• मेटा थ्रेड्स Google Play आणि Apple App Store वर उपलब्ध.
• लॉगइन करण्यासाठी इन्स्टाग्राम आयडीचा वापर करता येईल.
• थ्रेड्स टेक्स्ट-आधारित कंवर्सेशन अ‍ॅप आहे.

मेटा (Meta) नं अधिकृतपणे थ्रेड्स (Threads) लाँच केलं आहे, जो थेट ट्विटर (Twitter) ला टक्कर देईल. हे अ‍ॅप भारतासह 100 देशांमध्ये डाउनलोडसाठी उपलब्ध आहे. हे मोफत अँड्रॉइडसाठी Google Play आणि iPhones साठी Apple स्टोरवरून डाउनलोड करता येईल. मेटा Threads App इन्स्टाग्राम एक्सटेंशन म्हणून सादर करण्यात आलं आहे. परंतु हा देखील स्टॅन्डअलोन प्लॅटफॉर्म आहे, ज्यात थेट ट्विटरवरून कॉपी करण्यात आलेले फीचर्स आहेत. कंपनी इन्स्टाग्राम युजर्सना आकर्षित करण्यासाठी इन्स्टाग्रामवर वेरिफाइड युजर्सना साइन-अप केल्यावर ऑटोमॅटिक थ्रेड्सवर ब्लू टिकची सुविधा देत आहे. हे अ‍ॅप लाँच होताच 2 तासांत 20 लाखांपेक्षा जास्त लोकांनी वापरलं आहे.

Threads अ‍ॅप कसं डाउनलोड करायचं

मेटा थ्रेड्स डाउनलोड आणि साइन-अप करण्याची प्रक्रिया खूप सोपी आहे. युजर्स Google Play किंवा Apple App Store वरून हे अ‍ॅप डाउनलोड करता येईल आणि पुन्हा लॉगइन करण्यासाठी इन्स्टाग्राम आयडीचा का वापर करता येईल. जर तुमचं इन्स्टाग्राम अकाऊंट असेल तर थ्रेड्स फक्त परवानगी मागेल. ज्याचा अर्थ असा की तुम्हाला नवीन लॉगइन डिटेलची गरज नाही.

थ्रेड्सचे फीचर्स?

• इंस्टग्राम मेटाचा फोटो शेयरिंग किंवा मल्टीमीडिया प्लॅटफॉर्म आहे, तर थ्रेड्स टेक्स्ट-आधारित कंवर्सेशन अ‍ॅप आहे. थ्रेड्स ट्विटर सारखं आहे असं म्हणता येईल.
• Threads मध्ये प्रत्येक पोस्ट 500 कॅरेक्टर पर्यंत मोठी असू शकते, ज्यात लिंक, फोटो (प्रति पोस्ट दहा) आणि 5 मिनिटांच्या व्हिडीओचा समावेश आहे.
• थ्रेड्समध्ये युजर्सना थ्रेड्स पोस्टला उत्तर देणारे लोक नियंत्रित करता येतात.
• युजर थ्री-डॉट मेनूवर टॅप करून कोणत्याही थ्रेड्सवर प्रोफाईल अनफॉलो, ब्लॉक, रिस्ट्रिक्ट किंवा रिपोर्ट करू शकतात. इन्स्टाग्रामवर ब्लॉक केलेलं कोणतंही अकाऊंट ओपाप थ्रेड्सवर ब्लॉक होतील.
• ह्यात युजर्सना काही फीचर्स अजूनही नाहीत म्हणजे युजर्स GIFS टाकू शकत नाहीत आणि close friend ची सुविधा देखील नाही.
• थ्रेड्स मध्ये सध्या डीएम म्हणजे डायरेक्ट मेसेजची सुविधा नाही. युजर्स स्टोरी देखील पोस्ट करू शकत नाहीत.
• थ्रेड्सची एक डेडिकेटेड वेबसाइट आहे, जी लाइव्ह झाली नाही.

The post Twitter ला टक्कर देण्यासाठी आलं मेटाचं Threads, जाणून घ्या कसं करायचं डाउनलोड first appeared on 91Mobiles Marathi.

जीबी व्हॉट्सअ‍ॅप म्हणजे काय?

