तुम्हाला तर माहित आहे कि Vivo नेहमी आपल्या V सीरीज मध्ये दोन मॉडेल सादर करते. यावर्षीच्या सुरवातीला कंपनीने Vivo V15 सह Vivo V15 Pro आणला होता. तर दिवाळीच्या आधी कंपनीने आपला फ्लॅगशिप फोन V17 Pro भारतात सादर केला पण V17 मॉडेलचा उल्लेख केला नाही. पण 91मोबाईल्सला याबाबत एक्सक्लूसिव माहिती मिळाली आणि जगात सर्वात आधी आम्ही सांगितले होते कि डिसेंबर मध्ये Vivo V17 मॉडेल सादर केला जाऊ शकतो. तर आज आमच्याकडे या फोनबद्दल बरीच माहिती आहे. फक्त फोनचा लुक नाही तर संपूर्ण स्पेसिफिकेशनची माहिती आली आहे.
Vivo V17 ची डिजाइन
Vivo V17 मॉडेल काही दिवसांपूर्वी रशिया मध्ये लॉन्च केला गेला होता आणि हा फोन पंच होल डिस्प्ले सह सादर केला गेला होता. भारतात हा फोन खूप वेगळा आहे. कंपनी हा 6.44 इंचाच्या पंच होल डिस्प्ले सह सादर करणार आहे आणि याचे नाव आईव्यू असेल. चांगल्या डिस्प्ले क्वालिटी साठी यात E3 OLED पॅनलचा वापर केला गेला आहे. तसेच आम्हाला जो पोस्टर मिळाला आहे त्यात स्पष्टपणे दिसत आहे कि फोनच्या मागच्या पॅनल मध्ये एलशेप असलेला क्वाड कॅमेरा सेटअप आहे. फोन मध्ये तुम्हाला रियर पॅनल फिंगरप्रिंट स्कॅनर मिळणार नाही तर कंपनी यात इन डिस्प्ले फिंगरप्रिंट स्कॅनर देईल.
Vivo V17 चे स्पेसिफिकेशंस
आम्ही आधी सांगितल्याप्रमाणे या फोन मध्ये पंच होल मध्ये तुम्हाला 32 मेगापिक्सलचा फ्रंट कॅमेरा मिळेल. तर बॅक पॅनल पाहता यावर 48—मेगापिक्सलचा मेन कॅमेरा देण्यात आला आहे जो एफ/1.8 अपर्चर सह येईल. याचा दुसरा सेंसर 8 मेगापिक्सलचा आहे जो एफ/2.2 अपर्चर सह देण्यात आला आहे. तिसरा आणि चौथा सेंसर 2 एमपी चा आहे जो एफ/2.4 अपर्चर सह येतो.
Vivo V17 कंपनी क्वालकॉम स्नॅपड्रॅगॉन 675 चिपसेट वर सादर करणार आहे आणि हा फोन भारतीय बाजारात 8जीबी रॅम आणि 128जीबी मेमरी सह लॉन्च होईल. फोन मध्ये तुम्हाला तीन स्लॉट मिळतील. अर्थात तुम्ही दोन सिम कार्ड सह एक मेमरी कार्ड वापरू शकाल. 4जी आधारित या फोन मध्ये यूएसबी टाईप—सी देण्यात आली आहे आणि हा 4,500 एमएएच बॅटरी सह लॉन्च होईल. कंपनीने सोबत 18 वॉट फास्ट चार्जिंग दिली आहे.
लॉन्च व किंमत
आम्हाला जी माहिती मिळाली आहे त्या नुसार या फोनची किंमत 22 हजार रुपयांच्या आसपास असू शकते आणि 9 डिसेंबरला हा भारतात लॉन्च केला जाणार आहे.