TikTok एक असं नाव आहे जे जवळपास सर्व युवकांना माहित आहे, मग ते हे ऍप वापरत नसतीलही. हा प्रसिद्ध वीडियो ऍप आहे चीनी पण चीन पेक्षा जास्त आपल्या भारतात प्रसिद्ध आहे. मागे मद्रास हायकोर्टाने या ऍप वर बंदी होती आणि TikTok वर अश्लीलता पसरवण्याचा आरोप करत सुप्रीम कोर्टाकडे हा बॅन करण्याची मागणी केली होती. या वादानंतर ऍप्पल आणि गूगल ने हे ऍप्लिकेशन आपल्या प्लॅटफॉर्म वरून काढून टाकले होते. पण आज TikTok यूजर्स साठी आनंदाची बातमी आहे कि कोर्टाने या ऍप वरील बॅन काढला आहे.
TikTok बनवणारी कंपनीच नव्हे तर भारतातातील टिकटॉकच्या लाखों फॅन्ससाठी पण हि बातमी आनंदाची लहर घेऊन आली आहे. मागील काही दिवसांपासून वादाच्या भोवऱ्यात असलेल्या या वीडियो मेकिंग ऍपला हिरवा कंदील दाखवण्यात आला आहे आणि मद्रास हायकोर्ट ने ऍप वरील बॅन काढून टाकण्याचा निर्णय घेतला आहे. बॅन नंतर आईफोनच्या ऍप्पल ऍप स्टोर तसेच एंडरॉयड फोनच्या गूगल प्ले स्टोर वरून हा ऍप काढून टाकण्यात आला होता पण आता कोर्टाने बॅन काढल्यामुळे TikTok आता फोन मध्ये डाउनलोड साठी उपलब्ध होईल.
विशेष म्हणजे गेल्या काही दिवसांपासून TikTok साठी भारत मोठी बाजारपेठ बनली आहे. हैराणीची बाब म्हणजे देशात TikTok बॅन झाल्यामुळे चीनी कंपनीला रोज एका दिवसात $500,000 यूएस डॉलर म्हणजे जवळपास 3.5 कोटी रुपयांचे नुकसान होत होते. तसेच हा ऍप बनवणाऱ्या कंपनी शंघाई बाइटडांस टेक्नोलॉजी ने असे सांगितले होते कि भारतात TikTok बॅन झाल्यामुळे 250 पेक्षा जास्त नोकऱ्या संपणार आहेत. कंपनी नुसार भारतात TikTok चे 300 मिलियन पेक्षा जास्त यूजर आहेत.
TikTok वर बॅनची मागणी केल्यांनंतर सुप्रीम कोर्टाने मद्रास हायकोर्टला आदेश देऊन या ऍप वर फाइनल वर्डिक्ट देण्यास सांगितले होते. या ऑर्डर मध्ये सुप्रीम कोर्टाने सांगितले होते कि जर मद्रास हायकोर्ट TikTok वर बॅन संविधानिकरित्या का वैध आहे हे सांगण्यात अयशस्वी ठरल्यास या ऍप वरून बॅन काढून टाकण्यात यावा.
दुसरीकडे TikTok बॅन नंतर याची पॅरेंट कंपनी बाइटडांस टेक्नोलॉजी ने असे विधान केले होते कि टिकटॉक बंद केल्यास भारतात अभिव्यक्ती स्वातंत्र्यावर घाला येईल. असे बोलताना कंपनी ने TikTok वरून असे 60 लाख वीडियोज काढून टाकण्याचा दावा पण केला होता जे त्यांना कम्यूनिटी गाइडलाइनच्या विरोधात वाटले होते.
विशेष म्हणजे यावर्षी पहिल्या तिमाहीत TikTok जगभरात तिसरा सर्वात जास्त इंस्टॉल केला जाणारा ऍप बनला होता. TikTok ने मार्च तिमाहीत जगभरात 18.8 कोटी नवीन यूजर जोडले होते, ज्यात भारताचा वाटा 8.86 कोटी इतका होता.