What is GB WhatsApp: जीबी व्हॉट्सअ‍ॅप पॉपुलर इन्स्टंट मेसेंजर अ‍ॅप WhatsApp चं क्लोन अ‍ॅप आहे जो ऑरिजनल अ‍ॅपच्या आधारावर बनला आहे आणि यात अनेक अतिरिक्त इंटरेस्टिंग फीचर्स देखील मिळतात. अशाप्रकारे क्लोन अ‍ॅप व्हर्जन्सना मोडेड अ‍ॅप्स असं देखील म्हटलं जातं. हे क्लोन अ‍ॅप अधिकृत नसतात त्यामुळे गुगल प्ले स्टोरवरून डाउनलोड करता येत नाहीत. असे अ‍ॅप्स थर्ड पार्टी अ‍ॅप स्टोरवरून डाउनलोड करावे लागतात. जीबी व्हॉट्सअ‍ॅपच्या फीचर्स माहिती घेऊया.

जीबी व्हॉट्सअ‍ॅपचेके फीचर्स

मोठ्या आकाराची फाइल पाठवता येते

एकेकाळी व्हॉट्सअ‍ॅपवर युजर्स 16MB पेक्षा मोठी फाइल सेंड करता येत नव्हती. जो व्हॉट्सअ‍ॅपमधील सर्वात मोठा दोष होता. तेव्हा GB WhatsApp च्या मदतीनं युजर्स 100MB पर्यंतच्या फाइल सेंड करू शकत होते. यंदा ऑफिशियल व्हॉट्सअ‍ॅपनं फाइलची साइज 2GB पर्यंत वाढवली आहे.

ऑनलाइन आणि टाइपिंग स्टेटस लपवता येतं

GB WhatsApp वर तुम्हाला प्रायव्हसीसाठी जास्त कंट्रोल मिळतो. या अ‍ॅपमध्ये ऑनलाइन स्टेटस, टाइपिंग स्टेटस आणि व्हॉइस रेकॉर्डिंग स्टेटस हाइड करण्याचा ऑप्शन मिळतो. म्हणजे तुम्ही ऑनलाइन असून देखील समोरच्या व्यक्तीला कळणार नाही, तसेच तुम्ही टायपिंग करत आहात किंवा व्हॉइस रेकॉड करत आहात हे देखील लपवता येतं.

शेड्यूल मेसेज

GB WhatsApp वर युजर्सना मेसेज शेड्यूल करण्याचा अ‍ॅडव्हान्स ऑप्शन मिळतो. म्हणजे तुम्ही एखाद्याला वाढदिवसाच्या शुभेच्छांचा मेसेज रात्री 12 पर्यंत न जागता आधीच शेड्युल करू शकता. जीबी व्हॉट्सअ‍ॅप तो मेसेज ठरलेल्या वेळी पाठवून देईल.

DND

जर तुम्हाला काही काळ व्हाट्‌सअ‍ॅपवर मेसेज नको असतील आणि इंटरनेट कनेक्टिव्हिटी चालू हवी असेल तर तुम्ही जीबी व्हॉट्सअ‍ॅपच्या डू-नॉट-डिस्टर्ब फिचरचा वापर करू शकता.

डिलीट केलेले मेसेज वाचा

व्हॉट्सअ‍ॅपवर युजर्स डिलीट केलेले मेसेज वाचू शकत नाहीत. परंतु व्हॉट्सअ‍ॅपच्या क्लोन व्हर्जन जीबी व्हॉट्सअ‍ॅपमध्ये सेंडरने डिलीट केलेले मेसेज वाचण्याचा पर्याय मिळतो.

स्टेटस अपडेटमध्ये अधिक कॅरेक्टर लिमिट

जीबी व्हॉट्सअ‍ॅपमध्ये युजर्सना ऑरिजनल व्हॉट्सअ‍ॅपच्या तुलनेत स्टेटस अपडेट करण्यासाठी जास्त कॅरेक्टर्स मिळतात.

स्टेटस डाउनलोड

जीबी व्हॉट्सअ‍ॅपमध्ये युजर्सना दुसऱ्यांच्या स्टेटसमधील इमेज आणि व्हिडीओ डाउनलोड करण्याचा ऑप्शन मिळतो.

हाय-रिजोल्यूशन इमेज पाठवता येतात

जीबी व्हॉट्सअ‍ॅपवरून युजर्स हाय रिजोल्यूशन पिक्चर पाठवू शकतात. ऑरिजनल व्हॉट्सअ‍ॅपमध्ये इमेज साइज कॉम्प्रोमाइज होते.

