WhatsApp भारतातील सर्वात लोकप्रिय इन्स्टंट मेसेजिंग अॅप आहे. नवीन स्मार्टफोन घेतल्यावर सर्वप्रथम इंस्टाल केल्या जाणाऱ्या अॅप्समध्ये व्हॉट्सअॅपचा समावेश असतोच. देशातील लाखो व्हॉट्सअॅप युजर चॅटिंग, कॉलिंग, व्हिडीओ कॉलिंग आणि डॉक्यूमेंट शेयरिंगसाठी याचा वापर करतात. परंतु आता अनेक whatsapp users साठी वाईट बातमी आली आहे. 40 पेक्षा जास्त स्मार्टफोन मॉडेल्सवर 31 डिसेंबरपासून व्हॉट्सअॅपचा सपोर्ट बंद होणार आहे आणि यात Apple, Samsung, Lenovo, Sony आणि LG सारख्या ब्रँड्सच्या फोन्सचा समावेश आहे.
Meta च्या मालकीचं WhatsApp हे वर्ष संपताच म्हणजे 1 जानेवारी 2023 पासून अनेक स्मार्टफोन्सवर वापरता येणार नाही. कंपनीनं व्हॉट्सअॅप सपोर्ट गमावणाऱ्या मोबाइल फोन्सची यादी प्रसिद्ध केली आहे. वेगवेगळ्या ब्रँड्सचे एकूण 47 असे स्मार्टफोन आहेत जे 31 डिसेंबर 2022 नंतर व्हॉट्सअॅप अॅक्सेस करू शकणार नाहीत. या लिस्टमध्ये अनेक मोबाइल असे आहेत जे भारतीय बाजारात उपलब्ध नाहीत परंतु काही असे स्मार्टफोन देखील आहेत जे भारतात खूप प्रसिद्ध झाले आहेत.
वरील लिस्टमध्ये ते सर्व मोबाइल फोन्स आहेत ज्यांच्यावर नव्या वर्षात व्हॉट्सअॅप वापरता येणार नाही. तुम्हाला समजलं असेल की यात एलजी आणि सॅमसंग स्मार्टफोन्सची नावे जास्त आहे. ही ग्लोबल लिस्ट आहे त्यामुळे काही अशी नावे देखील आहेत जे फोन भारतीय बाजारात उपलब्ध नाहीत. परंतु जर या यादीतील एखादा असा डिवायस जो तुम्ही किंवा तुमच्या आजुबाजुंचा कोणी वापरत असेल तर त्यात व्हॉट्सअॅप संपणार आहे.