Vivo X60 सीरीजने तोडला स्वतःचाच रेकॉर्ड, आजपासून सुरु होईल सेल

चिनी स्मार्टफोन निर्माता कंपनी Vivo ने काही दिवसांपूर्वी आपली नवीन X60 फ्लॅगशिप सीरीज लॉन्च केली होती. आता कंपनीच्या या सीरीजसाठी युजर्सना शानदार प्रतिसाद मिळताना दिसत आहे. 30 मार्च 2021 पर्यंत Vivo X60 सीरीज ज्यात Vivo X60, Vivo X60 Pro आणि हाई-एन्ड फीचर्स असलेल्या Vivo X60 Pro Plus चा समावेश आहे, ने गेल्यावर्षी लॉन्च झालेल्या X50 सीरीजपेक्षा 200 टक्के जास्त प्री-बुकिंग्स मिळत आहेत. याची माहिती कंपनीने दिली आहे. प्री-बुकिंग वरून स्पष्ट झाले आहे कि ग्राहक वीवो एक्स60 विकत घेण्यासाठी किती उत्सुक आहेत. (vivo x60 series registers more than 200 percent pre book first sale)

कंपनीचे विधान

Vivo India चे ब्रँड स्ट्रॅटेजी डायरेक्टर निपुन मौर्या म्हणाले कि आम्ही खूप खुश आहोत कारण लेटेस्ट X60 सीरीजला जबरदस्त प्रतिसाद मिळत आहे. हाच पुरावा आहे कि आम्ही आमच्या युजरसाठी त्यांच्या आवश्यकतेनुसार प्रोडक्ट सादर करत आहोत. प्रीमियम डिजाइन, अपग्रेडेड गिंबल कॅमेरा सेटअप आणि क्वालकॉम स्नॅपड्रॅगॉनच्या 800 सीरीजच्या चिपसेटसह Vivo X60 सीरीज युजर्सच्या मनात आपले स्थान निर्माण करण्यात यशस्वी झाला आहे.

यादिवशी होईल सेल

अजूनतरी ग्राहकांसाठी अधिकृतपणे डिवाइस उपलब्ध झाला नाही. वीवो इंडियाचे ई-स्टोर, Amazon.in, Flipkart आणि इतर प्रमुख ई-कॉमर्स वेबसाईट्सवर 2 एप्रिल 2021 पासून सुरु होणाऱ्या सेलमध्ये वीवो एक्स60 सीरीज विकत घेता येईल. तसेच देशभरातील Vivo च्या ऑफलाइन पार्टनर रिटेल स्टोर्सवर फोनची विक्री केली जाईल.

वीवो एक्स 60 आणि एक्स 60 प्रो मिडनाइट ब्लॅक आणि शिमर ब्लू कलर ऑप्शन मध्ये उपलब्ध होतील, तर एक्स 60 प्रो + सम्राट ब्लू कलर ऑप्शन मध्ये येईल.

संपूर्ण वीवो एक्स 60 सीरीज शक्तीशाली क्वालकॉम स्नॅपड्रॅगॉन 8 श्रृंखला 5 जी चिपसेटचा वापर करते. या स्मार्टफोन्सचे प्रमुख आकर्षण इन-बिल्ट गिंबल स्टॅबिलाइजेशन आहे, ज्याचा उद्देश्य स्थिर शॉट्स क्लिक करण्यास मदत करणे आहे.