Corona महामारीमुळे देशात सध्या लॉकडाउन चालू आहे. या लॉकडाउनमुळे सर्वात जास्त स्मार्टफोन मार्केट मध्ये मंदी आली आहे. दुसरा लॉकडाउन 3 मे ला समाप्त होणार आहे. पण 3 मे ला पूर्णपणे लॉकडाउन संपेल कि नाही हे स्पष्टपणे सांगता येणार नाही. काही रिपोर्ट्सनुसार मोबाईल शॉप आणि ई-कॉर्मस साइट्सच्या माध्यमातून फोन्सची विक्री सुरु होईल.
काही दिवसांपूर्वी काउंटरपॉइंट रिसर्चचे रिसर्च डायरेक्टर नील शाह यांनी सांगितले होते कि मार्केट जेव्हा पुन्हा सुरु होईल तेव्हा जवळपास सर्व मोठ्या कंपन्या नुकसान भरून काढण्यासाठी आकर्षक किंमतीत आणि नवीन स्ट्रॅटेजीची मदत घेऊ शकतात.
लॉकडाउनमुळे सर्व शाओमी, रियलमी, वीवो आणि सॅमसंग सारखे सर्व स्मार्टफोन ब्रॅंड्सनी आपले नवीन लॉन्च तर रद्द केले आहेत. वर सांगितल्याप्रमाणे 3 मे नंतर सरकार स्मार्टफोन्सची विक्री ऑफलाइन आणि ऑनलाइनच्या माध्यमातून चालू करू शकते. यासाठी या पोस्ट मध्ये आम्ही तुम्हाला त्या फोन्स बद्दल सांगणार आहोत जे मे मध्ये लॉन्च केले जातील आणि विक्रीस येतील.
OnePlus 8 आणि OnePlus 8 Pro
सर्वात आधी बोलूया वनप्लस 8 सीरीज बद्दल, जी अलीकडेच कंपनीने ग्लोबली लॉन्च केली होती. या सीरीज मध्ये सादर केलेल्या OnePlus 8 आणि OnePlus 8 Pro ची वाट अनेक ग्राहक बघत आहेत. तसेच कंपनीने अमेझॉनच्या माध्यमातून डिवाइसची प्री-बुकिंग घेण्यास सुरवात केली आहे, ज्यावरून स्पष्ट झाले आहे कि लॉकडाउन मध्ये सूट मिळताच डिवाइसची विक्री केली जाईल. OnePlus 8 आणि OnePlus 8 Pro ची बेस किंमत क्रमश: 41,999 रुपये व 54,999 रुपये आहे.
Realme Narzo 10 आणि Narzo 10A
एकदा नव्हे तर दोनदा Realme Narzo सीरीजचा लॉन्च टाळण्यात आला आहे. लॉकडाउनमुळे Realme हि सीरीज लॉन्च करू शकत नाही, पण लॉकडाउन उघडताच Realme Narzo 10 आणि Realme Narzo 10A भारतात येतील. तसेच लॉन्च नंतर डिवाइस विक्रीसाठी सादर केले जाऊ शकतात. कारण कंपनी यावर्षी अजून अनेक स्मार्टफोन्स लॉन्च करणार आहे.
Vivo V19
वीवो वी19 पण पुढल्या महिन्यात मे मध्ये लॉन्च होण्यासाठी तयार दिसत आहे. हा फोन आधीच दुसऱ्या देशात लॉन्च झाला आहे. तसेच यावर्षी मार्च मध्ये भारतात लॉन्च केला जाणार होता. पण कोरोनामुळे चालू असलेल्या लॉकडाउनमुळे वीवोला पण आपला लॉन्च रद्द करावा लागला. वीवो वी19 स्नॅपड्रॅगॉन 712 चिपसेट सह येतो. तसेच फ्रंटला डुअल कॅमेरा सेटअप आहे मागे क्वाड-कॅमेरा सेटअप आहे.
Xiaomi Mi 10
108-मेगापिक्सल प्राइमरी सेंसर असलेला शाओमी मी 10 पण पुढल्या महिन्यात लॉन्च होऊ शकतो. या डिवाइसच्या लॉन्चची वाट भारतात गेल्यावर्षी पासून बघितली जात आहे. Xiaomi ने भारतात Mi 10 लॉन्च करण्यासाठी आधी 31 मार्च तारीख ठरवण्यात आली होती, पण हा लॉन्च केला गेला नाही. आता पुढल्या महिन्यात म्हणजे मे मध्ये हा डिवाइस लॉन्च केला जाऊ शकतो.
Samsung Galaxy S20 Ultra
लॉकडाउनच्या आधी सॅमसंगने गॅलेक्सी एस20 सीरीज मध्ये दोन मॉडेल गॅलेक्सी एस20 आणि गॅलेक्सी एस20 प्लस विक्रीसाठी उपलब्ध झाले होते. पण या सीरज मध्ये हाई-एंड गॅलेक्सी एस20 अल्ट्राची विक्री होऊ शकली नाही. आता आशा आहे कि हा डिवाइस पुढल्या महिन्यात विक्रीसाठी सादर केला जाऊ शकतो.
Motorola Razr
सर्वात खास डिजाइन सह गेल्या वर्षी आलेला मोटोरोला रेजर 2019 यावर्षी भारतात लॉन्च झाला आहे. पण विक्रीसाठी येऊ शकला नाही. दुसरा लॉकडाउन सम्पल्यावर डिवाइस विक्रीसाठी सादर केला जाऊ शकतो.
नोट: कोणत्याही कंपनीने पुढल्या महिन्यात डिवाइसच्या लॉन्च आणि विक्री बद्दल अधिकृत माहिती दिली नाही. पण आम्हाला आशा आहे कि 3 मे नंतर सरकार मोबाईल फोन्सच्या विक्रीला ऑनलाइन आणि ऑफलाइन परवानगी देऊ शकते.