फोटो गॅलरीमध्ये मीडिया फाइल्स हाइड करता येतात

व्हॉट्सअ‍ॅपवर युजर्स मीडिया फाइल फोटो गॅलरीमध्ये हाइड करण्याचा ऑप्शन मिळत नाही. परंतु GB WhatsApp मध्ये हे फीचर आहे.

GB WhatsApp सुरक्षित आहे?

क्लोन किंवा मोडेड अ‍ॅप सामन्यात सुरक्षित नसतात आणि त्याला GB WhatsApp देखील अपवाद नाही. WhatsApp क्लोन आणि मोडेड अ‍ॅप युजर्सना बॅन करू शकतं. जीबी व्हॉट्सअ‍ॅपचे मेसेज एन्ड टू एन्ड इंक्रिप्टेड नसतात त्यामुळे युजर्सच्या पर्सनल सिक्योरिटीसाठी धोकादायक आहे. तुमचे मेसेज तिसरीच व्यक्ती वाचू शकते. तसेच जीबी व्हॉट्सअ‍ॅपमध्ये युजर्सना जाहिराती दाखवल्या जातात. हे अ‍ॅप गुगल प्ले स्टोरवर लिस्टेड नाही त्यामुळे हे डाउनलोड करणे टाळावे. तरीही जर तुम्हाला जीबी व्हॉट्सअ‍ॅप वापरायचं असेल तर पुढे आम्ही याची पद्धत सांगितली आहे.

GB WhatsApp कसं डाउनलोड करायचं

स्टेप 1: स्मार्टफोनच्या ब्राउजरवर जा आणि GB WhatsApp apk सर्च करा. इथे तुम्हाला अनेक लिंक्स मिळतील, तिथून चांगले रिव्यू असलेलं अपडेटेड व्हर्जन डाउनलोड करा.

स्टेप 2: APK फाइल डाउनलोड झाल्यानंतर ही एपीके फाइल इंस्टॉल करा.

स्टेप 3: ही फाइल इंस्टॉल करण्यासाठी तुम्हाला फोनमध्ये सिक्योरिटी सर्टिफिकेट एक्सपायर झाल्याचा मेसेज दिसेल. अ‍ॅप इंस्टॉलेशन प्रोसेस पूर्ण करा.

स्टेप 4: इंस्टॉलेशन प्रोसेस पूरा झाल्यानंतर जीबी व्हॉट्सअ‍ॅपवर मोबाइल नंबरसह साइन इन करा.

जीबी व्हॉट्सअ‍ॅप आणि व्हॉट्सअ‍ॅप एकच अ‍ॅप आहेत का?

GB WhatsApp (जीबी व्हॉट्सअ‍ॅप) ऑरिजनल व्हॉट्सअ‍ॅप (WhatsApp) चा क्लोन आहे. जो मूळ अ‍ॅपच्या कोड वर आधारित आहे. म्हणजे जीबी व्हॉट्सअ‍ॅप आणि व्हॉट्सअ‍ॅप दोन्ही वेगवेगळे अ‍ॅप आहेत.

GB WhatsApp सुरक्षित आहे का?

नाही, जीबी व्हॉट्सअ‍ॅप वापरणं सुरक्षित नाही. GB WhatsApp च्या माध्यमातून पाठवण्यात आलेले मेसेज एन्ड टू एन्ड इंक्रिप्टेड नसतात त्यामुळे तुमची डेटा प्रायव्हसी धोक्यात येते.

जीबी व्हॉट्सअ‍ॅप वापरल्यावर व्हॉट्सअ‍ॅप बॅन करू शकतं का?

हो, व्हॉट्सअ‍ॅपची पॉलिसी आहे की ते मोडेड किंवा क्लोन अ‍ॅप वापरणाऱ्या युजर्सना आपल्या प्लॅटफॉर्मवरून तात्पुरतं किंवा कायमचं बॅन केलं जातं.

The post जीबी व्हॉट्सअ‍ॅप म्हणजे काय? वापरल्यामुळे डेटा जातो का चोरीला? कसं डाउनलोड करायचं? जाणून घ्या first appeared on 91Mobiles Marathi.