकते. कारण आयफोन 15 प्रो मॉडेलमध्ये टायटेनियम बॉडी देण्यात आली आहे.
Samsung Galaxy S24 सीरीजचे स्पेसिफिकेशन्स (संभाव्य)
- डिजाइन: अलीकडेच समोर आलेल्या रेंडरमध्ये गॅलेक्सी एस24 आणि गॅलेक्सी एस24 प्लस फ्लॅट एजसह दिसले होते. तर गॅलेक्सी एस24 अल्ट्रा मध्ये कर्व एज होते. त्याचबरोबर तिन्ही फोन्स टायटेनियम फ्रेमसह येऊ शकतात.
- डिस्प्ले: गॅलेक्सी S24 मध्ये 6.2 इंचाचा, S24 प्लसमध्ये 6.7 इंचाचा आणि S24 अल्ट्रामध्ये 6.8 इंचाचा AMOLED डिस्प्ले दिला जाऊ शकतो. ह्यात अल्ट्रा मॉडेल 2,200 निट्स पीक ब्राइटनेसला सपोर्ट करू शकतो.
- प्रोसेसर: Samsung Galaxy S24 सीरीजचे मोबाइल्स स्नॅपड्रॅगन 8 जेन 3 आणि Exynos 2400 चिपसेटसह येण्याची शक्यता आहे.
- कॅमेरा: S24 अल्ट्रा मध्ये 200 मेगापिक्सलची प्रायमरी कॅमेरा लेन्स, 50 मेगापिक्सलच्या टेलीफोटो लेन्ससह 10 मेगापिक्सलची पेरिस्कोप लेन्स मिळू शकते. तर अन्य दोन मध्ये 50 मेगापिक्सेलची प्रायमरी लेन्स मिळण्याची शक्यता आहे. तसेच, तिन्हीमध्ये 12MP चा फ्रंट कॅमेरा दिला जाऊ शकतो.
- बॅटरी: गॅलेक्सी S24 मध्ये 25W चार्जिंग आणि 4,900mAh बॅटरी दिली जाऊ शकते. तर गॅलेक्सी S24 प्लस 4,900mAh आणि अल्ट्रा 5,000mAh बॅटरीसह 45W चार्जिंग मिळू शकते.
- ओएस: हे सर्व मॉडेल लेटेस्ट अँड्रॉइड 14 आधारित OneUI 6 वर चालू शकतात.