टेक्नो आपल्या 5G स्मार्टफोन उत्पादनाच्या पोर्टफोलिओचा सतत विस्तार करत आहे या अंतर्गत Techno Pop 9 5G स्मार्टफोन काही दिवसांपूर्वी सादर करण्यात आला होता. तर आता कंपनी Spark 30 सीरीज अंतर्गत TECNO Spark 30C 5G आणत आहे. हा याच महिन्यात लाँच केला जाईल. ब्रँडने यासंदर्भात एक नवीन टीझर शेअर केला आहे. ज्यामध्ये उत्कृष्ट स्पेसिफिकेशन देखील समोर आले आहेत. चला, पुढे लाँच तारीख आणि इतर गोष्टी सविस्तरपणे जाणून घेऊया.
TECNO Spark 30C 5G च्या भारतातील लाँच तारखेची झाली पुष्टी
Tecno ने पुष्टी केली आहे की 8 ऑक्टोबर रोजी Tecno Spark 30C 5G स्मार्टफोन भारतात लाँच केला जाईल. त्याची टॅग लाईन ब्रँडने “क्रेझीली रिलायबल” ठेवली आहे. तुम्ही खालील टिझर फोटोमध्ये त्याची झलक पाहू शकता.
अपेक्षा आहे की मागच्या महिन्यात सादर केलेल्या Tecno Pop 9 5G प्रमाणे याला देखील 10,000 रुपयांपेक्षा कमी किंमतीत एन्ट्री मिळू शकते.
TECNO Spark 30C 5G चे डिझाईन
तुम्ही फोटोमध्ये पाहू शकता की TECNO Spark 30C 5G च्या फ्रंट पॅनलमध्ये पंच होल नॉच डिझाईन दिले गेले आहे त्याची स्क्रीन फ्लॅट आहे आणि पातळ बेझल्स दिसत आहेत, तर मागील पॅनलवर कंपनीने ड्युअल रिअर कॅमेरा सेटअप आणि रिंग एलईडी लाईट लावली आहे. रंगांच्या पर्यायांबद्दल बोलायचे झाल्यास डिव्हाईस काळ्या आणि दुसरा ड्युअल टोन रंगात दिसत आहे. एकूणच हा कमी बजेटमध्ये चांगला लुक देत आहे.
TECNO Spark 30C 5G चे स्पेसिफिकेशन
- अधिकृत टिझरमध्ये ब्रँडने पुष्टी केली आहे की डिव्हाईसमध्ये 48 मेगापिक्सेलचा सोनी सेन्सर कॅमेरा पाहायला मिळेल. यात आर्टिफिशियल इंटेलिजन्स तंत्रज्ञानाची लेन्सही असेल.
- मोबाईलच्या डिस्प्लेबद्दल बोलायचे झाल्यास कंपनीने पुष्टी केली आहे की यात 120 हर्ट्स रिफ्रेश रेट असलेली स्क्रीन दिली जाईल.
- अद्याप पुष्टी झालेली नाही परंतु डिव्हाईसमध्ये ब्रँडद्वारे मीडियाटेक डायमेंसिटी 6300 चिपसेटचा वापर केला जाऊ शकतो.
- स्क्रीनच्या आकाराबद्दल बोलायचे झाल्यास कंपनी 6.67 इंचाचा एचडी प्लस डिस्प्ले लाऊ शकते.
- स्पीडसाठी रॅमच्या बाबतीत, डिव्हाईस 4 जीबी रॅम आणि 4 जीबी व्हर्च्युअल रॅमला सपोर्ट देऊ शकतो. यासोबतच 64 जीबी आणि 128 जीबी सारखे इंटरनल स्टोरेजचे पर्याय मिळू शकतात.
- कॅमेरा फिचर्स बद्दल बोलायचे झाल्यास फ्रंट पॅनल वर ड्युअल एलईडी फ्लॅश सह 8 मेगापिक्सेलची लेन्स मिळण्याची शक्यता आहे.
- बॅटरीच्या बाबतीत हा डिव्हाईस 5000 एमएएच ची मोठी बॅटरी आणि 18 वॉट फास्ट चार्जिंग सपोर्टसह येण्याची अपेक्षा आहे.
- ऑपरेटिंग सिस्टमबद्दल बोलायचे झाले तर TECNO Spark 30C 5G हा अँड्राईड 14 वर आधारित असू शकते.